Сандар 26:1—65
-
Ысрайыл урууларын экинчи жолу каттоо (1—65)
26 Ошол жазадан кийин+ Жахаба Муса менен дин кызматчы Арундун уулу Элазарга:
2 «Бүт ысрайыл элиндеги 20 жаштан өйдөкү, аскер кызматына жарактуу эркектердин баарын уругу боюнча каттап чыккыла»,— деди.+
3 Муса менен дин кызматчы Элазар+ Жерихонун+ тушунда, Мааптын+ Иордан дарыясынын жанындагы чөлдүү түздүктөрүндө, элге:
4 «Жахаба Мусага буйрук кылгандай, 20 жаштан өйдөкүлөрдүн баарын каттап чыккыла»,— дешти.+
Ысрайылдын Мисирден чыккан урпактары булар:
5 Ысрайылдын туну — Рубейин.+ Рубейин уруусундагылар:+ Ханохтон тарагандар, Палудан тарагандар,
6 Кесрондон тарагандар, Кармиден тарагандар.
7 Булар — Рубейин уруусундагылар. Каттоодон өткөндөрүнүн саны 43 730 болду.+
8 Палунун уулу Элиап болгон.
9 Элиаптын уулдары: Немуел, Датан, Абырам. Датан менен Абырам жамааттын тандалган өкүлдөрү болушкан. Алар Жахабага каршы чыккан Корактын таламдаштарына+ кошулуп, Муса+ менен Арунга каршы чыгышкан.+
10 Ошондо жер ачылып, аларды жутуп кеткен. Корак болсо от жалмап кеткен 250 таламдашы менен чогуу өлгөн.+ Алардын окуясы башкаларга сабак болуп калган.+
11 Бирок Корактын уулдары өлгөн эмес.+
12 Шымон уруусундагылар:+ Немуелден тарагандар, Жаминден тарагандар, Жахинден тарагандар,
13 Зерактан тарагандар, Шабулдан тарагандар.
14 Булар — Шымон уруусундагылар. Алардын каттоодон өткөндөрүнүн саны 22 200 болду.+
15 Гат уруусундагылар:+ Зепондон тарагандар, Хагиден тарагандар, Шуниден тарагандар,
16 Озниден тарагандар, Эриден тарагандар,
17 Ароттон тарагандар, Арелиден тарагандар.
18 Булар — Гат уруусундагылар. Алардын каттоодон өткөндөрүнүн саны 40 500 болду.+
19 Жүйүттүн уулдары+ Эр менен Онан+ Канаан жеринде өлүшкөн.+
20 Жүйүт уруусундагылар: Шелахтан+ тарагандар, Перестен+ тарагандар, Зерактан+ тарагандар.
21 Перестин урпактары: Кесрондон+ тарагандар, Хамулдан+ тарагандар.
22 Булар — Жүйүт уруусундагылар. Алардын каттоодон өткөндөрүнүн саны 76 500 болду.+
23 Исахар уруусундагылар:+ Толадан+ тарагандар, Пубадан тарагандар,
24 Жашуптан тарагандар, Шимрондон тарагандар.
25 Булар — Исахар уруусундагылар. Алардын каттоодон өткөндөрүнүн саны 64 300 болду.+
26 Забулун уруусундагылар:+ Сереттен тарагандар, Элондон тарагандар, Жахлелден тарагандар.
27 Булар — Забулун уруусундагылар. Алардын каттоодон өткөндөрүнүн саны 60 500 болду.+
28 Жусуптун уулдары:+ Менаше менен Эпрайым.+
29 Менаше уруусундагылар:+ Махирден+ тарагандар. Махирдин уулу Гилат+ болгон. Гилаттан анын тукумдары тараган.
30 Гилаттын урпактары: Изерден тарагандар, Хелектен тарагандар,
31 Асриелден тарагандар, Шекемден тарагандар,
32 Шемитадан тарагандар, Хеперден тарагандар.
33 Хепердин уулу Салапаттын уулдары болгон эмес, кыздары гана болгон.+ Анын кыздарынын аттары+ Махла, Нух, Хогла, Милка, Тирса эле.
34 Булар — Менаше уруусундагылар. Алардын каттоодон өткөндөрүнүн саны 52 700 болду.+
35 Эпрайым+ уруусундагылар: Шутелахтан+ тарагандар, Бехерден тарагандар, Тахандан тарагандар.
