Падышалар 2-китеп 24:1—20
24 Жаякимдин күндөрүндө Бабылдын падышасы Небухаданасар+ аны менен согушканы келди. Жаяким багынып, ага 3 жыл кызмат кылды. Анан ага каршы чыкты.
2 Жахаба Жаякимге талап-тоноочуларды: каздимдиктерди*,+ сириялыктарды, мааптыктарды, Амондун тукумдарын жибере баштады. Жахаба аларды, пайгамбарлары аркылуу алдын ала айткандай, жүйүт элин жок кылыш үчүн жиберип жатты.+
3 Жүйүт эли мунун баарына Жахабанын буйругу менен кабылды. Ал аларды ошентип жок кылгысы келди.+ Буга Менашенин көп күнөө кылганы,+
4 айыпсыз кишилердин канын төгүп,+ Иерусалимди канга толтурганы себеп болду. Жахаба аларды кечиргиси келген жок.+
5 Жаякимдин жашоосунда болгон башка окуялар, эмнелерди кылганы Жүйүттүн падышаларынын тарыхы баяндалган китепте жазылган.+
6 Акыр-аягы, Жаяким көз жумуп,+ ордуна уулу Жаякин падыша болду.
7 Бабылдын падышасы Мисирдин падышасына таандык жерлердин баарын — Мисир жактагы өрөөндөн*+ Эфрат дарыясына+ чейинки бүт жерлерин — басып алгандан кийин, Мисирдин падышасы өз жеринен эч жакка чыккан жок.+
8 Жаякин+ 18 жашында такка отуруп, Иерусалимде 3 ай падышалык кылды.+ Энесинин аты Нехушта эле, ал иерусалимдик Элнатандын кызы болчу.
9 Жаякин атасындай болуп Жахабанын алдында жаман иштерди кыла берди.
10 Ошол убактарда Бабылдын падышасы Небухаданасардын аскери келип, Иерусалим шаарын курчап алды.+
11 Небухаданасар өзү болсо кийинчерээк, аскери шаарды курчап алгандан кийин келди.
12 Жүйүттүн падышасы Жаякин өзү, энеси, кулдары, төрөлөрү, ак сарай кызматчылары+ — баары Бабылдын падышасына багынып беришти.+ Бабылдын падышасы аны өзүнүн башкаруусунун сегизинчи жылында туткундап кетти.+
13 Ал Жахабанын ибадатканасындагы, падыша сарайындагы кымбат баалуу буюмдардын баарын алып кетти.+ Ошондой эле ал Ысрайылдын падышасы Сулайман Жахабанын ибадатканасы үчүн жасаткан алтын буюмдардын баарын талкалап таштады.+ Жахаба алдын ала кандай айтса, баары так ошондой болду.
14 Бабылдын падышасы Иерусалимдеги колунда такыр эч нерсеси жок кедейлерден башкасынын баарын: төрөлөрүн,+ мыкты жоокерлерин, бүт темир усталары*+ менен башка усталарын, бардыгы болуп 10 000 кишисин туткундап кетти.+
15 Жаякин+ падышаны, энеси менен аялдарын, ак сарай кызматчыларын, аттуу-баштуу кишилерин да Иерусалимден Бабылга туткундап кетти.+
16 Ошентип, Бабылдын падышасы бүт жоокерлерди — 7 000 кишини, ошондой эле темир усталар менен башка усталарды — 1 000 кишини — Бабылга алып кетти. Алардын баары согушта дасыккан күчтүү эркектер болчу.
17 Бабылдын падышасы Жаякиндин ордуна анын атасынын иниси+ Матанияны падыша кылып дайындап, атын Ситкия+ деп өзгөрттү.
18 Ситкия 21 жашында такка отуруп, Иерусалимде 11 жыл падышалык кылды. Энесинин аты Хамутал+ эле, ал либналык Жеремиянын кызы болчу.
19 Жаякиндей болуп Ситкия Жахабанын көз алдында жаман иштерди кыла берди.+
20 Жахабанын каары кайнагандыктан, Иерусалим менен Жүйүт жери мына ушундай балээлерге кабылды. Ал акыры алардын тургундарын көз алдынан кууп жиберди.+ Ситкия болсо Бабыл падышасына каршы чыкты.+
