Петирдин 1-каты 3:1—22
3 Ошо сыяктуу эле, силер, аялдар, күйөөңөргө баш ийгиле.+ Кудайдын Сөзүнө баш ийбегендери сөзүңөр аркылуу эмес, жүрүм-турумуңарды көрүп баш ийгидей болушсун.+
2 Аларды терең урматтап жатканыңарды, таза жүрүм-турумуңарды көрүп,+ Кудайдын Сөзүнө баш ийгидей болсун.
3 Жасалгаңар көзгө көрүнгөн нерселер: өрүлгөн чач, алтын жасалгалар+ же кымбат кийимдер эмес,
4 жүрөктүн түпкүрүндө катылган чирибес жасалга — Кудайдын көз алдында абдан баалуу деп эсептелген токтоолук жана жумшактык*+ — болсун.
5 Байыркы убакта да Кудайга үмүт арткан ыйык аялдар күйөөлөрүнө баш ийип, өздөрүн ошентип жасалгалашкан.
6 Мисалы, Саара Ыбрайымды «мырзам» деп атап,+ ага баш ийген. Эгер дайыма жакшылык кылсаңар жана эч кандай коркунучка алдырбасаңар,+ Саарадан үлгү алган* болосуңар.
7 Ошо сыяктуу эле, силер, күйөөлөр, мындан ары да аялыңарга алган билимиңерге жараша* мамиле кылгыла. Алар да силер менен чогуу баа жеткис өмүр белегин мурастайт.+ Ошондуктан аялзатынын алсызыраак экенин эске алып, морт идиштей аярлап, кадырлап-сыйлагыла.+ Болбосо тиленгениңерде, Кудай силерди укпай коёт.
8 Ошентип, баарыңар бир ойдо болгула,+ бири-бириңердин кайгыңарды тең бөлүшкүлө, бири-бириңерди бир тууганыңардай жакшы көргүлө, боорукер,+ момун болгула.+
9 Силерге жамандык кылгандарга жамандык кылбагыла,+ силерди кордогондорду кордобогула.+ Кайра, батаңарды бергиле,+ анткени Кудай силерди ошон үчүн тандап алган, ошондо андан бата аласыңар.
10 Анткени: «Ким кубанып жашап, жакшы күндөрдү көргүсү келсе, тилин жаман сөздөн,+ оозун жалгандыктан сактасын;
11 жамандыктан качып,+ жакшылык кылсын;+ башкалар менен тынчтыкта болгонго бүт күчүн жумшап, тынчтыкты сактаганга умтулсун.+
12 Себеби Жахабанын көзү адил кишилерди көрүп, кулагы алардын жалынычын угат.+ Ал эми жаман иштерди кылгандардан Жахаба жүзүн бурат»,— деп жазылган.+
13 Эгер жакшы иштерди кылганга ынтызар болсоңор, силерге ким зыян келтире алат?+
14 Бирок адилдик үчүн азап чеккен күндө да бактылуусуңар.+ Башкалар корккон нерседен* коркпогула, тынчсызданбагыла.+
15 Машаякты Мырзаңар катары жүрөгүңөрдө ыйык тутуп, үмүттөнгөн нерселериңерди түшүндүрүп беришиңерди талап кылган ар бир адамга терең урмат-сый менен+ жумшак жооп бергенге+ дайым даяр болгула.
16 Башкалар силерди эмне деп жамандап, айыпташпасын, Машаяктын жолдоочусу катары өзүңөрдү үлгүлүү алып жүргөнүңөрдү көрүп+ өздөрү уят болушу үчүн,+ абийириңерди таза сактагыла.+
17 Себеби жаман иш кылып азап чеккенге караганда,+ эгер Кудай жол берип жатса, жакшы иш кылып азап чеккениңер артык.+
18 Анткени Машаяк да адил адам болуп туруп адил эместер үчүн+ өлүп*, аларды күнөөдөн арылткан.+ Муну ал силерге Кудайды тапканга жардам бериш үчүн кылган.+ Ал адам катары өлүп,+ кайра рух катары тирилген.+
19 Андан кийин барып, түрмөдөгү периштелерге сот өкүмүн жарыялаган.+
20 Алар Нух пайгамбардын күндөрүндө Кудай кеменин курулуп бүтүшүн+ чыдап күтүп жаткан убакта ага баш ийбей коюшкан.+ Топон суудан ошол кемеге кирген аз эле киши, 8 гана жан, аман калган.+
21 Ошондо болгондорду силердин сууга чөмүлгөнүңөргө салыштырса болот. Чөмүлгөнүңөр азыр силерди Иса Машаяктын тирилгенинин негизинде куткарып жатат. (Чөмүлүү деген — дененин кирин кетирүү эмес, Кудайдан таза абийир суроо).+
22 Асманга көтөрүлгөндөн кийин Машаяк Кудайдын оң жагына отурган.+ Кудай ага периштелерди, бийликтерди, күчтөрдү баш ийдирген.+
Шилтемелер
^ Сөзмө-сөз: «токтоо жана жумшак рух».
^ Же: «Сааранын кыздары».
^ Же: «сезимдерин, муктаждыктарын эске алып; түшүнө билип».
^ Же балким: «Башкалардын коркутуп-үркүткөнүнөн».
^ Же: «бир жолу, биротоло өлүп».
