Тиметейге 2-кат 3:1—17
3 Акыркы күндөрдүн+ өзгөчө оор болорун бил.
2 Себеби адамдар өзүн өзү сүйгөн, акчаны сүйгөн, мактанчаак, бой көтөргөн, Кудайга да, башкаларга да акарат кылган, ата-энесинин тилин албаган, жакшылыкты билбеген, ишеничтүү эмес,
3 жакындарын сүйбөгөн, эпке-сөзгө келбеген, башкаларга жалаа жапкан, өзүн өзү кармай албаган, ырайымсыз, жакшы нерсени сүйбөгөн,
4 саткын, кежир, текебер, Кудайды эмес, рахатты жакшы көргөн,
5 Кудайга берилгендей болуп көрүнгөн, бирок берилгендигин иш жүзүндө көрсөтпөгөн адамдар болушат.+ Андайлардан алыс бол.
6 Анткени алардын арасынан башкаларды адаштыргандар чыгат. Алар ишенчээк, ар кандай каалоолорго жетеленген, күнөөгө баткан аялдардын үйлөрүнө куулук менен кирип алып, аларды торго түшүрүп алышат.
7 Андай аялдар дайыма билим алышса да, Кудайдын туура окууларын так түшүнө албай келишет.
8 Жанес менен Жамбрес Муса пайгамбарга каршы чыккандай эле, тиги кишилер да туура окууларга каршы чыгып жатышат. Алардын ой жүгүртүүсү толугу менен бурмаланган. Ишенген нерселерибиз боюнча жашабагандыктан ал кишилер Кудайга жакпайт.
9 Алардын ою оңунан чыкпайт, себеби Жанес менен Жамбрестин акылсыздыгы баарына айкын болуп калгандай эле, алардын да акылсыздыгы бардыгына айкын болот.+
10 Сен болсо мен окуткан нерселерге так кармандың, мен жашагандай жашап,+ меникиндей максатты көздөдүң, ишенимимди, чыдамкайлыгымды, сүйүүмдү, туруктуулугумду үлгү туттуң.
11 Антиохияда,+ Иконияда+ жана Листрада+ кандай куугунтуктарга, кыйынчылыктарга кабылганымды да билесиң. Ошол куугунтуктарга чыдадым, Мырзабыз* мени алардын баарынан куткарды.+
12 Негизи, Машаяк Исанын Кудайга берилгендигин сактап жашагысы келген жолдоочуларынын баары куугунтукталат.+
13 Ал эми кара өзгөй, алдамчы адамдар башкаларды адаштырып, өздөрү да адашып, барган сайын бузула беришет.+
14 Сен болсо эмнени үйрөнүп, эмнеге ынансаң, мындан ары да ошого бек карман,+ анткени ошол нерселерди үйрөткөндөрдүн кандай кишилер экенин жакшы билесиң.
15 Ошондой эле сени акылман кыла ала турган ыйык жазмаларды ымыркай кезиңен+ билесиң.+ Андай акылмандык Иса Машаякка ишенгениңдин аркасында куткарылышыңа шарт түзөт.+
16 Ыйык Жазманын баары Кудайдын ыйык рухунун жетеги менен жазылган+ жана пайдалуу: ал окутуп-үйрөтөт,+ ашкерелейт, оңдоп-түзөйт, Кудайдын адил талаптарына ылайык тарбиялайт*.+
17 Ошонун аркасында Кудайдын кишиси бардык ишке толугу менен жарактуу болуп, ар кандай жакшы иштерге толук даяр болот.
