Ошуя 3:1—5
3 Анан Жахаба мага: «Башка эркек сүйгөн, сени таштап, ойноштук кылып жүргөн аялды кайра сүй.+ Ысрайыл эли башка кудайларга кайрылып,+ аларга жүзүмдүн ныкталган кагын тартуу кылганды жакшы көргөнүнө карабай, Жахаба аларды кандай сүйсө,+ сен да ал аялды ошондой сүй»,— деди.
2 Ошондо мен 15 күмүш тыйын, 195 килограммдай* арпа берип, Гомерди кайтарып алдым.
3 Анан ага: «Сен меники болосуң, мени көп күн бою күтөсүң. Ошол убакта ойноштук кылба, башка эркекке барба. Мен да сага жолобойм»,— дедим.
4 Анткени ысрайыл эли көп убакытка чейин падышасыз,+ төрөсүз, курмандыксыз, ыйык устунсуз, эфодсуз*,+ үй-бүлөлүк кудайысыз*+ жашайт.
5 Ошондон кийин ысрайыл эли кайрылып келип, өздөрүнүн Кудайы Жахабага кызмат кылганга умтулушат,+ өздөрүнүн падышасы Дөөтүнү*+ издешет. Алар Жахабанын жакшылыгын көрүш үчүн акыркы күндөрдө анын алдына коркуп, аны кастарлап келишет.+
Шилтемелер
^ Сөзмө-сөз: «1 жарым хомер». Б14 тиркемесин кара.
^ Б. а. Дөөтүнүн келиши керек болгон урпагын.
