Ышая 1:1—31
1 Амостун уулу Ышаянын*+ Жүйүт падышалары Узия,+ Жотам,+ Ахаз+ жана Хискиянын+ күндөрүндө Жүйүт менен Иерусалим тууралуу алган аяны.+
2 Оо, асман, ук! Оо, жер, көңүл бур!+
Анткени Жахаба*:
«Мен уулдарды тарбиялап өстүрдүм,+Алар болсо мага каршы чыгышты.+
3 Бука да ээсин билет,Эшек да кожоюну жем-чөп салган акырын билет;Ысрайыл эли болсо мени* билбейт,+Элим түшүнүп иш кылбайт»,— дейт.
4 Күнөөкөр элдин,+Кылмышы оор калктын,Кыянатчылдардын тукумунун,Бузулган балдардын башына каран түн түшөт!
Алар Жахабаны таштап кетишти;+Ысрайылдын Ыйыгын урматташкан жок;Андан тескери бурулуп кетишти.
5 Кайра-кайра козголоң чыгаргандар, дагы кайсы жериңерге урайын?+
Бети-башыңардын тамтыгы жок,Жүрөгүңөрдү дарт жеп жатат.+
6 Бутуңардан башыңарга чейин соо жериңер жок.
Жарааттарыңар, көк-ала болгон жерлериңер,Жаңы чыккан жараларыңар тазаланган эмес, таңылган эмес,Май сыйпалып, жумшартылган да эмес.+
7 Жериңер ээн калды,Шаарларыңар өрттөлдү.
Жериңердин түшүмүн бөтөн жерликтер көзүңөрчө жеп жатат;+Баары душман кыргын салып кеткендегидей аңгырап бош калды.+
8 Сион кызы* жүзүмзардагы алачыктай,Бадыраң өскөн талаадагы кепедей,Курчоого алынган шаардай ташталды.+
9 Эгер асман аскерлеринин Кудайы Жахаба анча-мынчабызды аман калтырбаса,Содомдой болуп калмакпыз,Аморго окшоп калмакпыз.+
10 Содомдун зулум башкаруучулары, Жахабанын сөзүн уккула.+
Амордун эли, Кудайыбыздын мыйзамына* көңүл бургула.+
11 Жахаба мындай дейт: «Көп сандаган курмандыктарыңардан мага эмне пайда?+
Бүтүндөй өрттөлчү курмандыкка чалган кочкорлоруңарга,+ бордолгон малдын майына тойдум,+Букачарлардын да,+ козулардын да, текелердин да+ канын+ каалабайм.
12 Силерден алдыма келип,+Короолорумду тебелешиңерди ким талап кылды?+
13 Дан азыктарынан эч нерсеге жарабаган тартуу алып келгениңерди токтоткула.
Түтөткөн жыпарзатыңар да мен үчүн жийиркеничтүү.+
Силер айдын жаңырганын,+ дем алыш күндү*+ белгилейсиңер, элди жыйынга чогултасыңар,+Салтанаттуу жыйын өткөрөсүңөр, ошол эле учурда сыйкырдуу күчтү+ колдоносуңар; мен буга чыдап тура албайм.
14 Айдын жаңырганын белгилегениңерди, майрамдарыңарды жек көрөм.
Алар мен үчүн жүк болуп калды;Аларды көтөрүп жүрүп чарчадым.
15 Менден тилениш үчүн алакан жайганыңарда,Силерден жүзүмдү бурам.+
Көп тиленсеңер да,+ укпайм;+Себеби колуңар канга толгон.+
16 Жуунгула, тазалангыла,+Ыймансыз иштериңерди көз алдыман жок кылгыла,Жаман иш кылганыңарды токтоткула.+
17 Жакшылык кылганды үйрөнгүлө, адилеттүү иш кылгыла,+Эзүүчүнү оңдоп-түзөгүлө,Жетимдин укуктарын коргогула,Жесирге болушкула*».+
18 Жахаба мындай дейт: «Келгиле, ортобуздагы мамилени оңдойлу.+
Күнөөлөрүңөр ачык кызыл болсо,Кардай агартылат;+Кочкул кызыл кездемедей болсо,Жүндөй агарат.
19 Эгер жан-дилиңер менен тил алсаңар,Жердин эң жакшы түшүмүнөн жейсиңер.+
20 Эгер тил албай, козголоңчул болсоңор,Кылычтан кырыласыңар,+Анткени муну мен, Жахаба, айттым».
21 Бир кезде Кудайга берилген шаар+ сойкуга айланды!+
Мурун анда акыйкаттык өкүм сүрчү;+Анда адилеттик жашачу,+Азыр болсо киши өлтүргүчтөр жашап калды.+
22 Оо, шаар, сенин күмүшүң ширендиге* айланды,+Сыраңа* суу кошулду.
23 Төрөлөрүң кежир, ууруларга шерик.+
Алардын баары параны жакшы көрөт, белек алганга жутунат.+
Жетимге адилеттик кылышпайт,Жесирдин ишин такыр карашпайт.+
24 Ошондуктан чыныгы Теңир, асман аскерлеринин Кудайы Жахаба,Ысрайылдын Кудуреттүү Кудайы мындай дейт:
«Жетишет! Эми мен душмандарыман арылам,Алардан өч алам.+
25 Сени жазалайм,Шакар менен тазалагандай, эритип ширендиңди бөлүп алам,Сени бүт керексиз заттардан арылтам.+
26 Сага мурдагыдай кылып сотторду,Баштагыдай кылып кеңешчилерди коём.+
Ошондон кийин сени Адилдик шаары, Кудайга ишенимдүү калаа деп аташат.+
27 Сион адилеттик менен,Анын кайтып келген эли адилдик менен куткарылат*.+
28 Ал эми козголоңчулар менен күнөөкөрлөр чогуу кырылат,+Жахабаны таштап кеткендер өлүп жок болот.+
29 Силер өзүңөр эңсеген бакыйган дарактардын түбүндө буркандарга сыйынганыңар үчүн уят болосуңар,+Өзүңөр тандап алган бакчаларыңар* үчүн маскара болосуңар.+
30 Анткени жалбырактары соолуп бараткан чоң дарактай,+Суусу жок бакчадай болуп каласыңар.
31 Күчтүү киши зыгырдын бир талындай*,Анын эмгегинин жемиши болсо учкундай болот.
Экөө бирдей дүрт деп тутанат,Өчүргөн эч ким болбойт».
Шилтемелер
^ Мааниси: «Жахабанын куткаруусу».
^ Же: «кожоюнун».
^ Бул поэтикалык сөз айкашы Сион тоосунда жайгашкан Иерусалим шаарын же анын тургундарын билдириши мүмкүн.
^ Же: «осуятына».
^ Же: «сот ишинде болушкула».
^ Бул жердеги еврей сөзү күмүштү же алтынды эриткенде чыккан калдыкты билдирет.
^ Же: «Буудай сыраңа».
^ Же: «кун төлөп сатылып алынат».
^ Сыягы, буркандарга сыйынуу менен байланышы бар бакчалар жөнүндө сөз жүрүп жатат.
^ Зыгырдын тез күйгөн буласындай.
