Чыгуу 34:1—35
34 Андан кийин Жахаба Мусага: «Мурункуларга окшогон эки таш лоок жаса.+ Аларга сен талкалаган+ таш лооктордогу+ сөздөрдү жазып берем.
2 Эртеңкиге даяр бол. Анан эртең менен Синай тоосунун башына чыгып, менин жаныма тур.+
3 Сени менен кошо тоого эч ким чыкпасын. Бул тоодо эч ким көрүнбөсүн. Анын этегинде атүгүл майда мал да, бодо мал да жайылып жүрбөшү керек»,+— деди.
4 Муса мурункуларга окшогон эки таш лоок жасады. Анан эртең менен эрте туруп, Жахаба буйругандай, Синай тоосуна чыкты. Колуна эки таш лоокту алып алды.
5 Жахаба булут ичинде төмөн түшүп,+ Мусанын жанына турду да, Жахаба деген ысмын жарыялады.+
6 Анан Жахаба Мусанын алдынан өтүп: «Жахаба, Жахаба — ырайымдуу,+ боорукер,+ сабырдуу*,+ сүйүүсү* чексиз,+ дайыма сөзүнө турган ишеничтүү+ Кудай.
7 Ал — адамдын миңинчи муунуна чейин сүйүүсүнө* бөлөй турган,+ жаңылыштыкты, кылмышты, күнөөнү кечире турган,+ бирок жазасыз калтырбай турган Кудай.+ Ал аталарынын күнөөлөрүнүн кесепетин уулдары менен неберелерине, чөбүрөлөрү менен кыбыраларына чейин тарттырат»,— деди.+
8 Муса ошол замат чөгөлөп, жерге чейин ийиле таазим кылды да:
9 «Жахаба, эгер сенин көңүлүңө жаккан адам болсом, анда суранам, Жахаба, тоң моюн эл+ болсок да, биз менен бар.+ Айыбыбызды, күнөөбүздү кечире көр,+ бизди өзүңө эл кылып ал»,— деди.
10 Ошондо ал мындай деди: «Мен силер менен келишим түзөм: бүткүл элиңдин көз алдында ажайып иштерди кылам. Андай иштер эч жерде, эч бир элде+ эч качан жасалган эмес. Айланаңардагы элдердин баары менин, Жахабанын, иштерин көрөт. Силер үчүн адам баласын сестенте турган керемет жасайм.+
11 Сен болсо бүгүн мен айткандарды кунт коюп ук.+ Мен силердин алдыңарга түшүп, аморлуктарды, канаандыктарды, Хеттин тукумдарын, периздерди, хибилерди жана жебустуктарды кууп чыгам.+
12 Сак болгула, торго түшүп калбашыңар үчүн+ өзүңөр бараткан жердин тургундары менен келишим түзбөгүлө.+
13 Алардын курмандык жайларын талкалап, ыйык туткан устундарын кыйратып, ыйык көргөн мамыларын кыйып таштагыла.+
14 Башка кудайга сыйынбагыла,+ анткени мен, Жахаба, өзүнө толук берилгендикти талап кылганы менен белгилүү Кудаймын. Ооба, мен өзүнө толук берилгендикти талап кылган Кудаймын.+
15 Сак болгула, ал жердин тургундары менен келишим түзбөгүлө. Себеби алар өздөрүнүн кудайларына сыйынып*, аларга курмандыктарды чалышат.+ Ошондо кимдир бирөө силерди чакырып, силер да анын курмандыгынан жеп аласыңар.+
16 Анан алардын кыздарын уулдарыңарга алып бере баштайсыңар.+ Кыздары болсо өздөрүнүн кудайларына сыйынып*, уулдарыңарды да ошого азгырышат.+
17 Куйма буркандарды жасабагыла.+
18 Калама майрамын+ белгилегиле. Силерге буйрук кылганымдай, абиб айынын+ белгиленген убагында жети күн калама жегиле, анткени Мисирден абиб айында чыккансыңар.
