Ышая 33:1—24
33 Эй, зомбулук көрбөгөн зомбулукчу*,Чыккынчылык көрбөгөн чыккынчы, башыңа каран түн түшөт!+
Башкаларга зомбулук кылып бүткөнүңдө, өзүңө да зомбулук көрсөтүлөт.+
Чыккынчылык кылып бүткөнүңдө, сага да чыккынчылык кылынат.
2 Оо, Жахаба, бизге ырайым кыла көр.+
Сага үмүт артып келебиз.
Күндө эртең менен биздин каруу-булчуңубуз боло көр,+Кыйын кезеңде куткаруучубуз боло көр.+
3 Катуу чыккан добуштан элдер качат.
Ордуңан турганда, алар туш тарапка чачырайт.+
4 Баарын мойсогон чегирткеге окшоп, эл олжоңорду талап кетет;Олжоңорду чегирткедей каптап кетет.
5 Жахаба баарынан жогору болот,Анткени ал эң жогоруда жашайт.
Ал Сионду адилеттикке, адилдикке толтурат.
6 Анын аркасы менен жашооңор тынч, коопсуз болот;Жахабанын силерди укмуштуудай жол менен куткарганы,+ берген акылмандыгы менен билими,Силердин андан коркконуңар+ — зор байлык*.
7 Алардын* баатырлары көчөдө кыйкырып жатышат,Тынчтык жарыялаганга жиберилген кабарчылары өксөп ыйлап жатышат.
8 Чоң жолдор ээн калды,Ал жолдордон эч ким өтпөй калды.
Душман келишимди бузду,Ал шаарларды жек көрдү,Адамды такыр баркка албай калды.+
9 Бул жер аза күтүп жатат*, куурап барат.
Лебанон уят болду,+ чирип кетти.
Шарон чөлгө айланды,Башан менен Кармилдин жалбырагы күбүлүп жатат.+
10 Жахаба мындай дейт: «Эми ордуман турам,Эми өзүмдү даңазалайм,+Эми зоболомду көтөрөм.
11 Боюңарда кургак чөп бар, саман төрөйсүңөр.
Жаман оюңар өзүңөрдү оттой жалмайт.+
12 Ошондо элдер өчкөн акиташтай болот,Кыя чабылган тикенектей отко күйүп жок болот.+
13 Алыстагылар, менин эмне кыларымды уккула!
Жакындагылар, кудуреттүү экенимди моюнга алгыла!
14 Сиондогу күнөөкөрлөрдүн үрөйү учуп жатат;+Кудайдын жолунан четтегендерди калтырак басты.
Алар: „Кимибиз куйкалаган оттун жанында жашай алабыз?+
Кимибиз өчпөс оттун жанында жашай алабыз?“ — деп жатышат.
15 Ким дайыма адил иш кылса,+Чындыкты айтса,+Алдамчылык менен табылган арам оокаттан баш тартса,Пара албаса,+Кан төгүү жөнүндө уккусу келбесе,Жаман нерсени көргөндөн баш тартса,
16 Ал бийик жайда жашайт;Көк тиреген аскалар ага коопсуз чеп болот,Ал эч качан нандан өксүбөйт,Суусу да түгөнбөйт».+
17 Элим, силер көрккө бөлөнгөн падышаны көрөсүңөр,Алыскы жерди көрөсүңөр.
18 Коркунуч туудурган нерсени эстеп*:
«Катчы кайда?
Салык төлөгөн киши кайда?+
Мунараларды санаган кайда?» — дейсиңер.
19 Бой көтөргөн,Түшүнүксүз тилде сүйлөгөн,Сүйлөгөнү кекечтенгендей угулган элди көрбөйсүңөр.+
20 Майрамдарыбызды өткөргөн Сион шаарын карагыла!+
Ошондо Иерусалимдин тынч жер экенин,Эч качан ордунан жылбай турган чатырдай экенин көрөсүңөр.+
Анын казыктары эч качан суурулбайт,Бир да жиби үзүлбөйт.
21 Ал жакта Улуу Кудай Жахаба бизди коргойт,Биз үчүн коргоп турган дарыялары менен кенен арыктары бар жердей болот.
Ал жер аркылуу душмандын бир да кемеси, бир да чоң кеме өтпөйт.
22 Анткени Жахаба — Сотубуз,+Жахаба — Мыйзам чыгаруучубуз,+Жахаба — Падышабыз;+Бизди куткара турган — ошол.+
23 Душмандын кемелеринин аркандары бошойт;Алар кеменин устунун кармап тура албайт,Ошон үчүн жел айдаган кездемеси керилбейт.
Ошол кезде көп олжону бөлүп алышат,Атүгүл аксактарга да чоң үлүш тиет.+
24 Ал жакта жашагандардын бири да:
«Ооруп жатам»,— дебейт.+
Ал жерде жашаган элдин күнөөсү кечирилет.+
Шилтемелер
^ Ашурду билдирет.
^ Же балким: «ал тартуулаган байлык».
^ Сыягы, жүйүт элинин.
^ Же балким: «соолуп барат».
^ Же: «нерсе жөнүндө ойлонуп».
