Тесалоникалыктарга 1-кат 1:1—10
1 Пабылдан, Силуандан*+ жана Тиметейден+ асмандагы Атабыз Кудай менен жана Мырзабыз Иса Машаяк* менен биримдикте болгон Тесалоникадагы жыйналыштагыларга:
Кудай силерге ырайымын төгүп, тынчтык берсин.
2 Силер үчүн Кудайдан тиленген сайын, баарыңарды айтып ага ыраазычылык билдиребиз.+
3 Себеби силердин Кудайга ишенгендиктен, аны жакшы көргөндүктөн кылып жаткан эмгегиңерди, ошондой эле Мырзабыз Иса Машаякка үмүттөнгөндүктөн+ туруктуу болуп, кыйынчылыктарды көтөрүп жатканыңарды асмандагы Атабыздын алдында дайыма эстеп турабыз.
4 Кудай сүйгөн бир туугандарыбыз, биз анын силерди тандап алганын билебиз.
5 Себеби силерге жакшы кабарды* жөн эле айтып койбой, аны Кудайдын ыйык рухунун* жардамы менен, силерге күчтүү таасир эткидей кылып жеткиргенбиз, аны айтып жатканда чындык экенине бекем ишенерибиз көрүнүп турган. Араңарда жүргөнүбүздө силердин эле пайдаңарды көздөгөнүбүздү жакшы билесиңер.
6 Силер жакшы кабарды көптөгөн кыйынчылыктарга карабай+ Кудайдын ыйык руху аркылуу берилген кубаныч менен кабыл алдыңар. Ошентип, бизден+ жана Мырзабыздан үлгү алдыңар.+
7 Ошонун аркасында Македония менен Ахаядагы бардык бир туугандарыбызга үлгү болуп калдыңар.
8 Силер Жахаба* Кудайдын сөзүн Македония менен Ахаяга эле эмес, бардык жерге тараттыңар. Кудайга ишенериңер жөнүндө бардык жердегилер угушту.+ Ошондуктан биз дагы эмне демек элек?
9 Себеби ал жактагылар силерге биринчи жолу кантип жолукканыбызды, буркандарыңардан кантип баш тартып,+ тирүү, чыныгы Кудайга кызмат кыла баштаганыңарды* айтып жүрүшөт.
10 Кудайдын жолуна түшүп, анын тирилген Уулунун, башкача айтканда, келечекте бизди Кудайдын каарынан куткара турган Исанын асмандан келишин+ күтүп жатканыңарды+ да айтып жатышат.
Шилтемелер
^ Сыягы, Сылас деген грекче аттын латынча айтылышы.
^ Б. а. ыйык күчүнүн.
^ Же: «Кудайдын кулу болгонуңарды».