19 Тун уулдарыңардын баары меники,+ ошондой эле малыңардын биринчи төлүнүн бардыгы: биринчи туулган эркек музоо болобу же козу болобу,+ меники.
20 Эшегиңердин биринчи төлүн кун төлөп сатып алгыла, кунуна кой бергиле. Эгер андай кыла албасаңар, мойнун сындыра чапкыла. Ар бир тун уулуңарды да кун төлөп сатып алгыла.+ Эч ким менин алдыма куру кол келбесин.
21 Алты күн иштеп, жетинчи күнү эс алгыла.+ Атүгүл жер айдаган, түшүм жыйнаган убакта да жетинчи күнү эс алгыла.
22 Буудайыңардын биринчи түшүмүн жыйнаганда Жумалар майрамын*, ал эми жылдын аягында Акыркы түшүм майрамын* өткөргүлө.+
23 Эркектериңердин баары жылына үч жолу чыныгы Теңирдин, Ысрайылдын Кудайы Жахабанын, алдына келсин.+
24 Мен силердин алдыңарга түшүп, элдерди кууп чыгып,+ жериңерди кеңейтем. Жылына үч жолу Жахаба Кудайыңардын алдына барганыңарда, эч ким жериңерди тартып алганга аракет кылбайт.
25 Мага арнап алып келген курмандыктын канын ачыткы кошулган нерсе менен кошо тартуу кылбагыла.+ Куткарылуу майрамында чалынган курмандык эртең мененкиге калбасын.+
26 Жериңерден алган биринчи түшүмүңөрдүн эң жакшысын Жахаба Кудайыңардын үйүнө алып келгиле.+
Улакты энесинин сүтүнө бышырбагыла».+
27 Жахаба Мусага: «Бул сөздөрдү жазып ал,+ анткени сени менен жана ысрайыл эли менен ушул сөздөрдүн негизинде келишим түзүп жатам»,— деди.+
28 Муса нан да жебей, суу да ичпей,+ Жахаба менен 40 күн, 40 түн болду. Ал* таш лоокторго келишимдин сөздөрүн, Он осуятты*, жазды.+
29 Синай тоосунан түшкөндө Мусанын колунда келишим жазылган эки таш лоок бар эле.+ Ал Кудай менен сүйлөшкөндөн кийин жүзүнөн нур чачырап турганын билген жок.
30 Арун менен ысрайылдыктардын баары Мусанын жүзүнөн нур чачырап турганын көрүп, ага жакын баргандан коркушту.+
31 Бирок Муса аларды чакырганда, Арун менен бардык жамаат башчылары жанына келишти. Ошондо Муса алар менен сүйлөштү.
32 Андан кийин ага бүт ысрайыл эли келди. Муса аларга Жахабанын Синай тоосунда берген буйруктарынын баарын айтты.+
33 Алар менен сүйлөшкөндөн кийин Муса жүзүн жабуу менен жаап алчу.+
34 Ал эми Жахаба менен сүйлөшкөнү жолугушуу чатырына киргенде жабууну алып таштап, кайра чыкканга чейин жүзүн жапчу эмес.+ Кайра сыртка чыкканда Кудай берген буйруктардын баарын ысрайыл элине айтып берчү.+
35 Ысрайылдыктар Мусанын жүзүнөн нур чачырап турганын көрүшчү. Муса кайра жүзүн жаап алчу да, Кудай менен сүйлөшкөнү киргенге чейин жүзүндөгү жабууну алчу эмес.+
Шилтемелер
^ Сөзмө-сөз: «ачууланганга шашпаган».
^ Же: «туруктуу сүйүүсү».
^ Же: «туруктуу сүйүүсүнө».
^ Же: «сойкулардай болуп кудайлары менен ыпылас иш кылып». Бул алардын өздөрүнүн кудайларына сыйынып, каймана мааниде сойкулук кылганын билдирет.
^ Же: «сойкулардай болуп, кудайлары менен ыпылас иш кылып».
^ Алачык майрамы деп да белгилүү.
^ Сыягы, Жахаба. 1-аятты кара.
^ Сөзмө-сөз: «Он сөздү».
