Ошуя 14:1—9
14 «Оо, Ысрайыл, Жахаба Кудайыңа кайтып кел,+Анткени сен өз кылмышыңдан улам мүдүрүлдүң.
2 Жахабага кайрылып келип,Мындай дегиле: „Күнөөбүздү кечирип,+ жакшы нерселерибизди кабыл ала көр.
Ошондо букачарлардан курмандык чалгандай, сага мактоо сөздөрүн тартуу кылабыз.+
3 Бизди Ашур куткарбайт.+
Мындан ары согушка минген аттарыбызга таянбайбыз.+
Колубуз менен жасаган нерселерди Кудайыбыз дебейбиз,Себеби жетимге сен гана кайрымдуулук кыласың“.+
4 Мен аларды айыктырам, ошондо мага болгон берилгендигинен жазышпайт.+
Аларды чын ыкыластан жакшы көрөм,+Анткени аларга каарданбай калдым.+
5 Мен Ысрайыл үчүн шүүдүрүмдөй болом.
Ал лилия гүлүндөй гүлдөйт,Лебанондун* дарактарындай тамыр жаят.
6 Бутактары жайылат,Атагы зайтун дарагыныкындай,Жыты Лебанондун дарагыныкындай болот.
7 Элим кайрадан менин көлөкөмдө жашайт,Эгин өстүрөт, жүзүмдөй болуп гүлдөйт.+
Менин атагым Лебанон шарабыныкындай болот.
8 Эпрайым: „Эми бул буркандардын мага эмне кереги бар?“ — дейт.+
Мен ага жооп берем, кам көрөм.+
Барпайган арчадай болом.
Ага жегенге жемиш берем».
9 Ким акылдуу болсо, ушуларды түшүнсүн.
Ким эстүү болсо, ушуларды билсин.
Анткени Жахабанын жолу түз.+
Адил адам ал жолдон чыкпайт,Ал эми мыйзамды бузгандар ал жолдо чалынып жыгылат.
Шилтемелер
^ Ливандын.