36 Шутелахтын урпактары: Эрандан тарагандар.
37 Булар — Эпрайым уруусундагылар. Алардын каттоодон өткөндөрүнүн саны 32 500 болду.+ Булар — Жусуптун урпактары.
38 Бенжемин уруусундагылар:+ Беладан+ тарагандар, Ашбелден тарагандар, Акирамдан тарагандар,
39 Шепупамдан тарагандар, Хупамдан тарагандар.
40 Беланын уулдары Арт менен Нааман+ болгон. Арт менен Наамандан алардын тукумдары тараган.
41 Булар — Бенжемин уруусундагылар. Алардын каттоодон өткөндөрүнүн саны 45 600 болду.+
42 Дан+ уруусундагылар: Шухамдан тарагандар. Булар — Дан уруусундагылар.
43 Шухамдан тарагандардын каттоодон өткөндөрүнүн саны 64 400 болду.+
44 Ашыр уруусундагылар:+ Имнактан тарагандар, Ишбиден тарагандар, Бериядан тарагандар.
45 Бериянын урпактары: Хеберден тарагандар, Малкиелден тарагандар.
46 Ашырдын кызынын аты — Серак.
47 Булар — Ашыр уруусундагылар. Алардын каттоодон өткөндөрүнүн саны 53 400 болду.+
48 Напталы уруусундагылар:+ Жахсилден тарагандар, Гуниден тарагандар,
49 Жесерден тарагандар, Шилемден тарагандар.
50 Булар — Напталы уруусундагылар. Алардын каттоодон өткөндөрүнүн саны 45 400 болду.+
51 Ысрайылдыктардын каттоодон өткөндөрүнүн жалпы саны 601 730 болду.+
52 Ошондон кийин Жахаба Мусага:
53 «Аларга санына* жараша менчикке жер бөлүштүрүп бер.+
54 Саны көптөрүнө көбүрөөк жер бер, ал эми аздарына азыраак бер.+ Ар бир урууга каттоодон өткөндөрүнүн санына жараша бөлүп бер.
55 Жерди бөлүштүрүп жатканда өкчөмө таш* ыргыткыла.+ Ар бир үй-бүлө өз уруусуна бөлүнгөн жерден үлүш алсын.
56 Саны көп урууга да, саны аз урууга да өкчөмө таштын түшкөнүнө жараша жер бөлүштүрүлсүн»,— деди.
57 Леби уруусундагылардын+ каттоодон өткөндөрү булар: Гершондон тарагандар, Кааттан тарагандар,+ Мерариден тарагандар.
58 Лебинин урпактары булар: Либнинин уруктары,+ Хеброндун уруктары,+ Махлинин уруктары,+ Мушинин уруктары,+ Корактын уруктары.+
Кааттын Амрам деген уулу болгон.+
59 Амрамдын аялынын аты Жохебет+ эле. Ал Лебинин Мисир жеринде төрөлгөн кызы* болчу. Жохебет Амрамга Арунду, Мусаны жана алардын эжеси Мириямды+ төрөп берген.
60 Арундан Надап, Абый, Элазар жана Итамар+ төрөлгөн.
61 Надап менен Абый, Жахаба буйрук кылбаса да, анын алдына от алып келгени үчүн өлүшкөн.+
62 Леби уруусундагылардын каттоодон өткөн бир айлык жана андан жогорку жаштагы эркектеринин жалпы саны 23 000 болду.+ Аларга ысрайыл элинин арасынан үлүшкө жер берилбегендиктен,+ алар башка ысрайылдыктар менен бирге каттоодон өтүшкөн жок.+
63 Жерихонун тушунда, Мааптын Иордан дарыясынын жанындагы чөлдүү түздүктөрүндө, Муса менен дин кызматчы Элазар каттап чыккан ысрайылдыктар — ушулар.
64 Алардын арасында Муса менен дин кызматчы Арун Синай чөлүндө каттоодон өткөргөн ысрайылдыктардын бири да болгон жок.+
65 Анткени Жахаба алар жөнүндө: «Алар чөлдө өлүп жок болушат»,— деп айткан болчу.+ Алардын арасынан Жепундун уулу Калеп менен Нундун уулу Жашыядан+ башка эч ким калган жок.
