Ышая 32:1—20
32 Мына, падыша+ адилдик менен бийлик жүргүзөт,+Төрөлөр адилеттик менен башкарышат.
2 Алардын ар бири шамалдан коргой турган калканычтай,Нөшөрдөн калкалай турган жайдай,Какшыган жердеги суу агымындай,+Кагыраган жердеги бийик асканын көлөкөсүндөй болот.
3 Ошол кезде көзү көргөндөрдүн көзү тунарбайт,Кулагы уккандар кунт коюп угушат.
4 Шашмалар үйрөнүп-билгендери жөнүндө ой жүгүртөт,Кекечтер шар, так сүйлөп калат.+
5 Акылсызды берешен,Уяты жокту тектүү дебей калышат.
6 Себеби акылсыз болбогон нерселерди сүйлөйт,Жүрөгүндө кыянаттык ойлоп,+Башкаларды Кудайдын жолунан четтегенге*, Жахабага калп айтканга түртөт,Ачканы тамак-ашсыз,Суусаганды суусу жок калтырууну көздөйт.
7 Уяты жок адам арамдык ойлоп жүрөт;+Атүгүл жакырдын айткандары туура болсо да,Жалган айтып, бей-бечараларды жок кылыш үчүн+Башкаларды уятсыздыкка түртөт.
8 Ал эми берешен адам берешендик кылгысы келет,Берешендигинен* жазбайт.
9 «Өзүнө корстон болгон аялдар, тургула, сөзүмө кулак салгыла!
Бейкам жүргөн кыздар,+ айткандарыма көңүл бургула!
10 Бейкам жүргөндөр,Бир жылдан бир аз өткөндөн кийин эле дүрбөлөңгө түшөсүңөр,Анткени жүзүм жыйнай турган убак бүтсө да, жыйналган түшүм болбойт.+
11 Өзүнө корстон болгон аялдар, титирегиле!
Бейкам жүргөндөр, калтырап-титирегиле!
Кийимиңерди чечип, жылаңачтангыла,Таар курчангыла.+
12 Түшүмдүү талаалар үчүн, мөмөлүү жүзүм үчүнКөкүрөгүңөрдү ургулап боздогула.
13 Себеби элимдин жерин тикенек менен тикенектүү бадал басат;Шаттыкка толгон үйлөрдүн баарын,Шаңдуу шаарды каптап кетет.+
14 Чептүү мунара каралбай калды,Бака-шака түшкөн шаар ээн калды.+
Опел+ менен күзөт мунарасы түбөлүккө ээн талаага,Жапайы эшектер оюн салган жерге,Мал жайылган жайытка айланды.+
15 Кудай бизге ыйык рухун төккөнгө чейин,+Чөл бакчага айланганга чейин,Бакча токойдой көрүнгөнгө чейин ошондой болот.+
16 Ошондо ээн талаада адилеттик өкүм сүрөт,Бакчада адилдик жашайт.+
17 Чыныгы адилдиктин натыйжасы бейпилдик болот,+Чыныгы адилдиктин жемиши түбөлүктүү тынчтык менен коопсуздук болот.+
18 Менин элим бейпил жерде,Коопсуз турак жайларда, тынчтык өкүм сүргөн жерлерде жашайт.+
19 Бирок мөндүр жаап, токой кыйрайт,Шаар жер менен жексен болот.
20 Суусу бар жерлердин баарына үрөн сепкендер,Букасы менен эшегин талаага коё бергендер, силер бактылуусуңар».+
