Ышая 11:1—16
11 Жышайдын урпактары дүмүр сыяктуу,Ал дүмүрдөн бутак+ өсүп чыгат,+Тамырынан чыккан чырпык+ мөмө берет.
2 Ага Жахабанын ыйык руху* түшөт,+Ошон үчүн анын акылы,+ түшүнүгү терең болот,Ал мыкты кеңешчи болот, күчтүү болот,+Билими мол болот, Жахабадан коркот.
3 Ал Жахабадан корккондон рахат алат.+
Көзүнүн көргөнү боюнча эле соттобойт,Кулагынын укканы боюнча эле ашкерелебейт.+
4 Бей-бечараларды калыстык* менен соттойт,Жер жүзүндөгү мүнөзү жумшактарга болушуп, башкаларды акыйкаттык менен ашкерелейт.
Таяк менен ургандай, жерди оозунан чыккан сөздөр менен урат,+Ыймансыздарды сөзү* менен өлтүрөт.+
5 Ал адилдикти белине курчанат,Берилгендик белине кур болот.+
6 Карышкыр козунун жанында жашайт,+Кабылан улак менен чогуу жатат,Музоо, арстан*, семиз мал — баары бирге болот*;+Аларды кичинекей бала ээрчитип жүрөт.
7 Уй аюу менен бирге оттойт,Алардын балдары чогуу жатат.
Арстан да букадай болуп саман жейт.+
8 Эмчектеги бала чекир жыландын* ийининин үстүндө ойнойт,Эмчектен чыккан бала уулуу жыландын ийинине колун салат.
9 Бүт ыйык тоомдо алар эч кандай зыян келтиришпейт,+Залакасын тийгизишпейт.+
Анткени деңиз сууга толгондой,Жер Жахаба жөнүндөгү билимге толот.+
10 Ошол күнү Жышайдын урпактарынан чыккан бирөө*+ элдер көрө тургандай белги* болот.+
Элдер ага жол көрсөтүшүн сурап кайрылышат*,+Анын турак жайы даңкка бөлөнөт.
11 Ошол күнү Жахаба элинин аман калгандарын Ашурдан,+ Мисирден,+ Патростон,+ Куштан,+ Эйламдан,+ Шынардан*, Хаматтан жана деңиз аралдарынан чогултуш үчүн кайрадан, экинчи ирет күчүн көрсөтөт*.+
12 Ал элдер көрө тургандай белги орнотуп, Ысрайылдын туш-тушка чачыраган элин чогултат,+ Жүйүттүн чачырап кеткен элин төгөрөктүн төрт бурчунан жыйнайт.+
13 Эпрайымдын көрө албастыгы жок болот,+Жүйүткө кас болгондор кырылат.
Эпрайым Жүйүткө көрө албастык кылбайт,Жүйүт болсо Эпрайымды кас санабайт.+
14 Алар батыштагы пелиштиликтердин адырларын көздөй шукшурулат,Чыгыштагы элдерди биргелешип талап-тоношот.
Эдом+ менен Маапка+ кол салышат*,Амондун урпактарын баш ийдиришет.+
15 Жахаба Мисир деңизинин булуңун экиге бөлөт*,+Эфрат дарыясына+ муштумун көрсөтөт.
Алоолонгон деми менен анын жети агымына сокку уруп*,Элди андан сандалчан өткөрөт.
16 Ысрайыл элине Мисир жеринен чыккан күнү чоң жол салынгандай,+Элинин аман калгандарына Ашурдан бери чоң жол салынат.+
Шилтемелер
^ Б. а. Кудайдын ыйык күчү.
^ Же: «адилеттик».
^ Сөзмө-сөз: «эриндеринин деми».
^ Же балким: «Музоо менен арстан чогуу оттойт».
^ Же: «жалы бар жаш арстан».
^ Кобра.
^ Же: «Элдер аны издешет».
^ Же: «белги катары орнотулган мамы».
^ Сөзмө-сөз: «Жышайдын тамыры».
^ Б. а. Бабылдан (Вавилон).
^ Сөзмө-сөз: «колун сунат».
^ Же: «бийлигин жайылтат».
^ Же балким: «какшытат».
^ Же балким: «аны жети агымга бөлүп».
