Сандар 29:1—40
29 Жетинчи айдын биринчи күнү ыйык жыйын өткөргүлө. Эч кандай оор жумуш жасабагыла.+ Ал күн — сурнай+ тарта турган күн.
2 Жахабага арналган жыты жагымдуу бүтүндөй өрттөлчү курмандыкка кемтиги жок 1 букачар, 1 кочкор, бир жашар 7 эркек козу алып келгиле.
3 Букачарга кошуп дан азыктарынан алынып келген тартуу катары май аралаштырылган эң жакшы ундан үч жарым килограммдай*, кочкорго кошуп эки килограммдай*,
4 ал эми 7 козунун ар бирине кошуп бир килограммдай* алып келгиле.
5 Күнөөдөн арылышыңар үчүн күнөө курмандыгына 1 эркек улак алып келгиле.
6 Аларды ай сайын чалынчу бүтүндөй өрттөлчү курмандык менен анын дан азыктарынан алынып келген тартуусуна+ жана дайыма чалынчу бүтүндөй өрттөлчү курмандык менен анын дан азыктарынан алынып келген тартуусуна,+ ошондой эле алар менен кошо алынып келчү суюк тартууга кошуп алып келгиле.+ Булардын баарын Жахабага арналган жыты жагымдуу өрттөлчү тартуу катары берилген көрсөтмөлөргө ылайык алып келгиле.
7 Ошол жетинчи айдын онунчу күнү ыйык жыйын өткөрүп, күнөөлөрүңөр үчүн кайгырып жатканыңарды көрсөткүлө*.+ Эч кандай жумуш кылбагыла.+
8 Жахабага арналган жыты жагымдуу тартуу катары бүтүндөй өрттөлчү курмандыкка 1 букачар, 1 кочкор, бир жашар 7 эркек козу алып келгиле. Баарынын кемтиги жок болсун.+
9 Букачарга кошуп дан азыктарынан алынып келген тартуу катары май аралаштырылган эң жакшы ундан үч жарым килограммдай, кочкорго кошуп эки килограммдай,
10 ал эми 7 козунун ар бирине кошуп бир килограммдай алып келгиле.
11 Күнөөдөн арылуу күнү чалынчу күнөө үчүн курмандыктан+ жана дайыма чалынчу бүтүндөй өрттөлчү курмандыктан, анын дан азыктарынан алынып келген тартуусунан, алар менен кошо алынып келчү суюк тартуулардан сырткары күнөө үчүн курмандыкка 1 улак алып келгиле.
12 Жетинчи айдын он бешинчи күнү ыйык жыйын өткөргүлө. Эч кандай оор жумуш жасабагыла. 7 күн Жахабага арнап майрам өткөргүлө.+
13 Жахабага арналган жыты жагымдуу өрттөлчү тартуу катары бүтүндөй өрттөлчү курмандыкка+ 13 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
14 13 букачардын ар бирине кошуп дан азыктарынан алынып келчү тартуу катары май аралаштырылган эң жакшы ундан үч жарым килограммдай, 2 кочкордун ар бирине кошуп эки килограммдай,
15 ал эми 14 эркек козунун ар бирине кошуп бир килограммдай алып келгиле.
16 Дайыма чалынчу бүтүндөй өрттөлчү курмандыктан жана анын дан азыктарынан алынып келген тартуусу менен суюк тартуусунан сырткары күнөө үчүн курмандыкка 1 улак алып келгиле.+
17 Майрамдын экинчи күнү 12 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
18 Ошондой эле букачарлардын, кочкорлордун, козулардын санына жараша берилген көрсөтмөгө ылайык дан азыктарынан алынып келчү тартуу менен суюк тартуу алып келгиле.
19 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусунан жана алар менен кошо алынып келчү суюк тартуулардан сырткары күнөө үчүн курмандыкка 1 улак алып келгиле.+
20 Үчүнчү күнү 11 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
21 Ошондой эле букачарлардын, кочкорлордун, козулардын санына жараша берилген көрсөтмөгө ылайык дан азыктарынан алынып келчү тартуу менен суюк тартуу алып келгиле.
22 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусу менен суюк тартуусунан+ сырткары күнөө үчүн курмандыкка 1 теке* алып келгиле.
23 Төртүнчү күнү 10 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
24 Ошондой эле букачарлардын, кочкорлордун, козулардын санына жараша берилген көрсөтмөгө ылайык дан азыктарынан алынып келчү тартуу менен суюк тартуу алып келгиле.
25 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусу менен суюк тартуусунан+ сырткары күнөө үчүн курмандыкка 1 улак алып келгиле.
26 Бешинчи күнү 9 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
27 Ошондой эле букачарлардын, кочкорлордун, козулардын санына жараша берилген көрсөтмөгө ылайык дан азыктарынан алынып келчү тартуу менен суюк тартуу алып келгиле.
28 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусу менен суюк тартуусунан+ сырткары күнөө үчүн курмандыкка 1 теке алып келгиле.
29 Алтынчы күнү 8 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
30 Ошондой эле букачарлардын, кочкорлордун, козулардын санына жараша берилген көрсөтмөгө ылайык дан азыктарынан алынып келчү тартуу менен суюк тартуу алып келгиле.
31 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусу менен суюк тартуусунан+ сырткары күнөө үчүн курмандыкка 1 теке алып келгиле.
32 Жетинчи күнү 7 букачар, 2 кочкор, бир жашар 14 эркек козу алып келгиле. Баарынын кемтиги жок болсун.+
33 Ошондой эле букачарлардын, кочкорлордун, козулардын санына жараша берилген көрсөтмөгө ылайык дан азыктарынан алынып келчү тартуу менен суюк тартуу алып келгиле.
34 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусу менен суюк тартуусунан+ сырткары күнөө үчүн курмандыкка 1 теке алып келгиле.
35 Сегизинчи күнү салтанаттуу жыйын өткөргүлө. Эч кандай оор жумуш жасабагыла.+
36 Жахабага арналган жыты жагымдуу өрттөлчү тартуу катары бүтүндөй өрттөлчү курмандыкка 1 букачар, 1 кочкор, бир жашар 7 эркек козу алып келгиле. Баарынын кемтиги жок болсун.+
37 Букачарга, кочкорго жана козулардын ар бирине кошуп, берилген көрсөтмөгө ылайык, дан азыктарынан алынып келчү тартуу менен суюк тартуу алып келгиле.
38 Дайыма чалынчу бүтүндөй өрттөлчү курмандыктан, анын дан азыктарынан алынып келген тартуусу менен суюк тартуусунан+ сырткары күнөө үчүн курмандыкка 1 теке алып келгиле.
39 Бүтүндөй өрттөлчү курмандык,+ дан азыктарынан алынып келген тартуу,+ суюк тартуу+ жана тынчтык курмандыгы+ катары алынып келген ант курмандыктарыңар+ менен ыктыярдуу курмандыктарыңардан+ сырткары жылдын белгилүү бир мезгилинде белгиленчү майрамдарыңарда+ Жахабага арнап ушундай курмандыктарды чалгыла“».
40 Муса Жахаба айткандардын баарын ысрайылдыктарга айтты.
Шилтемелер
^ Же: «эйфанын ондон үч бөлүгүн». Б14 тиркемесин кара.
^ Же: «эйфанын ондон эки бөлүгүн».
^ Же: «эйфанын ондон бир бөлүгүн».
^ Бул орозо тутууну, өзүн-өзү тыюу, чектөө сыяктуу нерселерди билдириши мүмкүн.
^ Же: «эркек улак».
