Ошуя 8:1—14
8 Жахаба мындай деди: «Сурнай тарт!+
Элим менин келишимимди бузуп,+ мыйзамыма каршы чыгып, күнөө кылганы үчүн,+Аларды* көздөй бүркүттөй шукшурулуп душман келатат.+
2 Алар мага: „Оо, Кудайыбыз, биз — Ысрайыл — сени билебиз!“+ — деп зарлап жатышат.
3 Ысрайыл жакшы нерсени четке какты.+
Ошон үчүн аны душманы куусун.
4 Алар менсиз эле падышаларды дайындап алышты,Менден сурабай төрөлөрдү коюп алышты.
Өздөрүнүн алтын-күмүштөрүнөн буркандарды жасашты,+Өздөрүн ойрон кылыш үчүн ошентишти.+
5 Оо, Самария, сыйынып жүргөн музооңду четке кактым.+
Сага каарым кайнап жатат.+
Качанкыга чейин ыпыластыгыңан арылбай жүрө бересиң?
6 Ал музоо Ысрайылдан чыккан,Аны уста жасагандыктан, ал Кудай эмес.
Самариянын музоосу бычыранды болот.
7 Алар шамал сепкендиктен,Катуу шамал оруп алышат.+
Бир да буудайы баш албайт,+Бир да машагынан ун чыкпайт.
Чыкса да, аны бөтөн жерликтер жалмап кетет.+
8 Ысрайылды душманы жеп-жутуп кетет.+
Эми алар элдердин арасында+ керексиз идиштей болуп калат.
9 Себеби алар үйүрүнөн бөлүнүп кеткен жапайы эшекке окшоп Ашурга+ жөнөштү.
Эпрайым ойношторун жалдады.+
10 Аларды башка элдерден жалдашса да,Мен баарын чогултам.
Ошондо алар падыша менен төрөлөрдүн эзүүсүнөн кыйналышат.+
11 Себеби Эпрайым курмандык жайын көбөйтүп, күнөө кылды.+
Курмандык жайларын колдонуп күнөөгө батты.+
12 Мен ага көп мыйзамдарымды* жазып бергем,Бирок ал анын баарын өгөйлөдү.+
13 Алар мага арнап курмандыктарды чалып, эт жешет.
Бирок мен анысын такыр жактырбайм,+— дейт Жахаба.—
Эми алардын кылмыштарын эстеп, күнөөлөрү үчүн жазалайм.+
Алар кайра Мисирге жөнөштү*.+
14 Ысрайыл Жаратканын унутуп,+ ибадатканаларды курду.+
Жүйүт болсо чептүү шаарларын көбөйттү.+
Бирок мен анын шаарларына от коём,Ал от шаарларындагы мунараларын жалмайт».+
