Сулаймандын ыры 1:1—17
1 Ырдын ыры*, Сулаймандын ыры.+
2 Шуламдык кыз: «Өпсүн мени эриндериң,Шараптан артык эркелеткениң.+
3 Кандай сонун майларың жыпар жыты буркураган.+
Өзүң* болсо башка куюлган майдайсың жыты аңкыган,+Ошон үчүн жаш селкилер арбын сени жактырган.
4 Мени төркү бөлмөлөрүнө алып кирди падыша!
Алып кет, жаным, бул жактан качалы!
Чогуу кубанып-шаттаналы, чер жазалы.
Шарапты эмес, сенин назик мамилеңди кеп кылалы.
Бекеринен селкилер сага ашык болуп калдыбы?!
5 Оо, Иерусалим кыздары! Кара тору болсом да, татынакаймын,Кедар+ чатырларындай, Сулаймандын чатырынын жабуусундаймын.+
6 Кара торулугума карабагыла,Себеби күнгө күйүп тотуккам.
Апакемдин уулдары ачууланып,Жүзүмзарын кайтартып коюшкан,Өзүмдүкүн болсо карабай калгам.
7 Жанымдай көргөн жигитим, айтчы мага,Койлоруңду жаясың кайсы жакка,+Түш болгондо жуушатасың каякта?
Жүзүн жапкан* аял өңдүү жүрбөйүнДосторуңдун оторунун арасында».
8 Иерусалим кыздары: «Оо, сулуулардын сулуусу, кайда экенин билбесең,Изине түшүп койлордун, сүйгөнүңдү издеп бар,Улактарыңды койчулардын чатырынын жанына жай».
9 Падыша: «Сени окшоштурдум, ашыгым, фараондун арабасы чегилген байталга*.+
10 Жасалга таккан* жаактарың сүйкүмдүү кандай гана!
Шуру таккан мойнуң суктандырат көз жоосун ала!
11 Күмүш менен кооздоп сагаЖасап беребиз алтындан жасалга*».
12 Шуламдык кыз: «Падыша дасторкондо отурганда,Атырымдын+ жыты аңкыйт ашыгыма.
13 Сүйгөн жигитим жыты аңкыган,Түнү бою көкүрөгүмдө жаткан мирра*+ салынган түйүнчөктөй,
14 Сүйгөнүм Эн-Гединин+ жүзүмзарындагы бир тутам кына гүлүндөй».+
15 Койчу жигит: «Кандай гана сулуусуң, оо, жан селким!
Кандай гана сулуусуң! Көздөрүң көгүчкөндүн көздөрүндөй».+
16 Шуламдык кыз: «Сен да сулуусуң, сүйгөнүм, ажарлуусуң!+
Экөөбүздүн төшөгүбүз — жалбырактар.
17 Үйүбүздүн* устундары — бал карагайлар,Шыбы болсо жапжашыл арчалар.
Шилтемелер
^ Же: «Эң көркөм ыр».
^ Сөзмө-сөз: «Ысмың».
^ Же: «Аза күткөндө жүзүн жабуу менен жапкан».
^ Же: «байталыма».
^ Же балким: «Тал-талдап өргөн чачың жапкан».
^ Же: «таажы».
^ Же: «Заңгыраган үйүбүздүн».
