Ышая 50:1—11
50 Жахаба мындай дейт:
«Энеңерди кетирип жибергенимде талак кат+ бердим беле?
Же бирөөгө карыз болуп, силерди ошого сатып жибердим беле?
Силер өз күнөөлөрүңөр үчүн+ туткундалып кеткенсиңер,Энеңер да силердин кылмыштарыңар үчүн кетирилген.+
2 Мен келгенде, эмне үчүн эч ким жок эле?
Мен чакырганда, эмнеге эч ким жооп берген эмес эле?+
Эмне, кун төлөп куткарып алганга кудуретим жетпейби?
Же куткарып алар күчүм жокпу?+
Мен буйрук бергенде, деңиз какшыйт,+Дарыялар чөлгө айланат.+
Ичиндеги балыктар суу жок калгандыктан сасыйт,Суунун жоктугунан кырылат.
3 Мен асманды караңгылыкка чулгайм,+Үстүнө таар жабам».
4 Туура сөз тандап, чарчаганга дем-күч бере алышым үчүн*,+Эгедер Теңир Жахаба мага эмне деп айтышты үйрөттү*.+
Ал мени күнүгө эртең менен ойготот,Устатынан үйрөнүп жаткан шакирттей болуп угушум үчүн ойготот*.+
5 Эгедер Теңир Жахаба кулагымды ачты,Мен каршы болгон жокмун.+
Тескери бурулуп кеткен жокмун.+
6 Уруп жаткандарга жонумду,Сакалымды жулуп жаткандарга жаагымды тосуп бердим.
Мазакташканда, жаба түкүрүшкөндө, жүзүмдү жапкан жокмун.+
7 Бирок мага Эгедер Теңир Жахаба жардам берет,+Ошон үчүн өзүмдү кемсинтилгендей сезбейм.
Ошондуктан аларга туруштук бериш үчүн оттук таштай бекем болом деп чечтим,+Уятка калбасымды билем.
8 Мени адил деп жарыялай турган жанымда.
Анда мени ким айыптай алат?*+
Сот алдында чогуу туралы*.
Кимдин мага каршы доосу бар?
Жаныма келсин!
9 Мага Эгедер Теңир Жахаба жардам берет.
Анда мени ким айыптуу деп жарыялайт?
Алардын баары кийимдей эскирет,Күбө жеген кийимдей болот.
10 Кимиңер Жахабадан коркуп,Анын кызматчысына кулак саласыңар?+
Кимиңер жарыкты көрбөй, чылк караңгыда жүрөсүңөр?
Ал Жахабанын ысмына таянып, Кудайынын жардам берерине ишенсин.
11 «От жагып, учкун учургандардын баары,Силер болсо ошол отуңардын жарыгында,Учурган учкунуңардын арасында жүрө бергиле.
Силердин менден ала турган жазаңар бул:
Бүк түшүп, катуу кыйналасыңар.
Шилтемелер
^ Же балким: «жооп бере алышым үчүн».
^ Сөзмө-сөз: «кулагымды ойготот».
^ Же: «жакшы үйрөтүлгөн тил берди».
^ Же: «Мени менен ким талашып-тартыша алат?»
^ Же: «Бетме-бет туралы».
