Шемуелдин 1-китеби 2:1—36
2 Анан Анна мындай деп тиленди:
«Жахабаны ойлоп жүрөгүм кубанат,+Жахаба мага күч-кубат* берди.
Мени куткарганыңа кубанып,Душмандарыма тайманбай сүйлөйм.
2 Жахабадай ыйык эч ким жок,Сендей эч ким жок,+Кудайыбыз, сен гана аскадай бекемсиң.+
3 Мындан ары менменсине,Ооз көптүрө сүйлөбөгүлө.
Анткени Жахаба — баарын билген Кудай,+Ал бардык ишти туура таразалайт.
4 Кубаттуулардын жаасы сынды,Алсыздар болсо күчкө толду.+
5 Курсагы токтор нан үчүн жалданып иштегенге аргасыз болушат,Ачкалар болсо тоюнушат.+
Төрөбөс аял жетини төрөдү,+Уулу көп аял болсо жалгыз калды.
6 Жахаба өлтүрө да алат, сактай да алат*,Көргө* түшүрө да алат, тирилте да алат.+
7 Жахаба жакырданта да алат, байыта да алат,+Басынта да алат, көтөрө да алат.+
8 Бей-бечараны топурактан тургузат,Жакырды үйүлгөн күлдөн* көтөрөт.+
Аларды төрөлөр менен отургузуп,Сыйлуу орун берет.
Жердин пайдубалы Жахабанын колунда,+Ал Жерди анын үстүнө орноткон.
9 Ал өзүнө берилгендерди коргоп-сактайт,+Ыймансыздар болсо караңгылыкта жок болушат,+Анткени адам өз күчү менен жеңишке жете албайт.+
10 Жахаба өзүнө каршы чыккандарды талкалайт*,+Аларга каарын төгүп, асмандан күн күркүрөтөт.+
Жахаба бүт жер жүзүн соттойт,+Падышасын күчтүү кылат.+
Өзү дайындаган* башчынын кубатын арттырат*».+
11 Андан кийин Элкана Рамага, үйүнө кетти. Баласы болсо дин кызматчы Эйлинин жанында Жахабага кызмат кылып калды.+
12 Эйлинин уулдары ыймансыз адамдар эле.+ Алар Жахабаны урматташчу эмес.
13 Алар эл алып келген курмандыктардын дин кызматчыларга тиешелүү бөлүгүн мындай кылышчу:+ курмандык чалынган сайын, эт кайнап жатканда, дин кызматчынын жардамчысы үч илик айры алып келип,
14 эт кайнап жаткан идиштин кайсынысына болбосун салчу. Анан айрыга эмне илинсе, ошону дин кызматчы өзүнө алып алчу. Алар Шилого келген бардык ысрайылдыктардын курмандыктарын ушундай кылышчу.
15 Андан сырткары, курмандыктын майы өрттөлгөнгө чейин,+ дин кызматчынын жардамчысы курмандык алып келген кишиге: «Дин кызматчыга куурдак кылганга эт бер. Ал бышкан этти албайт, чийкисин бер»,— дечү.
16 Эгер тиги киши: «Адегенде майы өрттөлсүн,+ анан каалаганыңды ала бер»,— десе, дин кызматчынын жардамчысы: «Жок, азыр бер. Бербесең, тартып алам»,— дечү.
17 Жахабанын алдында ал жардамчылардын күнөөсү аябай чоң эле.+ Анткени алар* Жахабага арналган курмандыктарды ыйык нерсе катары эсептешчү эмес.
18 Шемуел кичинекей болсо да, зыгыр буласынан токулган эфод*+ кийип, Жахабага кызмат кылып жүрдү.+
19 Ата-энеси жыл сайын курмандык чалганы келгенде,+ энеси ага жеңи жок узун көйнөк тигип келип берчү.
20 Бир жолкусунда Эйли Элкана менен аялына батасын берип, Элканага: «Жахабага берген балаңдын ордуна Жахаба силерге дагы бала берсин»,— деди.+ Анан алар үйүнө кетишти.
21 Жахаба Аннага назарын салгандыктан, ал дагы 3 уул, 2 кыз төрөдү.+ Ал ортодо жаш Шемуел Жахабанын көз алдында чоңоюп жатты.+
22 Эйли аябай эле карып калган эле. Ал уулдарынын ысрайылдыктарга кандай мамиле кылып жатканын,+ жолугушуу чатырынын кире беришинде кызмат кылган аялдар менен жатып жүргөнүн укчу.+
23 Ал далай жолу уулдарына: «Эмнеге мындай кылып жатасыңар? Силер жөнүндө элдин баарынан жаман сөздөрдү угуп жатам.
