Ышая 46:1—13
46 Бел бүгүлдү,+ Небо* ийилди.
Алардын буркандары жүк ташыган жаныбарларга жүктөлдү,+Чарчап калган жаныбарларга оор жүк болду.
2 Ал кудайлар бүгүлдү, ийилди.
Алар жаныбарларга артылган буркандарын сактай алышпайт,Өздөрү да туткунга кетип баратышат.
3 «Оо, Жакыптын урпактары, ысрайыл элинен калгандардын баары,+Эл болгонуңардан бери энедей болуп өзүм кам көрүп, өзүм көтөрүп жүргөндөр, мени уккула.+
4 Мен карыганыңарда да өзгөрбөйм,+Чачыңарды ак басканда да силерди көтөрүп жүрөм.
Мурункудай эле силерди көтөрүп, колдоп, сактап жүрөм.+
5 Силер мени кимге окшоштурасыңар?+
Окшош жагыбызды көрсөтүп, кимге теңеп, кимге салыштырасыңар?+
6 Кээ бирөөлөр капчыгынан алтынды шагырата төгүп,Күмүшүн таразага тартып,Зергер жалдап, андан кудай жасатышат.+
Анан жүзтөмөндөп жыгылып, анысына сыйынышат.+
7 Аны ийнине салып, көтөрүп алышат;+Көтөрүп барып, өз ордуна коюшат, ал ошол жерде тура берет.
Ордунан такыр жылбайт.+
Ага жалбарышат, бирок ал жооп бербейт,Эч кимди кыйынчылыктан куткара албайт.+
8 Ушуларды унутпагыла, кайраттуу болгула.
Мыйзамды бузгандар, ушуларды көкүрөгүңөргө түйүп алгыла.
9 Мурункуну, байыркы убакта болгондорду эстегиле,Менин Кудай экенимди, менден башка Кудай жок экенин эстегиле.
Мен Кудаймын, мага окшош эч ким жок.+
10 Аягында эмне болорун мен башынан эле айтам,Боло элек нерселерди байыртан бери айтып келем.+
„Ой-ниетим* аткарылат,+Эмнени кааласам, ошону ишке ашырам“,— дейм.+
11 Күн чыгыштан жырткыч кушту чакырам,+Ой-ниетимди аткара турган кишини алыскы жерден чакырам.+
Айтканымды аткарам,Ойлогон оюмду орундатам.+
12 Тоң моюндар, мага кулак салгыла,Адилдиктен алыстагандар, уккула.
13 Адилдигимди көрсөтө турган убакка аз калды,Ал жакындап калды.
Мен куткара турган убак кечикпейт.+
Сиондун тургундарын куткарам, Ысрайылды даңкыма бөлөйм».+
