Сепания 1:1—18
1 Жүйүттүн падышасы Амон уулу+ Жошиянын күндөрүндө+ Жахаба* Хискиянын кыбырасы, Амариянын чөбүрөсү, Гедалиянын небереси, Кушинин уулу Сепанияга* мындай деди:
2 «Мен бардыгын жер бетинен тыптыйпыл кылам»,— дейт Жахаба.+
3 «Адамды да, жаныбарды да,Асмандагы канаттуулар менен деңиздеги балыктарды да жок кылам.+
Ыймансыздарды күнөөгө азгырган нерселери*+ менен кошо жоготом.
Адамдарды жер бетинен жок кылам,— дейт Жахаба.—
4 Мен Жүйүттүн элин, Иерусалимдин бүт тургундарын жазалайм,Бул жерден Баалга* байланышы бар нерсенин баарын курутам,+Жалган кудайлардын дин кызматчыларынын атын өчүрөм,Буркандарга табынып кеткен дин кызматчыларды да жок кылам.+
5 Үйүнүн үстүнө чыгып, асмандагы нерселерге таазим кылгандарды,+Жахабага сыйынып, ага берилгендигин сактайм деп ант берип,+Ошол эле учурда Малкамга* да берилгендигин сактайм деп ант бергендерди,+
6 Жахабадан баш тартып, анын жолунан чыгып кеткендерди,+Жахабага кайрылып, жетектешин суранбагандарды жок кылам».+
7 Эгедер Теңир Жахабанын алдында унчукпагыла,Себеби Жахабанын күнү жакындап калды,+Жахаба курмандык даярдап койду, ал өзү чакыргандарды ыйыктап-тазалады.
8 «Мен, Жахаба, өзүм курмандык чала турган күнүТөрөлөрдү, падышанын уулдарын,+Бөтөн жерликтердин кийимин кийгендердин баарын жоопко тартам.
9 Ошол күнү секичеге* чыккандарды,Мырзасынын үйүн зордук-зомбулук, алдамчылык менен толтургандарды да жоопко тартам.
10 Ошол күнү,— дейт Жахаба,—
Балык дарбазасынан+ ыйлагандардын үнү,Шаардын жаңы конушунан+ боздогондордун үнү,Адырлардан карс-курс эткен катуу дабыштар угулат.
11 Боздогула, Мактештин* тургундары,Себеби соода-сатык кылгандар бүт жок болду,Таразага күмүш тарткандардын баары кырылды.
12 Ошол убакта мен шамчырак көтөрүп алып, Иерусалимди кылдат карап чыгам да:
„Жахаба жакшылык да, жамандык да кылбайт“,— деп ойлоп,+Өзүнө өзү корстон болгон* адамдарды жоопко тартам.
13 Алардын байлыгы таланып-тонолот, үйлөрү талкаланат.+
Алар үйлөрдү курушат, бирок ал үйлөрдө жашашпайт,Жүзүмзарларды отургузушат, бирок шарабын ичишпейт.+
14 Жахабанын улуу күнүнө аз калды!+
Ал жакындап калды, өтө тездик менен жакындап келатат!+
Жахабанын күнү* жүрөктүн үшүн ала тургандай коркунучтуу болот!+
Ошондо жоокерлер да айласы куруп, катуу кыйкырат.+
15 Ал күн каардын,+Каргаша менен азап-кайгынын,+Катуу шамал менен бүлгүндүн,Караңгылык менен мунарыктын,+Булуттар менен коюу караңгылыктын күнү болот.+
16 Ал күн чептүү шаарларга,Дубалдардын бурчундагы бийик мунараларга+ каршы ураан чакырып,Мүйүз сурнай тартыла турган күн болот.+
17 Мен адамдарга алаамат жиберем,Ошондо алар сокурлардай болуп темселеп калышат,+Анткени Жахабанын алдында күнөөгө батышты.+
Алардын каны таман алдындагы топурактай,Ичеги-карыны* кыктай болот.+
18 Жахабанын каары төгүлгөн күнү аларды күмүшү да, алтыны да сактай албайт.+
Себеби анын каары от сыяктуу бүт жерди жалмап кетет,+Анткени ал жердин бүт тургундарын кырат, аларга үрөй учурарлык кыргын салат».+
Шилтемелер
^ Мааниси: «Жахаба жашырып койду (сактап койду)».
^ Сыягы, бурканга табынуу менен байланышы бар нерселери же иштери.
^ Сыягы, Амондун урпактарынын Молек же Милком деп да аталган жалган кудайы.
^ Кыязы, падышанын тактысы турган секиче.
^ Сыягы, Иерусалимдин Балык дарбазасынын жанындагы бөлүгү.
^ Сөзмө-сөз: «Тундурмасынын үстүндө коюуланып калган». Шараптын челектин түбүндөгү тунмасына салыштырылып жатат. Кыязы, бул кайдыгер, кош көңүл адамдарды билдирет.
^ Же: «Жахабанын күнүндө чыккан үн-дабыштар».
^ Же: «денеси».
