Хабакук 2:1—20
2 Мен күзөт ордумда турам,+Чептин үстүндө туруп,Анын* мен аркылуу эмне деп айтарын билиш үчүн күтүп турам,Мени оңдоп-түзөгөндө эмне деп жооп беришим керектигин ойлонуп турам.
2 Жахаба мага мындай деп жооп берди:
«Үн чыгарып окуганда оңой* окулушу үчүн,+Бул аянды тактайчаларга так-даана кылып жазып кой.+
3 Себеби бул аян аткарыла турган убак али алдыда.
Ал аткарыла турган убак тездик менен жакындап келатат, ал аткарылбай калбайт*.
Атүгүл создуктурула турган болсо да*, күтө бер*!+
Себеби сөзсүз аткарылат.
Кечикпейт!
4 Текеберденип кеткен адамды карачы,Ал чынчыл эмес.
Адил адам болсо ишеничтүү болгону үчүн* өмүр сүрөт.+
5 Шарап акылсыздыкка түрткөндүктөн,Менменсинген киши максатына жетпейт.
Ал көр* сыяктуу ач көз,Өлүмгө окшоп тойбойт.
Ал бардык улуттарды чогултуп,Бардык элдерди туткундап кетип жатат.+
6 Бирок алардын баары аны мыскылдап, ал тууралуу ылакап, табышмак айтышпайбы?+
Алар мындай дешет:
„Качанкыга чейин ал өзүнө таандык болбогон нерселерди топтоп, байый берет?
Ушинтип карызын көбөйтө бергендиктен,Анын башына каран түн түшөт!
7 Сага* карыз бергендер капыстан өзүңө каршы чыкпайбы?
Алар ойгонуп, сени каары менен жулкулдатышат,Сени талап-тоношот.+
8 Сен көп элдерди талап-тоногондуктан,Алардын калгандары сени талап-тоношот.+
Анткени сен көптөрдүн канын төктүң,Жерлерди, шаарларды кыйратып,Тургундарына зордук-зомбулук көрсөттүң.+
9 Алааматтан качып кутулуш үчүнБийик жерге уя салууну көздөп,Өз үйү үчүн арам жол менен пайда тапкандын башына каран түн түшөт!
10 Сен өз үйүңдү уятка калтыра турган ишти ойлодуң.
Көп элдерди жок кылып, өзүңдү күнөөгө батырдың.+
11 Атүгүл дубалдын ташы да кыйкырат,Шыптагы устун аны коштойт.
12 Кан төгүп шаар кургандын,Аны адилетсиздик менен түптөгөндүн башына каран түн түшөт!
13 Элдердин кылган эмгегинин баарын от жалмап кетет,Улуттардын суй жыгылгыча иштегени куру бекер болуп калат.
Бул асман аскерлеринин Кудайы Жахабанын эрки эмеспи?+
14 Себеби деңиз сууга толгондой,Жер Жахабанын даңкы жөнүндөгү билимге толот.+
15 Шериктерин мас кылып,Уяттуу жерлерин көрүш үчүнАларга ачуу менен каар кошулган ичимдик бергендин башына каран түн түшөт!
16 Сен даңкка эмес, маскаралыкка тоёсуң.
Сен да ич, сүннөткө отургузулбаганыңды башкалар көрсүн*.
Кезегиң келгенде, Жахаба оң колундагы чөйчөктөн сага да ичирет,+Ошондо сага даңктын ордуна маскаралык келет.
17 Анткени Лебанонго* көрсөткөн зордук-зомбулугуң өз башыңа түшөт,Коркуп-үрккөн жаныбарларды кырганыңдай эле, сени да кырышат.
Себеби сен көптөрдүн канын төктүң,Жерлерди, шаарларды кыйратып, тургундарына зордук-зомбулук көрсөттүң.+
18 Оюлуп жасалган буркандан эмне пайда?
Аны тек гана пенде жасаган эмеспи.
Куйма буркандан, жалган нерселерди үйрөткөн устаттан эмне пайда?
Сүйлөй албаган, пайда-батасы жок кудайларды жасаган киши аларга таянса да,Андан эмне пайда?+
19 Жыгачка: “Ойгон!” — деген,Тилсиз ташка: “Тур! Бизге насаат айт”,— деген кишинин башына каран түн түшөт!
Алтын-күмүш менен капталса да,+Ал буркандын жаны жок.+
20 Ал эми Жахаба өзүнүн ыйык ибадатканасында.+
Бүт жер жүзү, анын алдында үн катпа!“»+
Шилтемелер
^ Сыягы, Кудайдын.
^ Же: «шыр».
^ Сөзмө-сөз: «калп айтпайт».
^ Же: «создуктурулуп жаткандай сезилсе да».
^ Же: «аны эңсеп күт».
^ Же балким: «ишениминин аркасында».
^ Сыягы, бул каздимдик душмандарга тиешелүү.
^ Же балким: «Сен да ичип, теңсел».
^ Ливанга.
