Ышая 30:1—33
30 Жахаба мындай дейт: «Өжөр уулдардын башына каран түн түшөт,+Алар менин эмес, өз ой-ниеттерин ишке ашырып келишет,+Менин эркиме* каршы келген келишимдерди түзүп*,Күнөөлөрүнө күнөө кошуп жатышат.
2 Алар фараондон коргонуч издеп,Мисирдин көлөкөсүнө корголош үчүн,Мени менен кеңешпей,+ Мисирге баратышат!+
3 Бирок фараондон коргонуч издегени үчүн уятка калышат,Мисирдин көлөкөсүнө коргологону үчүн басынтылышат.+
4 Анткени төрөлөр Соанга+ келишти,Элчилер Ханеске жетишти.
5 Алардын баары уятка калышат,Пайдасы тийбеген элдин айынан уят болушат,Уятка калтырып, маскара кылгандан башкаАл элден жардам да, пайда да болбойт».+
6 Түштүккө бараткан жапайы жаныбарларга чыгарылган өкүм бул:
Элчилер* байлыгын эшектерге артып,Мүлкүн төөлөрдүн өркөчтөрүнө жүктөп,Арстан, арылдаган арстан, байырлаган,Чаар жылан менен уча турган уулуу* жылан жашаган,Азаптуу, кыйынчылыгы көп жерди аралап баратышат.
Бирок элге* ал байлыктын пайдасы тийбейт.
7 Себеби Мисирдин эч жардамы тийбейт.+
Ошон үчүн ага «ордунан жылбас Рахап»+ деген ат койдум.
8 «Эми барып, муну алардын көзүнчө тактайга жаз,Китепке түшүр.+
Бул келечекке калсын,Түбөлүккө күбөлөндүрүү болсун.+
9 Анткени алар — козголоңчул,+ калпычы эл,+Менин, Жахабанын, мыйзамын* уккусу келбеген уулдар.+
10 Алар аян алгандарга: „Аян алганыңарды токтоткула“,— дешет,Ал эми пайгамбарларга: „Бизге чындыкты айтпагыла.+
Бизге жаккан нерселерди, жалган аяндарды айткыла.+
11 Түз жолдон чыккыла; жолуңардан бурулгула.
Ысрайылдын Ыйыгын бизге угузбагыла“,— дешет».+
12 Ошон үчүн Ысрайылдын Ыйыгы мындай дейт:
«Сөзүмдү четке кагып,+Арамзалыкка, алдамчылыкка ишенип,Ошого таянганыңар үчүн,+
13 Күнөөңөрдөн улам жарака кеткен дубалдай,Кулайын деп калган бийик дубалдай болосуңар.
Ал дубал күтүлбөгөн жерден, көз ачып-жумгуча кулайт.
14 Эч нерсеси калбай быркырап сынган идиштей,Чоң чопо идиштей талкаланат.
Анын сыныктарынын арасынан очоктон чок алгангаЖе көлчүктөн* суу сузуп алганга жарагыдай сынык табылбайт».
15 Эгедер Теңир Жахаба, Ысрайылдын Ыйыгы:
«Мага кайрылып келсеңер, тынчсызданбасаңар, куткарыласыңар;Тынчыңар кетпесе, мага ишеним артсаңар, бул силерге күч берет»,— деген.+
Бирок силер көңүлдөнбөй койдуңар.+
16 Силер: «Жок, биз ат менен качып кетебиз!» — дедиңер.
Ошон үчүн качасыңар.
«Күлүк аттарга минип чаап кетебиз!» — дедиңер.+
Ошон үчүн артыңардан куугандар күлүк болушат.+
17 Бир кишинин коркутуп кыйкырганынан миң киши титирейт,+Беш адамдын коркутуп кыйкырганынан баарыңар качасыңар.
Аман калганыңар тоонун чокусундагы жалгыз мамыдай,Дөбөгө орнотулган жалгыз белгидей болот.+
18 Бирок Жахаба силерге ырайым кылар убакты чыдап күтүп келет,+Чара көрүп, силерге кайрымдуулук кылат.+
Анткени Жахаба — адилеттүү Кудай.+
Аны күткөндөрдүн* баары бактылуу.+
19 Сиондо, Иерусалимде,+ эл жашаганда, ыйлабай каласың.+ Жардам сурап зарлаган үнүңдү угуп, Кудай ырайым кылат, үнүңдү угары менен жооп берет.+
20 Жахаба силерге кыйынчылыкты нандай кылып, кысымчылыкты суудай кылып берет,+ бирок андан кийин Улуу Насаатчыңар жашынбай калат. Улуу Насаатчыңарды+ өз көзүңөр менен көрөсүңөр.
