Шемуелдин 1-китеби 7:1—17
7 Кириат-Жеаримдин тургундары келип, Жахабанын келишим сандыгын алып кетишти. Алар аны адырда жашаган Абынадаптын үйүнө+ алып барышты да, анын уулу Элазарды Жахабанын келишим сандыгын кайтарганга дайындашты*.
2 Келишим сандыгы Кириат-Жеаримге алынып келгенден көп убакыт, 20 жыл, өткөндөн кийин, бүт ысрайыл эли Жахабага жардам сурап* кайрыла баштады.+
3 Шемуел аларга: «Эгер Жахабага чындап кайтып келгиңер келип жатса,+ анда араңардан бөтөн жерликтердин кудайларын, Астартанын сөлөкөттөрүн+ жоготкула да,+ бүт жүрөгүңөр менен Жахабага гана кызмат кылгыла,+ ошондо ал силерди пелиштиликтердин колунан куткарат»,— деди.+
4 Ысрайылдыктар Баал менен Астартанын сөлөкөттөрүн жок кылып, Жахабага гана кызмат кыла башташты.+
5 Андан кийин Шемуел: «Бүт ысрайыл элин Миспага+ чогулткула, мен силер үчүн Жахабадан тиленейин»,— деди.+
6 Алар Миспага чогулушту да, суу сузуп, Жахабанын алдына төгүп*: «Биз Жахабанын алдында күнөөгө баттык» — деп,+ ошол күнү орозо тутушту.+ Шемуел Миспада ысрайылдыктарга сот+ жүргүзө баштады.
7 Пелиштиликтер+ ысрайылдыктардын Миспага чогулганын угушту. Ошондо алардын башкаруучулары Ысрайыл менен согушканы чыгышты. Бул тууралуу укканда ысрайылдыктар коркуп кетип,
8 Шемуелге: «Жахаба Кудайыбыздан жардам сураганыңды токтото көрбө,+ бизди пелиштиликтердин колунан куткарсын»,— дешти.
9 Ошондо Шемуел отуга элек козуну Жахабага арнап бүтүндөй өрттөлчү курмандыкка+ чалды да, Жахабадан ысрайыл элине жардам беришин суранды. Жахаба анын тилегин кабыл кылды.+
10 Шемуел бүтүндөй өрттөлчү курмандыкты чалып жатканда, пелиштиликтер ысрайылдыктарга кол салыш үчүн жакын келишти. Бирок Жахаба ошол күнү катуу күн күркүрөтүп,+ аларды дүрбөлөңгө түшүрдү.+ Ошентип, алар ысрайылдыктардан жеңилип калышты.+
11 Ысрайылдыктар пелиштиликтерди Миспадан Бет-Кардын түштүгүнө чейин кууп барышты. Аларды жолду карай кырып барышты.
12 Андан кийин Шемуел бир таш+ алып, Миспа менен Жешандын ортосуна койду да: «Жахаба бизге мурункудай эле жардам берип жатат»+ — деп, аны Эбенезер* деп атады.
13 Ошентип, пелиштиликтер ысрайылдыктарга багынып беришти. Ошондон кийин алар ысрайылдыктардын жерине кол салбай калышты.+ Шемуелдин өмүрү өткөнчө, Жахаба пелиштиликтерге каршы болуп турду.+
14 Ысрайылдыктар мурун пелиштиликтер тартып алган жерлерди, Экрондон Гатка чейинки шаарлар менен алардын тегерегиндеги жерлерди, кайтарып алышты.
Ошондой эле ысрайыл эли менен аморлуктардын ортосунда да тынчтык болду.+
15 Шемуел өмүрү өткөнчө Ысрайылда бий болду.+
16 Ал жыл сайын Бейтелди,+ Гилгалды,+ Миспаны+ кыдырып, ал жактарда жашаган ысрайылдыктарга сот жүргүзчү.
17 Андан кийин үйүнө, Рамага+ кайтып барып, ал жактагы ысрайылдыктарга да сот жүргүзчү. Шемуел ал жерде Жахабага арнап курмандык жайын курду.+
Шилтемелер
^ Сөзмө-сөз: «кайтарышы үчүн ыйыкташты».
^ Же: «ыйлап».
^ Сыягы, бул өкүнүп жатканын көрсөткөн жөрөлгө болгон.
^ Мааниси: «жардам ташы». Шемуелдин 1-китеби 4:1 менен 5:1деги «Эбенезер» эмес.
