Ышая 27:1—13
27 Жахаба жазалаш үчүн келген күнү жалаңдаган кылычы,+Чоң курч кылычы менен лебиатанды*, тез сойлогон жыланды, жазалайт,Лебиатанды, соймоңдогон жыланды, жазалайт,Деңиздеги алп жаныбарды өлтүрөт.
2 Ошол күнү ага* минтип ырдагыла:
«Көбүктөнгөн шарап берген жүзүмзар!+
3 Мен, Жахаба, аны кайтарып,+Ар дайым сугарам.+
Эч ким бүлдүрүп кетпеши үчүн,Күндүр-түндүр көз салып турам.+
4 Ага ачууланбайм.+
Согуш маалында кимдир бирөө жолумду тикенектүү бадал, отоо чөп менен тоссо,Анысын тебелеп кетем, бүт бойдон өрттөп жиберем.
5 Ошон үчүн ал менин чебиме корголосун,Мени менен тынчтык келишимин түзсүн;Мени менен тынчтык келишимин түзсүн».
6 Келечекте Жакыптын урпактары тамырлайт,Ысрайыл эли гүлдөп, бутактанат,+Жүзүмдөй болуп жер бетин жемишке толтурат.+
7 Катуу сокку урулуп, ал да жазаланышы керекпи?
Ал да өлтүрүлгөн кишилериндей өлтүрүлүшү керекпи?
8 Сен жүрөк түшүрө кыйкырып, аны менен күрөшүп, кууп жибересиң.
Чыгыш шамалы соккон күнү аны каарыңдын илеби менен айдап чыгасың.+
9 Жакыптын урпактарынын кылмышы мындайча кечирилет,+Алардын күнөөсү кечирилгенде натыйжасы мындай болот:
Курмандык жайынын бардык ташы үбөлөнгөн акиташтай болот,Ыйык мамылар* менен жыпарзат түтөткүчтөр жок кылынат.+
10 Чептүү шаар элсиз калат;Жайыттар ташталып, чөлгө окшоп ээн калат.+
Ошол жакта музоо жайылып, ошол жакта жатат,Ал жактагы бутактарды жеп салат.+
11 Бутактар куурап калганда,Аялдар келип, сындырып кетишет да,Аларды отун кылышат.
Анткени бул элдин түшүнүгү жок.+
Ошон үчүн Жаратканы аларга кайрымдуулук кылбайт,Аларды калыптаган Кудай ырайым кылбайт.+
12 Ошол күнү Жахаба Эфрат* дарыясынан Мисир жактагы өрөөнгө*+ чейин мөмө күбүйт. Ошондо силер, ысрайыл эли, бириңердин артыңардан бириңер чогултуласыңар.+
13 Ошол күнү чоң мүйүз сурнай тартылат да,+ Ашур жеринде кырылып кала жаздагандар+ менен Мисир жерине тарап кеткендер+ келип, Иерусалимдеги ыйык тоодо Жахабага таазим кылышат.+
