Ошуя 13:1—16
13 Кудай мындай дейт: «Эпрайым сүйлөгөндө, эл титиреп турчу.
Ал Ысрайылдын атактуу уруусу эле,+Бирок Баалга сыйынып+ күнөөгө батты, өлдү.
2 Азыр алар ого бетер күнөөгө белчесинен батып,Күмүштөн буркандарды жасашат,+Буркандарды чебердик менен жасашат, алардын баары усталардын иши.
Алар: „Курмандык чалгандар музоо буркандарды өбүшсүн“,+— деп жатышат.
3 Ошондуктан алар таңкы булуттай,Тез эле жок болуп кеткен шүүдүрүмдөй,Кырмандагы шамал учурган топондой,Мордон чыккан түтүндөй болушат.
4 Оо, элим, мен Мисирде жүргөн кезиңден бери Жахаба Кудайыңмын;+Сен башка Кудайды билчү эмессиң,Менден башка куткаруучу жок.+
5 Мен сага чөлдө,+ какыраган жерде кам көргөм.
6 Эл жайытында жүрүп тойгон,+Тойгондон кийин текебердене баштаган,Ошон үчүн мени унутуп койгон.+
7 Мен аларга жаш арстандай кол салам,+Кабыланга окшоп жолдо аңдып жатам.
8 Мамалактарынан ажыраган аюудай асылып,Көөдөнүн жара тартам.
Арстандай жеп-жутам.
Аларды жапайы жырткыч жара тартып кетет.
9 Ысрайыл, сен мага, өз жардамчыңа, каршы чыктың,Ошон үчүн жок кылынасың.
10 Сени шаарларыңда куткара турган падышаң кайда?+
Башкаруучуларың кайда?
„Мага падыша менен төрөлөрдү бер“,— деп аларды менден сурап албадың беле.+
11 Мен сага падышаны ачууланып турганымда бергем,+Эми аны кайра тартып алам, себеби каарым кайнап жатат.+
12 Эпрайымдын кылмышы унутулбайт*,Күнөөлөрү сакталып турат.
13 Ал төрөп жаткан аялдай кыйналат.
Ал — акылы жок уул,Себеби төрөлө турган маалы келсе да, жатындан чыкпай жатат.
14 Мен элимди көрдөн* кун төлөп куткарып алам,Аларды өлүмдөн кайтарып алам.+
Өлүм, уу тиштериң* кайда?+
Көр, кыйрата турган күчүң кайда?+
Бирок мен элиме ырайым кылбайм*.
15 Атүгүл ал камыштай дүркүрөп өссө да,Чөлдөн чыгыш шамалы — Жахабанын шамалы — согуп,Анын кудугун какшытып, булагын соолутат.
Кымбат баалуу буюмдарга толгон казынасы таланып-тонолот.+
16 Кудайына каршы чыкканы үчүн+ Самария жоопко тартылат.+
Анын тургундары кылычтан кырылат,+Балдары мыкаачылык менен өлтүрүлөт,Кош бойлуу аялдарынын курсагы жара тартылат».
Шилтемелер
^ Же: «оролуп; түйүлүп турат».
^ Же: «чага турган ийнелериң».
^ Б. а. эли дагы деле күнөөлүү болгондуктан, Кудай аларга ырайым кылмак эмес. 12-аятты кара.
