Ышая 45:1—25
45 Өзүм дайындаган башчыга*, Корешке,+Элдерди баш ийдирип,+Падышаларды алсыратыш үчүн*,Эки жакка ачылма эшиктер алдынан ачылып,Дарбазалар жабылбашы үчүн,Аны оң колунан кармап турган+Мен, Жахаба, мындай дейм:
2 «Мен сенин алдыңда барам,+Дөбөлөрдү түздөйм.
Жез эшиктерди талкалайм,Темир бекиткичтерин сындырам.+
3 Сен менин Жахаба экенимди,Сени атыңдан атаган Кудай,Ысрайылдын Кудайы, экенимди билишиң үчүн,+Сага караңгы жерлердеги казыналарды,Жашыруун жайларда катылган кенчтерди берем.+
4 Кызматчым Жакып менен өзүм тандаган Ысрайыл үчүнСени атыңан атайм.
Мени билбесең да, атыңды даңктуу кылам.
5 Мен Жахабамын, менден башка Кудай жок.
Менден бөлөк Кудай жок.+
Сен мени билбесең да, сага күч-кубат берем,
6 Күн чыгыштан күн батышка чейинБаары менден башка эч ким жок экенин билиши үчүн ошентем.+
Мен Жахабамын, менден башка Кудай жок.+
7 Мен жарыкты да,+ караңгылыкты да жаратам,+Тынчтык орноткон да,+ алаамат алып келген да менмин;+Ушунун баарын кылган менмин, Жахабамын.
8 Оо, асман, жамгыр жаадыр;+Булуттардан адилдик төгүлсүн.
Жер ойгонуп, куткарылуу жемишин берсин,Адилдик да өнүп чыксын.+
Муну кылган менмин, Жахабамын».
9 Жаратканы менен талашып-тартышкандын башына каран түн түшөт!
Себеби ал — тек гана карапанын сыныгы,Жерде жаткан сыныктардын бири гана.
Чопо карапачыга*: «Эмне кылып жатасың?» — дейби?+
Колунан бүткөн буюм ага: «Колуңан эч нерсе келбейт»,— дейби?*
10 Атасына*: «Жарык дүйнөгө алып келгениң ушулбу?»
Же энесине*: «Төрөгөнүң ушулбу?*» — дегендин башына каран түн түшөт!
11 Ысрайылдын Ыйыгы,+ Жаратканы Жахаба:
«Келечектеги нерселер жөнүндө айткандарыма шектене турган силерсиңерби?
Балдарымды,+ жараткан нерселеримди эмне кылышты мага силер айтасыңарбы?
12 Мен жерди да,+ анын үстүндөгү адамды да жараткам.+
Асманды кездемедей кылып өз колум менен жайгам,+Андагынын баарына* буйрук берем»,— дейт.+
13 «Мен адил болгондуктан бирөөнү ордунан козгодум,+Анын бардык жолдорун түздөйм.
Ал менин шаарымды курат,+Туткунда жүргөн элимди бошотот,+ акы да, пара да албайт»,+— дейт асман аскерлеринин Кудайы Жахаба.
14 Жахаба мындай дейт:
«Мисирдин кирешеси*, Эфиопиянын саткан нерселери*, узун бойлуу шебалыктарСага алынып келинип, сеники болот.
Алар чынжырланып артыңдан жүрүшөт,Сага келип, таазим кылышат.+
Кастарлап: „Сени Кудай өзү колдойт экен,+Андан башка эч ким жок, башка Кудай жок“,— деп айтышат».
15 Оо, Ысрайылдын Кудайы, Куткаруучу,+Сен, чын эле, эмне кылып жатканыңды дайыма эле ачып бере бербеген Кудайсың.
16 Баары уятка калышат, басынтылышат;Буркан жасагандардын баары маскара болушат да, кетишет.+
17 Ысрайыл эли, силерди болсо Жахаба түбөлүккө куткарат.+
Силер эч качан уятка калбайсыңар, басынтылбайсыңар.+
18 Асманды жараткан+ чыныгы Кудай,Жерди калыптап, бекем орноткон,+Аны куру бекер эмес*,Эл жашашы үчүн жараткан+ Жахаба мындай дейт:
«Мен Жахабамын, менден башка эч ким жок.
19 Мен жашыруун жайдан, караңгы жерден сүйлөгөн эмесмин,+Жакыптын урпактарына:
„Мени издегиле, бирок аныңардан майнап чыкпайт“,— деген эмесмин.
Мен Жахабамын, дайыма чындыкты* айтам, акыйкаттыкты жарыялайм.+
20 Чогулуп келгиле.
Элдерден качып кутулгандар, жакын келгиле.+
Оюлуп жасалган бурканын көтөрүп жүргөндөр,Куткара албай турган кудайдан тиленгендер эч нерсе билишпейт.+
21 Кана, сүйлөгүлө, далилиңерди келтиргиле.
Чогуу-чараан кеңешкиле.
Муну тээ мурун эле ким айтып,Байыркы убактан бери эле ким жарыялап келатат?
Муну айткан мен, Жахаба, эмесминби?
Менден башка Кудай жок;Мен адил Кудаймын, Куткаруучумун,+ мендей башка эч ким жок.+
22 Жердин булуң-бурчундагылар, мага кайрылгыла да, куткарылгыла,+Себеби мен Кудаймын, менден башка Кудай жок.+
23 Мен өзүмдү оозанып ант бергем;Оозуман чыккан сөзгө толук ишенсе болот,Ал аткарылбай калбайт:+
Ар бир адам менин алдымда тизе бүгүп,Ар бири мага берилгендигин сактаарын айтып ант берип,+
24 Мындай дейт: „Чын эле, Жахаба дайыма адил иш кылат, ал кудуреттүү.
Ага каршы чыккандардын баары уят болуп, анын алдына келишет.
25 Ысрайылдын бүт тукуму Жахабага кызмат кылганы туура болгонун түшүнөт,+Анын алар үчүн кылгандарын айтып мактанышат“».
Шилтемелер
^ Сөзмө-сөз: «Падышалардын белиндеги курларын чечиш үчүн».
^ Же: «аны калыптаганга».
^ Сөзмө-сөз: «Анын колу жок». Же балким: «Чопо: „Жасаган нерсеңдин кармагычтары жок“,— дейби?»
^ Сөзмө-сөз: «Атага».
^ Сөзмө-сөз: «аялга».
^ Же: «Кыйналып төрөгөнүң ушулбу?»
^ Же: «Анын бүт кошуунуна». Сыягы, асман телолорун билдирет.
^ Же балким: «соодагерлери».
^ Же балким: «жумушчулары».
^ Же балким: «жөн эле бош турушу үчүн эмес».
^ Же: «адилдикти».
