Обадия 1:1—21
1 Эгедер Теңир Жахабанын*Эдомдун эли жөнүндө Обадияга* берген аяны.+
Обадия: «Биз Жахабадан кабар уктук.
Ал элдер арасында: „Тургула, Эдом менен согушканга даярданалы“,+—
деп жарыялаганга кабарчы жиберди»,— дейт.
2 «Силерди элдердин арасында басынтам.
Башкаларга аябай жек көрүндү болосуңар.+
3 Силер менменсинген жүрөгүңөргө алдандыңар.+
Асканын далдаасында жашап,Бийик тоолорду мекендегендиктен ичиңерден:
„Бизди ким жерге кулатмак эле?“ — дедиңер.
4 Бирок бүркүткө окшоп бийикте жашасаңар да*,Жылдыздардын арасына уя салсаңар да,Силерди ал жактан кулатып түшүрөм»,— дейт Жахаба.
5 «Эгер үйүңөргө ууру кирсе, түн ичинде талап-тоноочулар келсе,Көздөгөн нерсесин гана алып кетишмек.
Же жүзүм жыйнагандар келсе,Артынан аз болсо да мөмө калтырышмак.
Ал эми душмандарыңар силерди жер менен жексен кылат!*+
6 Эйсаптын урпактары, тинтилбеген жериңер калбайт!
Катылып жаткан бүт кенчиңерди таап, талап-тоноп кетишет!
7 Шериктештериңер* силерди өз өлкөсүнөн кууп чыгышат,Алардын баары алдап кетишет.
Силер менен тынчтыкта жашагандар силерге үстөмдүк кылып калышат.
Силер менен чогуу тамактангандар бут алдыңарга тор жаят,Бирок муну аңдабайсыңар.
8 Ошол күнү,— дейт Жахаба,—
Эдомдун акылмандарын,Эйсаптын урпактарынын тоолуу аймакта жашаган кыраакыларын жок кылам.+
9 Оо, Теман*,+ эр-азаматтарыңдын үрөйү учат.+
Себеби Эйсаптын урпактары жашаган тоолуу аймактагылардын баары кырылат.+
10 Туугандарыңар болгон Жакыптын урпактарына зордук-зомбулук кылганыңар үчүн+ уятка каласыңар,+Түбөлүккө жок болосуңар.+
11 Анткени чоочундар алардын аскерлерин туткундап,+Бөтөн жерликтер дарбазадан кирип, Иерусалим үчүн өкчөмө таш ыргыткан күнү+Четте карап тургансыңар,Силер да ошолордой иш кылгансыңар.
12 Туугандарыңарды башына мүшкүл түшкөн күнү табалабашыңар керек болчу.+
Жүйүт эли кырылып жаткан күнү кубанбашыңар керек болчу,+Алар кыйналып жаткан күнү текебердене сүйлөбөшүңөр керек болчу.
13 Элимдин башына каран түн түшкөн күнү шаарына* кирбешиңер керек болчу.+
Башына каран түн түшкөн күнү табалабашыңар керек болчу.
Башына каран түн түшкөн күнү байлыгына тийбешиңер керек болчу.+
14 Качып бараткандарын өлтүрүш үчүн жолдордун кесилишинде турбашыңар керек болчу,+Башына каран түн түшкөн күнү аман калгандарын душмандарынын колуна салып бербешиңер керек болчу.+
15 Жахаба бүт элдерди жазалай турган күнгө аз калды.+
Силер эмне кылсаңар, силерге да ошону кылышат.+
Башкаларга кандай мамиле кылсаңар, силерге да ошондой мамиле кылышат.
16 Силер менин ыйык тоомдо шарап ичкениңердей эле,Бүт элдер каарымды шараптай бир дем менен ичишет.+
Чоң-чоң жутуп ичишет да,Мурун эч качан болбогондой тыптыйпыл болушат.
17 Ал эми элимдин аман калгандары Сион тоосуна келет,+Ал тоо ыйык болот.+
Жакыптын урпактары өз мурасына кайрадан ээ болот.+
18 Жакыптын урпактары от,Жусуптун урпактары жалын болот,Эйсаптын урпактары болсо самандай болот.
Алар Эйсаптын урпактарын өрттөп, жалмап жок кылышат,Алардын бири да аман калбайт,+Анткени муну Жахаба айтты.
19 Менин элим Негепти, Эйсаптын урпактарынын тоолуу аймагын,+Шепеланы, пелиштиликтердин жерин ээлеп алат.+
Алар Эпрайым менен Самариянын талааларын ээлейт,+Бенжеминдин тукумдары болсо Гилат жерине ээлик кылат.
20 Ал эми ушул сепилден* туткундалып кеткен ысрайыл эли+Канаандыктардын Сарепатка чейинки жерлерин ээлейт.+
Иерусалимден туткундалып кетип, Сепаратта жүргөндөрНегептин шаарларына ээлик кылышат.+
21 Элди куткаргандар Эйсаптын урпактарына таандык тоолуу аймактагыларды соттош үчүнСион тоосуна чыгышат,+Жахаба падыша катары башкарат».+
Шилтемелер
^ Мааниси: «Жахабанын кызматчысы».
^ Же балким: «бийик учсаңар да».
^ Же балким: «силерди канчалык талкалайт?»
^ Же: «Силер менен келишим түзгөндөр».
^ Сыягы, Эдом жериндеги Темандын урпактары жашаган шаар же аймак.
^ Сөзмө-сөз: «дарбазасынан».
^ Же: «коргон дөбөдөн».
