Некемия 12:1—47
12 Шалтиелдин+ уулу Зоробабыл+ менен Жешуяга+ кошулуп туткундан кайтып келген дин кызматчылар менен лебилер булар: Серая, Жеремия, Эзра,
2 Амария, Малух, Хатуш,
3 Шехания, Рехум, Меремот,
4 Идо, Гинтой, Абия,
5 Миямин, Мадия, Билга,
6 Шемая, Жоарип, Жедая,
7 Салу, Амок, Хилкия, Жедая. Булар Жешуянын күндөрүндө дин кызматчылардын жана алардын тууган-уруктарынын башчылары болчу.
8 Лебилер булар: Жешуя, Бинуй, Кадмиел,+ Шеребия, Жүйүт жана Матания. Матания+ менен анын туугандары Кудайга ыраазычылык билдирген ырлардын ырдалышына жооптуу болушкан.
9 Алардын туугандары Бакбукея менен Уни болсо алардын тушунда күзөттө турушчу*.
10 Жешуянын уулу Жоаким, Жоакимдин уулу Элиашип,+ Элиашиптин уулу Жоада,+
11 Жоаданын уулу Жонатан, Жонатандын уулу Жадуя болгон.
12 Жоакимдин күндөрүндө урук башчылары болгон дин кызматчылар булар: Сераянын+ тукумунан Мерая, Жеремиянын тукумунан Ханания,
13 Эзранын+ тукумунан Мешулам, Амариянын тукумунан Жахонан,
14 Малухинин тукумунан Жонатан, Шебаниянын тукумунан Жусуп,
15 Харимдин+ тукумунан Адна, Мераоттун тукумунан Хелкия,
16 Идонун тукумунан Закарыя, Гинтондун тукумунан Мешулам,
17 Абиянын+ тукумунан Зихри, Миниаминдин тукумунан...*, Моадиянын тукумунан Пилтай,
18 Билганын+ тукумунан Шамуя, Шемаянын тукумунан Жонатан,
19 Жоариптин тукумунан Матнай, Жедаянын+ тукумунан Узи,
20 Салайдын тукумунан Калай, Амоктун тукумунан Эбер,
21 Хилкиянын тукумунан Хашабия, Жедаянын тукумунан Нетанел.
22 Элиашиптин, Жоаданын, Жоханандын жана Жадуянын+ күндөрүндө жашаган лебилер да, урук башчылары болгон дин кызматчылар сыяктуу эле, Персия падышасы Дарийдин башкаруусуна чейин тизмеге киргизилди.
23 Элиашиптин уулу Жоханандын күндөрүнө чейин урук башчы болгон лебилердин ысымдары тарых баяндалган китепке жазылган.
24 Лебилердин башчылары Хашабия, Шеребия жана Кадмиелдин+ уулу Жешуя+ болгон. Алардын бир туугандары карама-каршысында турушчу. Алар чыныгы Кудайдын кишиси Дөөтү буйрук кылгандай, Кудайга ыраазычылык билдирип, аны даңкташчу.+ Бир күзөт тобу экинчи күзөт тобунун жанында турчу.
25 Матания,+ Бакбукея, Обадия, Мешулам, Талмон жана Акуп+ дарбазанын жанындагы кампаларды кайтарган дарбазачылар+ болчу.
26 Алар Жозадактын уулу Жешуянын+ уулу Жоакимдин, башкаруучу Некемиянын, дин кызматчы жана көчүрмөчү Эзранын+ күндөрүндө кызмат кылышкан.
27 Иерусалимдин дубалы тургузулуп бүткөнүнө карата азем өткөрүлмөк. Ошон үчүн ар кайсы жерлерде жашаган лебилерди Иерусалимге чогултуш үчүн издей башташты. Алар жез табактын, арфа менен башка кыл аспаптардын коштоосунда Кудайга ыраазычылык билдирип,+ даңктоо ырларын ырдашмак.
28 Ырчылар* Иордан өрөөнүнөн, Иерусалимдин тегерек-чети менен нетопалыктардын+ конуштарынан,
29 Бет-Гилгалдан,+ Гебанын+ тегерек-четинен жана Азмабеттен+ чогулушту. Анткени Иерусалимдин тегерегиндеги ал жерлерде ырчылардын конуштары жайгашкан эле.
30 Дин кызматчылар менен лебилер адегенде өздөрүн, андан кийин элди, дарбазаларды+ жана дубалды+ тазартуу расмисин+ кылышты.