21 Оңго же солго бурулуп кетсеңер, ар бириңер арт жактан: «Жол мына,+ ушул жол менен жүргүлө»,— деген үндү угасыңар.+
22 Күмүш капталган, оюлуп жасалган буркандарыңарды, алтын капталган куйма айкелдериңерди арамдайсыңар.+ «Жоголгула!» — деп*, аларды кан болуп калган чүпүрөктөй* ыргытып жибересиңер.+
23 Кудай жерге сепкен үрөнүңө жамгыр жаадырат,+ жериңдин түшүмү — нан — мол да, пайдалуу да болот.+ Ошол күнү малың кенен жайытка жайылат.+
24 Жер айдаган букалар менен эшектер күрөк, айры менен сапырылган, ат кулак кошулган тоют жейт.
25 Чоң кыргын болуп, мунаралар кулаган күнү бийик тоолор менен бийик дөңсөөлөрдүн баарында суулар агат, суу аккан арыктар болот.+
26 Жахаба өз элинин сынган жерин таңып,+ соккудан алган оор жараатын айыктырган+ күнү толгон айдын жарыгы күндүн жарыгындай болот, күндүн жарыгы болсо жети күндүн жарыгы бир учурда тийгендей жети эсе жарык болот.+
27 Мына, Жахаба* алыстан келатат,Каары жалындап, коюу кара булуттар менен келатат.
Ал ачуулана сүйлөп жатат,Тили жалмап кетчү оттой.+
28 Анын руху* моюнга чейин көтөрүлгөн ташкын суудай.
Ал элдерди калбай калгыча электен өткөрөт,Элдердин оозуна туура эмес жолго бура турган ооздук салат.+
29 Силер майрамга даярданган* түнү ырдагандай ырдайсыңар,+Ысрайылдын Аска-зоосу+ болгон Жахабанын тоосуна чыгып бараткан,Чоор көтөрүп* чыгып бараткан киши кандай кубанса,Силердин жүрөгүңөр да ошондой кубанат.
30 Жахаба кайнаган каары менен+Жалмаган оттун жалыны,+Нөшөр,+ катуу шамал, мөндүр+ аркылууАдамдарга даңктуу үнүн угузуп,+Билегинин күчүн көрсөтөт.+
31 Жахабанын үнүнөн Ашурду коркунуч басат;+Ал аны таяк менен урат.+
32 Жахаба сокку уруп,Ашур менен салгылашат.
Аны жазалаш үчүн таягы менен сокку урган сайын,+Дап кагылат, арфа чертилет.+
33 Ашурга ал жок кылына турган жер*+ камдалган,Ал жер падыша үчүн да даярдалган.+
Кудай* кенен, терең аңды отунга толтурду,От жалындап күйүп жатат, отун да мол.
Жахабанын деми күкүрттүн агымындай болуп ал жерге от коёт.
Шилтемелер
^ Же: «суюк тартууларды куюп». Сыягы, келишим түзгөндү билдирет.
^ Сөзмө-сөз: «рухума».
^ Сөзмө-сөз: «Алар».
^ Сөзмө-сөз: «оттуу».
^ Сыягы, Жүйүттүн элин билдирет.
^ Же: «көрсөтмөсүн».
^ Же балким: «суу сакталчу чуңкурдан».
^ Же: «чыдамсыздык менен күткөндөрдүн».
^ Же балким: «Аларды жийиркеничтүү дейсиңер».
^ Айыз келгенде колдонулган чүпүрөк жөнүндө сөз болуп жатат.
^ Сөзмө-сөз: «Жахабанын ысмы».
^ Же: «деми».
^ Же: «майрамга карата өзүңөрдү ыйыктаган».
^ Же: «Чоордун коштоосунда».
^ Сөзмө-сөз: «Топет». Бул жер өрттөлүп жок болууну билдирген каймана маанидеги жайды билдирет.
^ Сөзмө-сөз: «Ал».
