Сандар 24:1—25
24 Билам Жахабанын ысрайыл элинин бата алышын каалаганын түшүнгөндө мурункудай болуп жамандыктан кабар берген жышаандарды издебей калды.+ Анан чөл жакты карап,
2 уруу-уруусу менен чатырларда жашаган ысрайыл элин көргөндө,+ ага Кудайдын ыйык руху таасир этип,+
3 мындай деди:+
«Беордун уулу Биламдын,Көзү даана көрүп турган кишинин сөзү,
4 Кудайдын сөзүн уккан кишинин,Көздөрү ачык бойдон жүзтөмөндөп жыгылган,Кудурети Чексиз Кудай аян берген кишинин сөзү:+
5 Оо, Жакыптын тукумдары, чатырларың кандай кооз,Оо, ысрайыл эли, турак жайларың кандай сонун!+
6 Алар өрөөндөрдөй* керилип жатат,+Дарыянын жээгиндеги бактардай,Жахаба отургузган алоэ дарактарындай,Суу боюндагы бал карагайлардай жайылып жатат.
7 Анын* эки булгаары чакасынан суу ашып-ташып агып турат,Уруктары* чоң суулардын жээгине себилген.+
Анын падышасы+ Агактан улук болот,+Падышалыгынын даңкы чыгат.+
8 Кудай аны Мисирден алып чыгып келатат,Анын күчү жапайы буканын мүйүзүнүн күчүндөй, ал аларды колдойт.
Ысрайыл эли аларды эзген элдерди кыйратат,+Алардын сөөктөрүн кемирет, аларды жебелери менен атып өлтүрөт.
9 Ал эл арстандай болуп аңдып жатат,Ал арстанга окшош, аны ордунан козгогонго ким даай алат?
Сага бата бергендер бата алат,Сени каргагандар каргышка калат».+
10 Ошондо Балак Биламга каары кайнаганынан алаканын шак чаап: «Мен сени душмандарымды каргап берсин деп чакырсам,+ сен аларга ушуну менен үч жолу бата бердиң.
11 Бар, жолуңа түш! Мен сени сыйлайын деген элем,+ бирок Жахаба сени сыйдан кур калтырды»,— деди.
12 Билам ага: «Сен жиберген кабарчыларга:
13 „Балак мага алтын-күмүшкө толгон үйүн берсе да, Жахабанын буйругун бузуп, өзүм билип чоң да, кичине да иш кыла албайм. Жахаба мага эмне десе, ошону гана айтам“,— деп айткан эмес белем.+
14 Болуптур, өз элиме кетейин. Бирок адегенде келечекте бул эл сенин элиңди эмне кыларын айтып берейин»,— деди.
15 Анан мындай деди:+
«Беордун уулу Биламдын,Көзү даана көрүп турган кишинин сөзү,+
16 Кудайдын сөзүн уккан,Эң Жогорку Кудайдын билимин алган кишинин сөзү,Көздөрү ачык бойдон жүзтөмөндөп жыгылганда,Кудурети Чексиз Кудай аян берген кишинин сөзү:
17 Мен аны көрөм, бирок азыр эмес,Аны көрөм, бирок жакында эмес.
Жакыптын тукумдарынан жылдыз чыгат,+Ысрайылдын тукумдарынан+ падыша таягы+ көтөрүлөт.
Ал Мааптын+ маңдайын*,Зөөкүр жоокерлердин баарынын баш сөөгүн жара чабат.
18 Ысрайыл эли эр жүрөктүк кылып,Эдомду ээлеп алат,+Ооба, Сеирди+ душмандары ээлеп алат.+
19 Жакыптын урпактарынан душмандарды багындыра турган бирөө чыгып,+Шаарда аман калгандардын баарын жок кылат».
20 Амалыкты көрүп, Билам:
«Амалык элдердин биринчиси* эле,+Бирок ал акырында жок болот»,— деди.+
21 Кейниликтерди+ көрүп:
«Сенин турагың коопсуз, уяга окшоп аскага салынган.
22 Бирок кейниликтерди* өрттөй турган бирөө келет.
Ашур келип, сени туткундап кетерине дагы канча калды дейсиң?» — деди.
23 Анан сөзүн улап:
«Каран түн! Кудай муну ишке ашырганда ким аман калат?
24 Киттимдин+ жээгинен кемелер келип,Ашурду+ багындырып алат,Эберди да багындырып алат.
Бирок өздөрү* да тыптыйпыл болот»,— деди.
25 Анан Билам+ өз жерине кетти. Балак да өз жолуна түштү.
Шилтемелер
^ Же: «өзөндөрдөй».
^ Же: «Тукумдары».
^ Сыягы, ысрайыл элин билдирет.
^ Же: «чыкыйларын».
^ Б. а. ысрайылдыктар Мисирден чыккандан кийин, аларга биринчи болуп кол салган эл.
^ Сөзмө-сөз: «Кабылды». Бул кейниликтердин бир уруусунун аталышы.
^ Сөзмө-сөз: «ал».
