Шемуелдин 2-китеби 22:1—51
22 Дөөтүнүн Жахаба аны бардык душмандарынан+ жана Шабулдан куткарган күнү+ Жахабаны даңктап ырдаган ыры.+
2 Ал мындай деп ырдады:
«Жахаба — менин аскам,+ чебим, Куткаруучум.+
3 Кудайым — баш калкалаар зоом,+Калканым,+ кубаттуу Куткаруучум*, коопсуз жайым.+
Качып барар баш паанам,+ сактап-коргоочум.+ Ал мени зордук-зомбулуктан куткарып келет.
4 Жахаба даңкталууга татыктуу. Мен аны чакырып,Душмандарымдан куткарылам.
5 Мени өлүм толкундары курчады,+Кара өзгөйлөрдүн суудай ташкындаганы үрөйүмдү учурду.+
6 Мени көрдүн* аркандары чырмады,+Өлүм мага торун жайды.+
7 Кыйналганда Жахабаны жардамга чакырдым,+Кудайымды чакырып жаттым.
Ал ибадатканасынан үнүмдү укту,Жардам сурап зарлаганым кулагына жетти.+
8 Ошондо жер силкинди, термелди.+
Асман пайдубалдары солкулдап,+Анын каарынан улам титиреди.+
9 Таноолорунан түтүн,Оозунан баарын жалмай турган от чыкты,+Өзүнөн болсо чок чачырап жатты.
10 Ал асманды эңкейтип, ылдый түштү,+Бут астында коюу караңгылык жатты.+
11 Ал керуптун үстүнө отуруп,+ учуп келди,Периштенин* канаттарынын үстүнөн көрүндү.+
12 Айланасын чатырдай кылып караңгылык менен,+Жамгырлуу кара булуттар менен курчады.
13 Алдынан чачыраган жарыктан чоктор жанып күйдү.
14 Жахаба асмандан күн күркүрөттү,+Эң Жогорку Кудай үн салды.+
15 Ал жебелерин атып,+ душмандарымды чачыратты,Чагылган түшүрүп, аларга дүрбөлөң салды.+
16 Жахабанын ашкерелегенинен,Таноолорунан чыккан демдин илебинен+Деңиздин түбү көрүндү,+Жердин пайдубалы ачылды.
17 Ал жогорудан колун сунуп,Мени терең суудан тартып алды.+
18 Күчтүү душманымдын колунан,+Мени жек көргөн, менден кубаттуу кишилерден куткарды.
19 Башыма мүшкүл түшкөн күнү алар мага каршы чыгышты,+Бирок Жахаба мага жөлөк болду.
20 Мени коопсуз жерге* алып чыкты,+Мага ыраазы болгондуктан куткарды.+
21 Жахаба адилдигиме жараша сыйлык берет,+Колумдун тазалыгына жараша тиешемди берет.+
22 Анткени мен дайыма Жахабанын жолунда жүрөм,Кудайымды таштап, ыймансыздык кылган эмесмин.
23 Анын бүт осуяттары+ дайыма эсимде;Көрсөтмөлөрүнөн четтебейм.+
24 Анын алдында кынтыксыз бойдон калам,+Күнөөдөн алыс болом.+
25 Жахаба анын алдында адил иш кылганыма,+Таза жүргөнүмө жараша тиешемди берсин.+
26 Сен өзүңө берилгенге берилгендик көрсөтөсүң,+Кынтыксыз кишиге* кынтыксыз мамиле кыласың.+
27 Тазага таза мамиле кыласың,+Митаамга алданбайсың*.+
28 Момундарды куткарасың,+Бой көтөргөндөрдү болсо жактырбай, басынтасың.+
29 Жахаба, сен менин чырагымсың.+
Жахаба мени каптап турган караңгылыкты жарык кылат.+
30 Сенин жардамың менен талап-тоноочуларга чабуул коём,Кудайымдын жардамы менен дубалдан ашып өтөм.+
31 Чыныгы Кудайдын бардык иштери* жеткилең,+Жахабанын сөзү таза.+
Ал — ага таянгандар үчүн калкан.+
32 Жахабадан башка Кудай барбы?+
Биздин Кудайдан башка аска-зоо барбы?+
33 Чыныгы Кудай — бекем чебим,+Ал жолумду түздөйт.+
34 Буттарымды маралдыкындай тез чуркай турган кылат,Мени тик жерлерде бекем тургудай кылат.+
35 Колумду салгылашканга машыктырат,Ошондо колум жез жааны ие тартат.
36 Сен мени куткарыш үчүн калканыңды бересиң,Сенин момундугуң зоболомду көтөрөт.+
37 Кадам таштаган жолумду кеңейтесиң,Ошон үчүн бутум тайып кетпейт.+
38 Душмандарымдын артынан сая түшүп, аларды жок кылам,Таш-талканын чыгармайынча артка кайтпайм.
39 Аларды кайра тургус кылып талкалайм, жок кылам,+Алар бут алдыма жыгылышат.
40 Сен мага салгылашканга күч бересиң,+Душмандарымды бут алдыма жыгасың.+
41 Аларды менден кача тургандай кыласың,+Мен өзүмдү жек көргөндөрдү талкалайм.+
42 Алар жардам сурап кыйкырып жатышат, бирок аларды куткарар эч ким жок,Атүгүл Жахабага жалбарып жатышат, бирок ал жооп бербей жатат.+
43 Мен аларды топурактай кылып майдалайм,Көчөдөгү баткактай кылып тебелеп-тепсейм.
44 Сен мени элим койгон айыптардан арылтасың,+Элдердин башчысы болушум үчүн мени сактайсың.+
Өзүм тааныбаган эл мага кызмат кылат.+
45 Бөтөн жерликтер келип, мага жагалданып таазим кылышат,+Мен жөнүндө уккандыктан мага баш ийишет.
46 Бөтөн жерликтердин кайраты качат*,Титиреп, сепилдеринен чыгышат.
47 Жахаба — тирүү Кудай! Менин Аскам даңкталсын!+
Менин Кудайым, мени куткарган аскам, даңазалансын!+
48 Менин өчүмдү алган,+Мага элдерди багынткан — чыныгы Кудай.+
49 Ал мени душмандарымдан куткарат.
Сен мени кол салгандар жете албагыдай кылып жогору коёсуң.+
Мыкаачы кишиден куткарасың.+
50 Ошондуктан, оо, Жахаба, сага элдердин арасында ыраазычылык билдирем,+Ысмыңды даңазалап ырдайм*:+
51 Ал улуу иштерди жасап, өзү дайындаган падышаны куткарды*,+Өзү тандаган Дөөтүнү жана анын тукумунТүбөлүккө сүйүүсүнө бөлөйт».+
Шилтемелер
^ Же: «Шамалдын».
^ Же: «кенен жерге».
^ Сөзмө-сөз: «күчтүү кишиге».
^ Же балким: «Митаамга акылсыздай иш кыласың». Башкача айтканда, анын кылган иши митаамдарга акылсыздыктай көрүнөт.
^ Сөзмө-сөз: «жолу».
^ Же: «соолуп калышат».
^ Же: «күү чертем».
^ Же: «улуу жеңиштерге жеткирди».
