Ышая 26:1—21
26 Ошол шаар кулаган күнү Жүйүт жеринде минтип ырдашат:+
«Биздин шаарыбыз бекем.+
Кудайдын* куткаруусу шаардын дубалындай, коргон дөбөлөрүндөй.+
2 Дарбазаларды ачкыла,+ адил эл кирсин,Берилгендигин сактаган эл кирсин.
3 Кудай, сен өзүңө толук таянгандарды* сактайсың;Аларга ар убак тынчтык бересиң,+Анткени алардын таянганы бир өзүңсүң.+
4 Жахабага түбөлүккө таянгыла,+Анткени Жах, Жахаба — түбөлүк Аска.+
5 Ал бийиктикте жашагандарды, бийик жердеги шаарды басынтты.
Аны кулатып,Жер менен жексен кылат;Топуракка таштайт.
6 Ал бут алдында калат,Аны эзилгендердин буту, бей-бечаралардын таманы тебелейт».
7 Адил адамдын жолу түз*.
Кудай, сен адилсиң,Ошон үчүн адил адамдын жолун түздөйсүң.
8 Оо, Жахаба, биз адилет жолуңда жүрүп,Сага үмүт артабыз.
Ысмыңды жогору баалайбыз, анын эсте калышын* самайбыз.
9 Түнкүсүн бүт жүрөгүм менен сени эңсейм,Жан-дилим менен сени издейм,+Анткени сен жер жүзүн соттогондо,Жер тургундары адил болгонду* үйрөнөт.+
10 Ыймансызга атүгүл ырайым кылынса да,Адил болгонду үйрөнбөйт.+
Атүгүл адилдер* жашаган жерде да адилетсиздик кылат,+Ал Жахабанын улуулугун көрбөйт.+
11 Оо, Жахаба, колуң бийик көтөрүлүп турса да, ыймансыздар көрбөй жатышат.+
Бирок алар элиңе болгон күчтүү сүйүүңдү* көрүп, уятка калышат.
Аларды душмандарың үчүн камдалган от жалмайт.
12 Оо, Жахаба, сен бизге тынчтык бересиң,+Анткени биз эмнелерди ишке ашырсак,Ошонун баарын биз үчүн өзүң ишке ашырдың.
13 Оо, Жахаба Кудайыбыз, бизди сенден башка мырзалар башкарып келди.+
Бирок биз сенин ысмыңды гана даңктайбыз.+
14 Алар өлдү; эми жашабайт.
Алар күчсүз, ордунан турушпайт.+
Анткени жок кылыш үчүн, атын биротоло өчүрүш үчүнСен аларды жазалагансың.
15 Оо, Жахаба, сен элиңди көбөйттүң,Элиңдин санын көбөйттүң,Өзүңдү даңазаладың.+
Бул жердин бардык чектерин аябай кеңейттиң.+
16 Оо, Жахаба, кыйын кезеңде алар жардам сурап сага кайрылышкан;Аларды жазалаганыңда, жүрөгүндөгүсүн төгүп, шыбырап тиленишкен.+
17 Оо, Жахаба, сен бизди төрөтү жакындаганда толгоо тартып,Кыйналганынан кыйкырганКош бойлуу аялдай кылдың.
18 Биз кош бойлуу болуп, толгоо тартып кыйналдык,Бирок шамал төрөгөндөй эле болдук.
Бул жерге куткарылуу алып келген жокпуз.
Бул жерде жашай турган эч кимди төрөгөн жокпуз.
19 Кудай мындай дейт: «Өлгөн адамдарың кайра жашайт.
Элимдин өлүктөрү* ордунан турат.+
Топуракта жаткандар,+Ойгонгула, шаттангыла!
Анткени сага түшкөн шүүдүрүм таңкы шүүдүрүмдөй*.
Жер өлгөндөрдү кайтарып берет, алар тирилет*.
20 Бар, элим, ички бөлмөлөрүңө кирип,Артыңан эшикти жаап ал.+
Каарым басылгыча,Бир азга жашына тур.+
21 Анткени мен, Жахаба, өз турагыман чыгып келатам.
Бул жердин тургундарын кылмыштары үчүн жоопко тартам,Ошондо жер өзүнүн үстүндө төгүлгөн канды ачыкка чыгарат,Үстүндө өлтүрүлгөндөрдү экинчи жашырбайт».
Шилтемелер
^ Же: «Анын».
^ Же балким: «оюн өзгөртө бербеген туруктуу адамдарды».
^ Же: «туура».
^ Б. а. Кудайдын жана анын ысмынын унутулбашын, белгилүү болушун билдирет.
^ Же: «адилдик жөнүндө».
^ Же: «түз жүргөндөр».
^ Же: «ынтаңды».
^ Же: «Менин өлүктөрүм».
^ Же балким: «чөпкө (топчу башка) түшкөн шүүдүрүмдөй».
^ Же: «Жер күчсүз өлүктөрдү төрөйт».
