Ышая 51:1—23
51 Адилдикке умтулгандар,Мени, Жахабаны, издегендер, мага кулак салгыла.
Кайсы аскадан оюлуп алынган болсоңор, ошол асканы,Кайсы чуңкурдан казылып алынган болсоңор, ошол чуңкурду карагыла.
2 Атаңар Ыбрайым жөнүндө,Силерди төрөгөн* Саара+ жөнүндө ойлонгула.
Мен Ыбрайымды чакырганымда, ал жалгыз болчу,+Бирок ага батамды берип, тукумун көбөйткөм.+
3 Жахаба Сионду сооротот.+
Анын кыйратылган жерлеринин баарын калыбына келтирет*,+Ээн талаасын Эйден багындай,+Чөлдүү түздүгүн Жахабанын багындай кылат.+
Ал жерде шаттык менен кубаныч өкүм сүрөт,Ыраазычылык менен жагымдуу ырлар угулат.+
4 Элим, мага көңүл бур,Калкым, мага кулак сал.+
Себеби мен мыйзам чыгарам,+Адилеттигимди орнотуп, элдер үчүн жарык кылам.+
5 Акыйкаттык орното турган күнүм жакын.+
Мен куткара турган күн жакындап келатат,+Элдерге сот жүргүзөм*.+
Аралдарда жашагандар мага үмүт артышат,+Күчүмдү көрсөтө турган убакты күтүшөт.
6 Башыңарды көтөрүп, асманды карагыла,Төмөндөгү жерди карагыла.
Асман түтүндөй тарап кетет;Жер кийимдей эскирет,Тургундары кара чиркейдей өлүп жок болушат.
Ал эми мен куткарганда түбөлүккө куткарам,+Адилдигим эч качан жок болбойт.+
7 Адилдик деген эмне экенин билген,Мыйзамымды* жүрөгүндө сактап келген эл,+ мага кулак сал.
Ажалдуу пенделердин шылдыңынан коркпо,Кордогонунан үрөйүң учпасын.
8 Анткени күбө аларды кийимди жегендей,Күбө* жүндөн токулган кийимди жегендей жейт.+
Ал эми менин адилдигим түбөлүктүү болот,Мен куткарганда түбөлүккө куткарам».+
9 Оо, Жахаба*, ойгон, ойгон!
Күч-кубатты кийимдей кылып кий!+
Байыркы убактагыдай, мурунку муундардын убагындагыдай ойгон.
Рахапты*+ бөлүп-бөлүп таштаган,Деңиздеги алп жаныбарды сайып өлтүргөн сен эмес белең?+
10 Деңизди, түпсүз терең сууларды какшыткан сен эмес белең?+
Кун төлөп куткарып алынгандар өтүшү үчүн, деңиздин түбүнөн жол ачкан сен эмес белең?+
11 Жахаба кун төлөп куткарып алгандар кайтып келет.+
Алар Сионго кубана үн салып кайра келет,+Түгөнбөгөн кубаныч алардын таажысы болот.+
Алар шаттанышат, кубанышат,Кайгы менен үшкүрүк жок болот.+
12 Кудай мындай дейт: «Силерди мен өзүм сооротуп жатам.+
Анда өлүп жок боло турган ажалдуу пендеден,+Көк чөптөй куурап жок боло турган адамдан эмнеге коркушуң* керек?
13 Мен, Жаратканың Жахаба,+Асманды кездемедей жайгам,+ жердин пайдубалын салгам.
Анда эмнеге мени унутуп коёсуң?
Сен өзүңдү эзгендердин* каарынан күнү бою коркчусуң,Алар сени жок кылып коёт деп ойлочусуң.
Бирок алардын каары азыр кайда?
14 Чынжырланган туткун жакын арада бошотулат,+Ал өлбөйт, көргө түшпөйт,Нанга зар болбойт.
15 Мен, Жахаба, деңизди алай-дүлөй түшүрүп,Толкундарын долуланткан Кудайыңмын.+
Менин ысмым — асман аскерлеринин Кудайы Жахаба.+
16 Асманды орнотуп, жердин пайдубалын салып,+Сиондун элине: „Сен менин элимсиң“,+— деш үчүн,Сөздөрүмдү оозуңа салам,Сени колум менен калкалайм.+
17 Жахабанын колундагы каарына толгон чөйчөгүнөн ичкен Иерусалим,Ойгон, ойгон, ордуңан тур.+
Сен чөйчөктөн ичтиң,Теңселте турган чөйчөктөн шыпкап ичтиң.+
18 Төрөгөн уулдарыңдын ичинен сени жетелегенге эч ким болгон жок,Өстүргөн уулдарыңдын ичинен колуңан кармаганга эч ким болгон жок.
19 Сени эки каргаша басты:
Талап-тоноо менен кыйроо,Ачарчылык менен кылыч!+
Сага ким боор ооруйт? Ким сооротот?+
20 Уулдарың эс-учун жоготту.+
Алар, торго түшкөн аркарлардай болуп,Ар кайсы көчөнүн кесилишинде жатат.
Аларга Жахабанын каары төгүлдү, Кудайыңдын жазасы толук берилди».
21 Ошон үчүн, шарап ичпей мас болгон байкуш аял*,Буга кулак салчы.
22 Теңириң Жахаба, өз элин коргогон Кудайың, мындай дейт:
«Мен сенин колуңан теңселте турган чөйчөктү,+Каарыма толгон чөйчөктү алам,Андан экинчи эч качан ичпейсиң.+
23 Мен аны сени кыйнагандарга берем.+
Алар сага: „Жүзтөмөндөп жат, сени тебелеп өтүп кетели“,— дешкен.
Ошондо аларга жонуңду жердей кылып,Көчөдөй кылып тосуп бергенсиң».
Шилтемелер
^ Же: «толгоо тартып төрөгөн»
^ Сөзмө-сөз: «сооротот».
^ Сөзмө-сөз: «колдорум сот жүргүзөт».
^ Же: «Көрсөтмөлөрүмдү».
^ Же балким: «Курт».
^ Сөзмө-сөз: «Жахабанын колу».
^ Сионго карата айтылган.
^ Же: «камап койгондордун».
^ Иерусалим аялга салыштырылган.