31 Мен Жүйүттүн төрөлөрүн дубалдын үстүнө алып чыктым. Анан Кудайга ыраазычылык билдирип ырдаган ырчыларды эки топко бөлүп, аларды коштоп жүрүш үчүн элди да экиге бөлдүм. Ал эки топтун бири дубалдын үстү менен оң тарапка, Күл дарбазасын+ көздөй жөнөдү.
32 Алардын артынан Ошая менен чогуу Жүйүттүн төрөлөрүнүн жарымы жөнөдү.
33 Ошондой эле Азария, Эзра, Мешулам,
34 Жүйүт, Бенжемин, Шемая, Жеремиялар жөнөштү.
35 Сурнай тарткан дин кызматчылардын уулдарынан+ Жонатандын уулу Закарыя баратты. Жонатан Шемаянын, Шемая Матаниянын, Матания Микаянын, Микая Закурдун, Закур Асаптын уулу болгон.+
36 Закарыя менен бирге чыныгы Кудайдын кишиси Дөөтүнүн күү аспаптарын көтөргөн туугандары: Шемая, Азарел, Милалай, Гилалай, Маай, Нетанел, Жүйүт, Хананилер баратышты.+ Алардын алдында көчүрмөчү Эзра+ баратты.
37 Алар Башат дарбазасынан+ ары көздөй жүрүп отуруп, Дөөтүнүн үйүнөн жогору жайгашкан дубал менен өйдө карай басып, Дөөтүнүн шаарындагы+ тепкичтин+ үстү менен өтүштү да, чыгыштагы Суу дарбазасына+ чейин барышты.
38 Кудайга ыраазычылык билдирип ырдаган ырчылардын экинчи тобу болсо карама-каршы тарапка басты. Мен калган элге кошулуп, аларды ээрчип жөнөдүм. Ырчылардын ал тобу дубалдын үстү менен Меш мунарасынын+ жанынан өтүп, андан ары Калың дубалдын+ үстү менен жөнөдү.
39 Алар Эпрайым дарбазасынан+ Эски шаар дарбазасын+ көздөй, ал жактан Балык дарбазасын+ көздөй жөнөштү. Андан ары Хананел мунарасынын,+ Мея мунарасынын жанынан өтүп, анан Кой дарбазасынан+ өтүп, Күзөт дарбазасына барып токтошту.
40 Акыр-аягы, Кудайды даңктап ырдаган ырчылардын эки тобу тең чыныгы Кудайдын үйүнүн алдына келип турушту. Ал жерге мен, башчылардын жарымы,
41 сурнай тарткан дин кызматчылар: Элиаким, Маасея, Миниамин, Микая, Элионай, Закарыя, Ханания,
42 ошондой эле Маасея, Шемая, Элазар, Узи, Жахонан, Малкия, Эйлам жана Эзер болуп келип турдук. Израхия жетектеген ырчылар болсо жер жаңырта ырдап жатышты.
43 Ошол күнү эл көп курмандык чалып, кубанып-шаттанды.+ Чыныгы Кудай аларды чоң кубанычка бөлөдү. Аялдар менен балдар да сүйүнүп жатышты.+ Иерусалимде кубанып-шаттанып жаткандардын үнү тээ алыска угулуп жатты.+
44 Ошол эле күнү тартуулар,+ биринчи түшүм+ менен ондуктар+ сактала турган кампаларга+ жооптуу эркектер дайындалды. Алар ошол кампаларда Мыйзам боюнча дин кызматчылар менен лебилерге+ тиешелүү шаарлардын тегерегиндеги талаалардан чогулган түшүмдүн бөлүгүн сакташмак.+ Жүйүт жериндегилер дин кызматчылар менен лебилердин кызмат кылып жатканын көрүп кубанып жатышты.
45 Дин кызматчылар менен лебилер, Дөөтү менен анын уулу Сулайман бекиткен тартип боюнча, Кудайдын алдындагы милдеттерин жана тазартуу расмисине байланышкан милдеттерин аткара башташты. Ырчылар менен дарбазачылар да өз милдеттерин аткара башташты.
46 Анткени Дөөтү менен Асаптын убагында да ырчылардын башчылары бар болчу. Ал убакта да Кудайга ыраазычылык билдирип, даңктоо ырларын ырдашчу.+
47 Зоробабыл+ менен Некемиянын убагында бүт Ысрайыл күн сайын ырчылар+ менен дарбазачыларга,+ ошондой эле лебилерге тиешелүү үлүшүн берип турду. Лебилер болсо ошол үлүштөн Арундун урпактарына беришчү.+
Шилтемелер
^ Же балким: «кызмат учурунда алардын тушунда турушчу».
^ Сыягы, еврей тилиндеги текстте аты жазылган эмес.
^ Же: «Үйрөтүлгөн ырчылар».
