Ышая 54:1—17
54 «Бала көрбөгөн, төрөбөгөн аял, кубана үн сал!+
Эч качан толгоо тартып кыйналбаган аял,+ шаттан, кубанып кыйкыр,+Анткени күйөөсү* бар аялдыкына карагандаКүйөөсү таштап кеткен аялдын балдары көп,+— дейт Жахаба.—
2 Чатырыңды кеңейт.+
Чоң чатырыңдын жабууларын узарт.
Эч чек койбо, чатырыңдын аркандарын узарт,Казыктарын бекем как.+
3 Себеби чек араларың оңго да, солго да кеңейет.
Тукумуң элдерге үстөмдүк кылат,Ээн калган шаарларга отурукташат.+
4 Коркпо,+ анткени уятка калбайсың;+Өзүңдү кемсинтилгендей сезбе, анткени көңүлүң кайт болбойт.
Жаш кезиңде шылдың болгонуңду унутасың,Жесир калып маскара болгонуңду экинчи эстебейсиң».
5 «Улуу Жаратканың+ сага күйөөңдөй* эле,+Анын ысмы — асман аскерлеринин Кудайы Жахаба,Ысрайылдын Ыйыгы — сени кун төлөп куткарып алуучу.+
Аны бүт жер жүзүнүн Кудайы деп аташат.+
6 Анткени Жахаба сени күйөөсү таштап кеткен, кайгыга баткан аялды чакыргандай,+Жаш кезинде турмушка чыгып, кийин күйөөсү кетирип жиберген аялды чакыргандай чакырып алган»,— дейт Кудайың.
7 «Мен сени бир аз убакытка эле калтыргам,Бирок эми чексиз ырайым көрсөтүп кайра алып келем.+
8 Каарым ташкындап турганда, көз ирмемге сенден жүзүмдү жашыргам,+Бирок түбөлүктүү сүйүүмдөн* улам сага кайрымдуулук кылам»,+— дейт сени кун төлөп куткарып алган+ Жахаба.
9 «Бул Нухтун күндөрүндөгүгө окшош.+
Мен Нухтун убагында суулар жерди экинчи каптабай турганын айтып ант бергенимдей,+Сага каарданбай турганымды, сени жазалабай турганымды айтып ант берем.+
10 Тоолор жок болушу мүмкүн,Адырлар солкулдашы мүмкүн,Бирок менин сага болгон туруктуу сүйүүм жок болбойт,+Тынчтык келишимим бузулбайт»,+— дейт сага кайрымдуулук кылган Жахаба.+
11 «Бороон-чапкында калган, сооронуч таппаган+ байкуш аял!+
Мен таштарыңды бекем кармай турган аралашма менен бекитем,Пайдубалыңды сапфир ташынан тургузам.+
12 Дубалдарыңдын үстүндөгү арсактарын рубинден,Дарбазаларыңды жаркыраган* таштардан жасайм,Тегерегиңдеги бардык дубалдарыңды* кымбат баалуу таштардан тургузам.
13 Уулдарыңдын* баарын Жахаба үйрөтөт,+Алар мол тынчтыкка бөлөнөт.+
14 Сен адилдик менен бекем түптөлөсүң.+
Эзүүчүлөрдөн алыста болосуң,+Эч нерседен коркпойсуң, эч нерсе үрөйүңдү учурбайт,Андай нерселер жаныңа жакын жолобойт.+
15 Эгер сага бирөө кол салса,Ал менин буйругумсуз кол салган болот.
Кимде-ким сага кол салса, ал сөзсүз жеңилет».+
16 «Оттун чогун үйлөп,Курал жасаган устаны мен жараткам.
Талкалаш үчүн курал колдонгон кишини да мен жараткам.+
17 Сага каршы кандай курал жасалбасын, эч кандай майнап чыкпайт,+Сотто сага айып таккан ар бир адамдын калпын чыгарасың.
Бул — мен, Жахаба, өз кызматчыларыма берген мурас.
Аларды мен адил деп эсептейм»,— дейт Жахаба.+
Шилтемелер
^ Же: «кожоюну».
^ Же: «кожоюнуңдай».
^ Же: «туруктуу сүйүүмдөн».
^ Же: «оттой жанган».
^ Же: «чек араларыңды».
^ Же: «Балдарыңдын».
