Ошуя 6:1—11
6 «Жүргүлө, Жахабага кайтып баралы.
Себеби бизди ал өзү жара тартты,+ өзү айыктырат,Өзү жарадар кылды, өзү таңат.
2 Ал бизди эки күндөн кийин жандандырат,Үчүнчү күнү тургузат,Ошондо анын көз алдында жашайбыз.
3 Жахабаны таанып-билебиз,Аны жакшыраак таанып-билгенге умтулабыз.
Таң сөзсүз аткандай, ал да сөзсүз келет.
Ал бизге жерди сугарган нөшөрдөй,Жазгы жаандай болуп келет».
4 «Оо, Эпрайым, сени эмне кылайын?
Оо, Жүйүт, сени эмне кылайын?
Силердин сүйүүңөр* эртең мененки булуттай,Тез эле жок болуп кеткен шүүдүрүмдөй.
5 Ошондуктан силерди пайгамбарлар айткан кабар менен кыя чабам,+Оозуман чыккан сөзүм менен өлтүрөм.+
Силерге чыгарган өкүмүм жаркыраган жарыктай айкын болот.+
6 Анткени мен курмандыкты эмес, туруктуу сүйүүнү*,Бүтүндөй өрттөлчү курмандыктарды эмес,Мени, Кудайыңарды, таанып-билгениңерди жактырам.+
7 Бирок менин элим, көр пенделер, келишимди бузушту,+Өз жеринде мени сатып кетишти.
8 Гилат — кыянаттык кылгандардын шаары.+
Ал — кандуу издерге толгон шаар.+
9 Дин кызматчылар адамды аңдып жаткан каракчылардын тобундай.
Алар жийиркеничтүү иштерди кылышат,Ошон үчүн Шекемдин+ жолунда киши өлтүрүшөт,
10 Мен ысрайыл элинен төбө чачты тик тургузган нерсени көрүп турам.
Алардын жеринде Эпрайым сойкулук кылып,+Ысрайыл өзүн арамдап жатат.+
11 Оо, Жүйүт, сени оруп-жыйып, чогулта турган убакты белгиледим,Элимди туткундан алып келер убак белгиленди».+
