Ошуя 5:1—15
-
Эпрайым менен Жүйүт күнөөсүнүн кесепетин тартат (1—15)
5 «Оо, дин кызматчылар, уккула,+Оо, ысрайыл эли, көңүл бур,Падышанын үйүндөгүлөр, силер да кулак салгыла,Баарыңар жазага тартыласыңар;Анткени силер Миспада тартылган тузак,Табордо+ жайылган тор болдуңар.
2 Түз жолдон чыккандар* көптөрдүн канын төгүштү.
Мен алардын баарына эскертип жатам*.
3 Мен Эпрайымды билем,Ысрайыл менден жашына албайт.
Оо, Эпрайым, сен адеп-ахлаксыздыкка* баттың.
Ысрайыл өзүн арамдады.+
4 Алардын сойкулук кылганга болгон каалоосу күч алгандыктан,Кылган иштери өз Кудайына кайтып келгенге тоскоолдук кылып жатат.+
Алар мени, Жахабаны, баркка албай жатышат.
5 Ысрайылдын текебердиги өзүнө каршы күбө болду.+
Ысрайыл менен Эпрайым өз кылмыштарынан улам мүдүрүлдү.
Аларга кошулуп Жүйүт да мүдүрүлдү.+
6 Алар мага, Жахабага, жагыш үчүн майда мал менен бодо малдан курмандык чалышты,Бирок анысын жактырган жокмун.
Мен алардан алыстадым.+
7 Алар мени, Жахабаны, сатып кетишти,+Себеби алардан чоочун* балдар төрөлдү.
Эми бир айдын ичинде үлүшү* менен кошо жок болушат.
8 Гибада мүйүз сурнай тарткыла,+ Рамада+ сурнай тарткыла!
Бет-Абенде:+ «Алга, Бенжемин!» — деп ураан чакыргыла!
9 Оо, Эпрайым, сен жазаланган күнү үрөй учурарлык абалда каласың.+
Мен Ысрайыл урууларына эмне болорун айтып бердим.
10 Жүйүттүн төрөлөрү жердин чек белгилерин айлакерлик менен жылдыргандардай болуп калышты.+
Мен аларга кайнаган каарымды суудай төгөм.
11 Эпрайым кордук көрдү, адилеттүү түрдө кыйратылды,Анткени өзүнө таянып, душманынын артынан түштү.+
12 Мен Эпрайым үчүн күбөдөй,Жүйүт үчүн чириктей болдум.
13 Эпрайым оорусун, Жүйүт жарасын көргөндө,Эпрайым Ашурга* барды,+ улуу падышага кабарчыларды жиберди.
Бирок ал силерди сакайта алган жок,Жараңарды айыктыра алган жок.
14 Мен Эпрайым үчүн жаш арстандай,Жүйүт үчүн күчтүү арстандай* болом.
Аларды жара тартып, сүйрөп кетем.+
Куткарар эч ким болбойт.+
15 Өз ордума кайтып барам да, алар күнөөсүнүн кесепетин тартмайын, ошол жакта болом.
Ошондо алар мага жагууну эңсешет,+Катуу кыйналганда менден жардам сурашат».+
Шилтемелер
^ Же: «Козголоңчулар».
^ Же: «баарын тарбиялайм».
^ Же: «жеткен ыпыластыкка; сойкулукка».
^ Же: «талаалары».
^ Сыягы, бөтөн жерлик аялдар төрөп берген балдар. Ошол себептен алар Кудай үчүн чоочун болушкан.
^ Ассирияга.
^ Же: «жалы бар жаш арстандай».
