Ышая 56:1—12
56 Жахаба мындай дейт:
«Акыйкаттык кылгыла,+ адил иштерди кылгыла,Анткени мен жакын арада куткарам,Адил экенимди көрсөтөм.+
2 Ушундай иш кылган,Ушуга бекем карманган адам бактылуу,Дем алыш күн жөнүндөгү мыйзамды сактап, ал күндү арамдабаган,+Ар кандай жаман иштен алыс болгон адам бактылуу.
3 Жахабага сыйынган бөтөн жерлик:+
„Жахаба мени өз элинен бөлүп таштайт“,— дебесин.
Балалуу боло албаган эркек*: „Мен куураган даракмын“,— дебесин».
4 Себеби Жахаба мындай дейт: «Дем алыш күн жөнүндөгү мыйзамыма карманган, мага жаккан нерселерди тандаган, келишимимди сактаган андай эркектерге мындай дейм:
5 Мен аларга ыйык жайым менен тегерегиндеги дубалдарымдын ичинен орун берем,Алардын ысымын эч качан унутпайм,Бул болсо уул-кыздуу болгондон да артык нерсе.
Аларга түбөлүккө кала турган ысым,Өчпөс ысым берем.
6 Мага, Жахабага, кызмат кылыш үчүн,Жахаба деген ысмымды сүйүш үчүн,+Кызматчыларымдан болуш үчүн мага сыйынган,Дем алыш күн жөнүндөгү мыйзамымды сактап, ал күндү арамдабаган,Келишимимди бекем сактаган бөтөн жерликтерди да
7 Ыйык тоомо алып келем,+Тиленүү үйүмдө кубанычка бөлөйм.
Курмандык жайымда чалган бүтүндөй өрттөлчү курмандыктары менен башка курмандыктарын кабыл алам.
Анткени менин үйүм бардык элдер үчүн тиленүү үйү деп аталат».+
8 Ысрайылдын чачырап кеткен элин чогултуп жаткан Эгедер Теңир Жахаба:+
«Буга чейин чогулгандарга кошуп башкаларды да чогултам»,— дейт.+
9 Талаадагы бардык жапайы жаныбарлар,Токойдогу бүт жапайы жаныбарлар, келгиле, жегиле.+
10 Анын күзөтчүлөрү сокур,+ бири да эч нерсе байкабайт.+
Алардын баары — дудук иттер, үрө алышпайт,+Энтиге дем алып, жата беришет;Үргүлөгөндү жакшы көрүшөт.
11 Алар — сугалак иттер,Эч качан тоюшпайт.
Алар — түшүнүгү жок койчулар.+
Баары өз жолу менен кетишти;Ар бири арам оокаттын артынан түшүп:
12 «Келгиле! Шарап алып келейин,Мас болгуча ичимдик ичели.+
Эртең да бүгүнкүдөй болот, мындан да жакшы болот!» — дешет.
