Сандар 2:1—34
-
Конушка 3 уруудан турган топтор боюнча жайгашуу (1—34)
-
Жүйүт уруусу башчылык кылган топ чыгыш тарапта (3—9)
-
Рубейин уруусу башчылык кылган топ түштүк тарапта (10—16)
-
Лебилер башка топтордун ортосунда (17)
-
Эпрайым уруусу башчылык кылган топ батыш тарапта (18—24)
-
Дан уруусу башчылык кылган топ түндүк тарапта (25—31)
-
Катталган эркектердин жалпы саны (32—34)
-
2 Жахаба Муса менен Арунга мындай деди:
2 «Ысрайылдыктардын ар бири чатырын өзүнүн 3 уруудан турган тобу+ жайгашкан жерге, өз тукумунун белгиси турган жерге тиксин. Алар чатырларын жолугушуу чатырын айландыра, аны каратып тигишсин.
3 Анын күн чыгыш тарабында Жүйүт уруусу башчылык кылган 3 уруу топ-тобу менен жайгашсын. Жүйүт уруусунун башчысы — Аминадаптын уулу Нахшон.+
4 Анын каттоодон өткөн аскерлеринин саны — 74 600 киши.+
5 Жүйүт уруусунун жанына Исахар уруусунун кошууну жайгашсын. Исахар уруусунун башчысы — Зуардын уулу Нетанел.+
6 Анын каттоодон өткөн аскерлеринин саны — 54 400 киши.+
7 Алардын жанына Забулун уруусунун кошууну жайгашсын. Забулун уруусунун башчысы — Хелондун уулу Элиап.+
8 Анын каттоодон өткөн аскерлеринин саны — 57 400 киши.+
9 Жүйүт уруусу жетектеген кошуундагы каттоодон өткөн аскерлердин жалпы саны — 186 400 киши. Алар биринчи болуп жолго чыгышсын.+
10 Түштүк тарабында Рубейин+ уруусу башчылык кылган 3 уруу топ-тобу менен жайгашсын. Рубейин уруусунун башчысы — Шедурдун уулу Элисур.+
11 Анын каттоодон өткөн аскерлеринин саны — 46 500 киши.+
12 Рубейин уруусунун жанына Шымон уруусунун кошууну жайгашсын. Шымон уруусунун башчысы — Зуришадайдын уулу Шелумиел.+
13 Анын каттоодон өткөн аскерлеринин саны — 59 300 киши.+
14 Алардын жанына Гат уруусунун кошууну жайгашсын. Гат уруусунун башчысы — Ребулдун уулу Элиасап.+
15 Анын каттоодон өткөн аскерлеринин саны — 45 650 киши.+
16 Рубейин уруусу жетектеген кошуундагы каттоодон өткөн аскерлердин жалпы саны — 151 450 киши. Алар экинчи болуп жолго чыгышсын.+
17 Жолугушуу чатырын көчүрүш керек болгондо+ лебилер башка кошуундардын ортосунда болсун.
Уруулар конушта кандай тартипте жайгашса, жолго ошондой тартипте чыгышсын.+ Ар бири өзүнүн ордунда болуп, 3 уруудан турган тобу менен чыксын.
18 Батыш тарабында Эпрайым уруусу башчылык кылган 3 уруу топ-тобу менен жайгашсын. Эпрайым уруусунун башчысы — Амиюттун уулу Элишама.+
19 Анын каттоодон өткөн аскерлеринин саны — 40 500 киши.+
20 Эпрайым уруусунун жанына Менаше+ уруусунун кошууну жайгашсын. Менаше уруусунун башчысы — Педатсурдун уулу Гамалиел.+
21 Анын каттоодон өткөн аскерлеринин саны — 32 200 киши.+
22 Алардын жанына Бенжемин уруусунун кошууну жайгашсын. Бенжемин уруусунун башчысы — Гидонинин уулу Абидан.+
23 Анын каттоодон өткөн аскерлеринин саны — 35 400 киши.+
24 Эпрайым уруусу жетектеген кошуундагы каттоодон өткөн аскерлердин жалпы саны — 108 100 киши. Алар үчүнчү болуп жолго чыгышсын.+
25 Түндүк тарабында Дан уруусу башчылык кылган 3 уруу топ-тобу менен жайгашсын. Дан уруусунун башчысы — Амишадайдын уулу Ахиезер.+
26 Анын каттоодон өткөн аскерлеринин саны — 62 700 киши.+
27 Дан уруусунун жанына Ашыр уруусунун кошууну жайгашсын. Ашыр уруусунун башчысы — Охрандын уулу Пагиел.+
28 Анын каттоодон өткөн аскерлеринин саны — 41 500 киши.+
29 Алардын жанына Напталы уруусунун кошууну жайгашсын. Напталы уруусунун башчысы — Энандын уулу Акира.+
30 Анын каттоодон өткөн аскерлеринин саны — 53 400 киши.+
31 Дан уруусу жетектеген кошуундагы каттоодон өткөн аскерлердин жалпы саны — 157 600 киши. Алар 3 уруудан турган топтордун арасынан акыркы болуп жолго чыгышсын».+
32 Булар — тукуму боюнча каттоодон өткөн ысрайылдыктар. Аскердик кызматка жарактуулардын жалпы саны 603 550 киши болду.+
33 Жахаба Мусага буйругандай, лебилер башка ысрайылдыктар менен бирге каттоодон өтүшкөн жок.+
34 Ысрайыл эли бардыгын Жахаба Мусага айткандай кылды. Алар 3 уруудан турган топторго+ бөлүнүп жайгашышты, көчкөндө да ушундай тартип менен,+ ар бири өзүнүн тукуму, үй-бүлөсү менен жол жүрүштү.