24 Мындай кылганыңар жарабайт, балдарым. Жахабанын элинин арасында силер жөнүндө жаман сөздөр айтылып жатат.
25 Эгер адам адамга каршы күнөө кылса, ал үчүн бирөө Жахабадан сурана алат*. Ал эми Жахабага каршы күнөө кылса,+ ал үчүн ким тиленет?» — деп айткан. Бирок алар атасынын айткандарын тоготчу эмес, анткени Жахаба аларды өлүм жазасына тартууну чечип койгон болчу.+
26 Ал ортодо жаш Шемуел чоңоюп-өсүп, барган сайын Жахабага да, адамдарга да жага берди.+
27 Бир күнү Эйлиге Кудайдын кишиси келип, мындай деди: «Жахаба мындай дейт: „Ата-бабаң үй-бүлөсү менен Мисирде* фараонго кул болуп жүргөндө, ага өзүмдүн ким экенимди ачып берген эмес белем?+
28 Менин дин кызматчым болуп, курмандык жайымда курмандык өрттөшү үчүн,+ жыпарзат түтөтүшү* үчүн, эфод кийип мага кызмат кылышы үчүн, аны Ысрайылдын бүт урууларынын арасынан тандап алгам.+ Ысрайыл эли алып келген өрттөлчү тартуулардын баарын ата-бабаң менен анын урпактарына бергем.+
29 Эмнеге менин үйүмө алып келгиле деп буйрук кылган курмандык менен тартууну ыйык көрбөй жатасыңар?+ Эмнеге уулдарыңды менден артык көрөсүң? Эмнеге ысрайыл элим алып келген тартуулардын эң жакшы жерин өзүңөр жеп, семирип жатасыңар?+
30 Мына ошондуктан Ысрайылдын Кудайы Жахаба: “Мен сенин да, ата-бабаңдын да тукуму мага түбөлүккө кызмат кыларын айткан болчумун”,— дейт.+ Эми болсо Жахаба: “Мындан ары мындай болбойт! Мени урматтагандарды урматтайм,+ ал эми мени урматтабагандар басынтылат”,— деп жатат.
31 Мына, мен сени да, ата-бабаңдын тукумун да алсырата турган күндөр келатат, тукумдарыңдын бири да узак жашабайт.+
32 Ысрайылдыктар жыргап-куунап жашап жатканда, сен менин үйүмдөн душманды* көрөсүң.+ Урпактарыңдын арасында эч ким узак жашап, карылыкты көрбөйт.
33 Бирок алардын арасынан курмандык жайымда кызмат кылганга киши калтырам. Ошол кишинин айынан көзүң көрбөй калат, азап чегесиң*. Тукумдарыңдын көбү кылычтан өлөт.+
34 Эки уулуң Копни менен Пинехас бир күндө өлөт,+ бул сага айткандарым чын экенин көрсөткөн белги болот.
35 Анан мен өзүмө ишенимдүү дин кызматчы дайындайм.+ Ал мен каалагандын баарын аткарат. Анын урпактарын түбөлүккө дин кызматчы кылам. Ал мен тандаган падышанын алдында дайыма дин кызматчы болуп кызмат кылат.
36 Ошондо урпактарыңдын тирүү калганы барып, ага таазим кылып: “Бир кесим нан таап жеш үчүн, мага дин кызматчылар аткара турган бир жумуш берчи”,— деп жумуш сурайт, нан сурайт“».+
Шилтемелер
^ Же: «кайра жашата да алат».
^ Же балким: «үйүлгөн таштандыдан».
^ Же балким: «Жахабага каршы чыккандардын үрөйү учат».
^ Сөзмө-сөз: «Майланганынын мүйүзүн көтөрөт».
^ Сыягы, бул Эйлинин дин кызматчы болгон эки уулун же алар менен жардамчыларын билдирет.
^ Сыягы, кишинин алдын, артын жапкан, алжапкычка окшогон кийим.
^ Же балким: «Кудай арачы болот».
^ Египетте.
^ Же балким: «курмандык түтүнүн түтөтүшү».
^ Бул алдыда туш боло турган каргашаларды да билдириши мүмкүн.
^ Же: «жаның кыйналат».
