Ошуя 4:1—19
4 Оо, ысрайыл эли, Жахабанын сөзүн ук,Жахаба бул жердин тургундарын соттойт.+
Себеби бул жерде чындык да, сүйүү* да, Кудай жөнүндөгү билим да жок.+
2 Жалган ант берүү, алдамчылык,+ киши өлтүрүү,+Уурулук, ойноштук+ күч алып,Биринин артынан биринин каны төгүлүп жатат.+
3 Ошон үчүн бул жер кайгыга батат,+Тургундарынын баары алдан таят.
Жапайы жаныбарлар, асмандагы канаттуулар,Атүгүл деңиздеги балыктар кырылат.
4 «Бирок эч ким силер менен талашып-тартышпасын, силерди ашкерелебесин,+Анткени силер дин кызматчы менен талашып-тартышкандарга окшоп тоң моюнсуңар.+
5 Силер күпкүндүз эле чалынасыңар,Силер менен кошо пайгамбар да түн ичиндегидей чалынат.
Мен энеңерди жок кылам*.
6 Мени таанып-билбегени үчүн элим жок кылынат*.
Мен жөнүндөгү билимди четке какканыңар үчүн,+Мен да силерди четке кагып, дин кызматчылыктан четтетем.
Өз Кудайыңардын мыйзамын унутканыңар үчүн,+Мен да силердин балдарыңарды унутам.
7 Алар* канчалык көбөйсө, мага каршы ошончолук көп күнөө кылышты.+
Алардын даңкын маскаралыкка айлантам*.
8 Алар элимдин кылган күнөөсүнүн эсебинен тамактанып,Элдин күнөө кылышын көксөшөт.
9 Дин кызматчы эмне болсо, эл да ошо болот.
Мен аларды жүргөн жолу үчүн жоопко тартам,Кылган иштеринин кесепетин тарттырам.+
10 Алар жешет, бирок тоюшпайт,+Адеп-ахлаксыздыкка* берилишет, бирок көбөйүшпөйт,+Себеби Жахабаны урматташпайт.
11 Сойкулук*, эски шарап менен жаңы шарапТуура иш кылайын деген каалоосун бузат.+
12 Элим жыгач буркандарынан акыл сурайт,Таягы* айтканды кылышат.
Анткени аларды сойкулук кылганга болгон каалоосу адаштырып жатат.
Алар сойкулук кылып, өз Кудайына баш ийгиси келбей жатат.
13 Тоолордун чокуларында курмандык чалып,+Дөңсөөлөрдө курмандыгын өрттөп, түтөтүп жатышат.
Көлөкөсү калың болгондуктан,Эмендин, стиракстын*, ар бир чоң дарактын түбүндө түтөтүп жатышат.+
Ошондуктан кыздарыңар сойкулук кылып,Келиндериңер ойноштук кылып жүрөт.
14 Мен кыздарыңарды сойкулук кылганы үчүн,Келиндериңерди ойноштук кылганы үчүн жоопко тартпайм.
Анткени эркектериңер өздөрү сойкуларга барышат,Ибадаткана сойкулары* менен курмандык чалышат.
Ошондуктан түшүнүгү жок бул эл+ жок кылынат.
15 Оо, Ысрайыл, сен сойкулук кылып жатсаң да,+Жүйүт сеникиндей күнөөгө батпасын.+
Гилгалга+ же Бет-Абенге+ барбагыла,Тирүү Кудай Жахабаны оозанып ант бербегиле.+
16 Ысрайыл эли моюн бербеген өгүздөй* болуп калды.+
Жахаба эми аларды жайытта козу кочкорду кайтаргандай кайтармак беле?
17 Эпрайым* буркандарга байланып калды.+
Тим кой аны!
18 Сырасы түгөнгөндө,Алар адеп-ахлаксыздык* кылышат.
Башкаруучулары* ыпылас иштерди жакшы көрүшөт.+
19 Шамал аны* канатына салып учуруп кетет,Ошондо ал чалган курмандыктары үчүн уят болот».
Шилтемелер
^ Же: «энеңердин үнүн өчүрөм».
^ Же: «элимдин үнү өчөт».
^ Сыягы, бул дин кызматчыларды билдирет.
^ Же балким: «Мени даңктагандын ордуна маскаралап жатышат».
^ Же: «Жеткен ыпыластыкка; сойкулукка».
^ Же: «Жыныстык адеп-ахлаксыздык; бузулгандык».
^ Же: «Төлгөчү колдонгон таяк».
^ Стиракс — гүлү жыттуу дарак.
^ Андай сойкулар жалган кудайларга сыйынганда сойкулук кылган эркектер же аялдар болушкан.
^ Сөзмө-сөз: «уйдай».
^ Бул ысрайылдыктардын 10 уруудан турган түндүк падышалыгын билдирет.
^ Же: «жеткен ыпыластык; сойкулук».
^ Сөзмө-сөз: «Калкандары».
^ Б. а. Эпрайымды.
