Ышая 60:1—22
60 «Оо, аял,+ тур, жаркыра, себеби жарыгың жаркырай баштады.
Жахабанын даңкы сага жарык чачып жатат.+
2 Мына, жерди караңгылык,Элдерди коюу караңгылык каптайт;Сага болсо Жахаба жарык чачат,Үстүңөн анын даңкы көрүнөт.
3 Сенин жарыгыңа элдер,+Жаркыраган көркүңө*+ падышалар+ келет.
4 Башыңды көтөрүп, айланаңды кара!
Баары чогулуп, сага келатышат.
Уулдарың алыстан келатат,+Кыздарыңды көтөрүп келатышат.+
5 Муну көрүп кубанычтан жүзүң нурданат,+Жүрөгүң туйлап, толкуп-ташыйт,Анткени деңиздин байлыгы,Элдердин кенчи сеники болот.+
6 Сенин жериңди көп сандаган төөлөр,Мидиан менен Эпанын+ ботолору каптайт.
Шебалыктардын баары келет.
Алар алтын менен ладан жүктөп келишет.
Жахабанын даңкын жар салышат.+
7 Кедардын+ бүт малын чогултуп, сага алып келишет.
Небайоттун+ кочкорлорун да сага алып келишет*.
Алар курмандык жайымда курмандыкка чалынат, мен аларды кабыл алам,+Даңктуу үйүмдүн көркүн чыгарам.+
8 Булуттай каптап келаткан,Кептерканасына учуп келаткан көгүчкөндөрдөй болгон булар кимдер?
9 Аралдарда жашагандар мага үмүт артат;+Таршыштын кемелери алдыда* келатат,Жахаба Кудайыңдын ысмы үчүн, Ысрайылдын Ыйыгы үчүнАлар уулдарыңды алыстан алып келатат,+Алтын-күмүшүн кошо ташып келатат.
Анткени ал сени даңкка* бөлөйт.+
10 Бөтөн жерликтер дубалдарыңды тургузат,Алардын падышалары сага кызмат кылат,+Себеби каарданып, сени жазаласам да,Кайра ырайым кылам, сага кайрымдуулук көрсөтөм.+
11 Дарбазаларың дайыма ачык болот;+Күндүз да, түнкүсүн да жабылбайт,Анткени сага элдердин кенчи жеткирилет,Алардын падышалары бул иште демилгечи болот.+
12 Ал эми сага кызмат кылбай турган элдер менен падышалыктардын баары жок болот,Ал элдер түп-тамыры менен кырылат.+
13 Сага Лебанондун эң мыкты нерселери:+
Арча, ак чечек, кипарис дарактары берилет,+Менин ыйык жайымды көркүнө чыгарыш үчүн берилет;Ошондо мен бутум турган жердин даңкын чыгарам.+
14 Сени эзгендердин уулдары сага келип, таазим кылат;Сени урматтабагандардын баары бут алдыңа жыгылат;Алар сени Жахабанын шаары,Ысрайылдын Ыйыгынын Сиону деп аташат.+
15 Мен сени таштап койгон болсом да, элдер жек көрүп, сен аркылуу эч ким өтпөй калган болсо да,+Эми сени түбөлүккө сыймыктана турган жер кылам,Муундан муунга кубанычтын булагы кылам.+
16 Сен элдердин сүтүн,+Падышалардын эмчегин эмесиң;+Ошондо менин Жахаба экенимди, сенин Куткаруучуң экенимди,Жакыптын Кудуреттүү Кудайынын сени кун төлөп куткарып алганын билесиң.+
17 Мен жездин ордуна алтын,Темирдин ордуна күмүш,Жыгачтын ордуна жез,Таштын ордуна темир жеткирип турам;Көзөмөлчүң кылып тынчтыкты,Башчың кылып адилдикти дайындайм.+
18 Сенин жериңде эми зордук-зомбулук,Талкалоо менен кыйроо деген болбойт.+
Дубалдарыңды Куткарылуу,+ дарбазаларыңды Даңк деп атайсың.
19 Мындан ары сага күндүз күндүн жарыгы,Түнкүсүн айдын жарыгы керек болбойт,Себеби сага түбөлүккө жарык чача турган Жахаба өзү болот,+Кудайың сага жарыгын төгүп, көрккө бөлөйт.+
20 Мындан ары эч качан күнүң батпайт,Айыңдын жарыгы өчпөйт,Анткени Жахаба түбөлүккө жарыгың болот,+Күйүт тарткан күндөрүң бүтөт.+
21 Бүт элиң адил болот;Бул жерге түбөлүккө ээлик кылат.
Алар — өзүм отургузган чырпык, колумдан бүткөн эл;+Алар көркүмдү чыгарат.+
22 Аз киши миң кишиге,Алсыз эл күчтүү элге айланат.
Мен, Жахаба, муну өз убагында тездетем».
Шилтемелер
^ Же: «таңкы жарыгыңа».
^ Же: «Небайоттун кочкорлору да сага кызмат кылат».
^ Же: «мурункудай эле».
^ Же: «көрккө».
