Сулаймандын ыры 3:1—11
3 Төшөктө жатып түнкүсүнИздедим жан сүйгөн ынагымды.+
Издесем да, таппадым аны.+
2 Турайын да, аралап шаарды,Көчөлөрдү, аянттардыИздейин ашыгымды.
Издедим, бирок таппадым аны.
3 Алдыман күзөтчүлөр чыкты шаар кыдырган.+
„Ашыгымды көрдүңөрбү?“ — деп сурадым алардан.
4 Ары басарым менен ал жактанСүйгөнүмдү таап алдым.
Бекем кармап, коё бербей туруп алдым.
Алып келип, киргиздим апакемдин үйүнө,+Мени курсагына көтөргөндүн төркү бөлмөсүнө.
5 Оо, Иерусалим кыздары, ант бергиле!
Өзү ойгонмоюн, сүйүүмдү ойготпойбуз деп, аны тутандырбайбыз деп,Жейрендерди, талаадагы маралдарды оозанып ант бергиле».+
6 Сион кыздары: «Бул эмне чөл тараптан түрмөктөлгөн түтүн сымал келаткан?
Соодагердин ар түркүн жыпарзаты сымал буркураган,Мирра менен ладандай* аба жарып жыты аңкыган».+
7 «Ал — чүмбөттүү замбили* Сулаймандын.
Жанында жүрөт эр-азаматтары анын,60 мыкты жоокери Ысрайылдын.+
8 Баары тең кылыч менен куралданган,Согушканга машыгышып дасыккан.
Коргош үчүн түнкү түрдүү коркунучтанАр бири белине кылыч курчанган».
9 «Ал — чүмбөттүү замбили Сулаймандын,Жасалган жакшысынан Лебанон*+ дарагынын.
10 Түркүктөрү күмүштөн жасалган,Таканчыктары болсо алтындан,Отурган жери кызгылт көк жүндөн жасалган;Ичин болсо кооздоп Иерусалим кыздары,Жасашкан бүт баарын чын ыкластан».
11 «Сыртка чыгып карагыла, Сион кыздары,Таажы* кийип келаткан Сулайман падышаны.
Үйлөнөм деп жүрөгү толкуп турган күнүЧебердеп өрүп берген энеси+ ал таажыны».
Шилтемелер
^ Жогорку даражалуу кишилерди салып көтөрүп жүргөн отургуч сыяктуу үстү жабык нерсе.
^ Ливан.
^ Же: «Үйлөнүү үлпөтүндөгү гүлчамбарын».
