Ошуя 2:1—23
2 Ага-инилериңерге: „Менин элимсиңер!*“+ — дегиле,Эже-карындаштарыңарга: „Ырайым кылынган аялдарсыңар!*“+ — деп айткыла.
2 Энеңерди айыптагыла, ошону айыптагыла,Себеби ал менин аялым эмес,+ мен анын күйөөсү эмесмин.
Ал сойкулук* кылганын токтотсун,Ойноштук кылбасын*.
3 Болбосо аны жылаңачтайм, энеден туума жылаңач кылам,Чөлдөй кылам,Какшыган жерге айлантам,Сууга чаңкатып өлтүрөм.
4 Балдарына ырайым кылбайм,Анткени алар — сойкулуктан төрөлгөн балдар.
5 Алардын энеси сойкулук кылып жүргөн.+
Аларды курсагында көтөргөн аял уятсыздык кылган,+ себеби ал:
„Мага нан менен суу, жүн менен зыгыр,Май менен суусундук берип жаткан оттон ысык ойношторумдун артынан ээрчийм“,+— деген.
6 Ошондуктан анын жолун тикенек менен торойм,Алдын таш дубал менен тосом,Ошондо ал жол таппай калат.
7 Ал оттон ысык ойношторунун артынан чуркайт, бирок жетпейт,+Издейт, бирок таппайт.
Анан: „Күйөөмө* кайра барайын,+Анткени азыркыма караганда ошол кезим жакшы болчу“,+— дейт.
8 Бирок ага данды, жаңы шарапты, майды мен бергенимди,Баалга сыйынганда колдонгон алтын-күмүшүн+ мен көбөйткөнүмдү билбейт.+
9 „Ошондуктан кайрылып келип, оруп-жыюу маалында данымды,Жүзүм сыккан маалда жаңы шарабымды,+Жылаңач этин жапкан зыгырым менен жүнүмдү тартып алам.
10 Оттой ысык ойношторунун көзүнчө анын уяттуу жерлерин ачам,Ошондо аны колумдан эч кимиси куткара албайт.+
11 Аны бардык кубанычынан ажыратам,Майрамдарын,+ ай жаңыргандагы майрамдарын, дем алыш күндөрүн*, бүт салтанаттарын токтотом.
12 “Булар — оттон ысык ойношторум төлөгөн акы”,— деген жүзүмү менен анжирин бүт кыйратам,Жапайы бадалга айлантам,Аларды жапайы жаныбарлар жеп кетет.
13 Мен аны Баалдарга арнап курмандык чалган күндөрү үчүн,+Шакектери менен жасалгаларын тагынып алып, оттон ысык ойношторунун артынан ээрчип,Мени унутуп койгону үчүн+ жоопко тартам“,— дейт Жахаба.
14 „Ошондуктан аны көндүрүп,Чөлгө алып барам да,Жүрөгүн козгогудай сүйлөйм.
15 Анан ага жүзүмзарларын кайра берем,+Ал Акор* өрөөнү+ аркылуу үмүт жерине кирет*.
Ошол жерден мага жаш кезиндегидей,Мисир* жеринен чыккан күнүндөгүдөй жооп берет.+
16 “Ошол күнү,— дейт Жахаба,—
Сен мени күйөөм дейсиң, ошондон тартып мени эч качан кожоюнум* дебейсиң”“.
17 „Мен аны Баал буркандарынын атын айтпагыдай кылам,+Ал алардын атын экинчи эстебейт.+
18 Ошол күнү өз элим үчүн талаадагы жапайы жаныбарлар,+Асмандагы куштар, жердеги сойлоп жүрүүчүлөр менен келишим түзөм.+
Ал жерден жааны, кылычты жок кылып, согушту токтотом,+Аларды коопсуз жашагыдай кылам.+
19 “Мен сени менен түбөлүккө никелешем,Сага туура, адилеттүү мамиле кылам,Ар дайым сүйүүмө бөлөп, кайрымдуулук кылам.+
20 Сени менен никелешип, сага берилгендигимди сактайм,Ошондо мени, Жахабаны, таанып-билесиң”“.+
21 „Ошол күнү,— дейт Жахаба,—
Мен асмандын сураганын берем,Асман болсо жердин сураганын берет.+
22 Жер дандын, жаңы шарап менен майдын сураганын,Алар болсо Изреилдин* сураганын берет.+
23 Мен элимди* өзүм үчүн жерге үрөн сепкендей себем,+Ырайым кылынбаганга* ырайым кылам,Элим болбогонго* “элимсиңер” дейм,+Алар болсо: “Сен биздин Кудайыбызсың”,— дешет“».+
Шилтемелер
^ Ошуя 1:9дун шилтемесин кара.
^ Ошуя 1:6нын шилтемесин кара.
^ Же: «жыныстык адеп-ахлаксыздык».
^ Сөзмө-сөз: «эки төшүнүн ортосунан ойноштукту жок кылсын».
^ Же: «Биринчи күйөөмө».
^ Египет.
^ Же: «Акор өрөөнүн үмүт дарбазасы катары берем».
^ Мааниси: «куулуу; балээ».
^ Же: «менин Баалым».
^ Мааниси: «Кудай үрөн себет».
^ Сөзмө-сөз: «аны».
^ Ошуя 1:6нын шилтемесин кара.
^ Ошуя 1:9дун шилтемесин кара.
