Ышая 63:1—19
63 Ачык түстүү* кийим кийип,Эдомдогу+ Бозрадан+ келаткан бул ким?
Укмуштуудай кийинип,Зор күч-кубат менен келаткан бул ким?
«Ал менмин, дайыма туура сүйлөгөн,Куткарыш үчүн зор күчкө ээ Кудаймын».
2 Эмне үчүн кийимиң кызыл?
Эмнеге кийимиң жүзүм сыккан жайда жүзүм тебелегендин кийиминдей?+
3 «Мен өзүм жалгыз жүзүм тебеледим,Жанымда бир да адам болгон жок.
Душмандарымды ачууланып тебеледим,Каарданып тебелей бердим.+
Алардын каны кийимиме чачырап,Бүт кийимим булганды.
4 Мен өч ала турган күндү белгиледим,+Элимди кун төлөп куткарып ала турган убак келди.
5 Мен карап турдум, бирок мага жардам берер эч ким болгон жок;Колдой турган эч ким чыкпаганына айран-таң калдым.
Ошон үчүн өз кудуретим менен куткардым*,+Мага өз каарым күч берди.
6 Мен ачууланып, элдерди тебеледим,Аларды каарыма мас кылып,+Канын жерге төктүм».
7 Мен Жахабанын туруктуу сүйүүсүн сөз кылам,Жахабанын биздин пайдабызды көздөп жасаган бардык иштери үчүн,+Ырайымынан, чексиз сүйүүсүнөн* уламЫсрайыл элине кылган көптөгөн жакшылыктары үчүнЖахабаны даңктап-мактайм.
8 Ал: «Алар, чындап эле, менин элим, чыккынчылык кылбай турган* уулдарым» — деп,+Алардын Куткаруучусу болгон.+
9 Алар кыйналган сайын, ал да кыйналган.+
Өзүнүн өзгөчө кабарчысын* жиберип, аларды куткарган.+
Сүйүүсүнөн, боорукердигинен улам аларды кун төлөп куткарып алып,+Байыркы убакта дайыма колдоп, көтөрүп жүргөн.+
10 Бирок алар козголоң чыгарып,+ анын ыйык рухун капалантышкан.+
Ошондо ал элинин душманына айланып,+Аларга каршы согушкан.+
11 Эли байыркы күндөрдү,Анын кызматчысы болгон Мусанын күндөрүн эстеп, мындай деген:
«Оторун койчулары менен кошо+ деңизден алып чыккан Кудай кайда?+
Ага ыйык рухун берген Кудай кайда?+
12 Кудуреттүү күчү менен Мусаны колдоп* жүргөн,+Өзүнүн ысмы түбөлүккө эсте калышы үчүн,+Алардын алдында сууларды экиге бөлгөн Кудай кайда?+
13 Эли түз жерде* чуркаган аттай болуп,Эч мүдүрүлбөй өтүп кетиши үчүн,Аларды ээ-жаа бербеген* суулардан өткөргөн Кудай кайда?
14 Мал өрөөндө жуушап, тынч жаткандай,Жахабанын ыйык руху аларга тынчтык берген».+
Кереметтүү ысмың даңкталышы үчүн,Сен элиңди ошентип жетектеп жүргөнсүң.+
15 Асмандан көз чаптыр,Жогорудагы ыйык, даңктуу* жайыңдан кара.
Эмнеге бизге көңүл бурбай калдың?
Эмнеге күчүңдү көрсөтпөй калдың?
Боорукердигиң+ менен ырайымың кайда?+
Бизди эмнеге алардан өксүттүң?
16 Сен биздин Атабызсың;+Бизди Ыбрайым билбесе да,Ысрайыл тааныбаса да,Сен, Жахаба, биздин Атабызсың.
Байыркы убактан бери бизди кун төлөп куткарып келаткан Кудайыбызсың; бул — сенин ысмың.+
17 Оо, Жахаба, эмнеге жолуңдан адашышыбызга жол берип* жатасың?
Эмнеге биздин өжөрлөнүп, сенден коркпой калышыбызга жол берип жатасың?+
Өз кызматчыларыңа,Өзүңө таандык урууларга кайрадан ырайым кыла көр.+
18 Ыйык элиң өз жерине көпкө ээлик кылган жок.
Душмандарыбыз ыйык жайыңды тебелеп-тепсешти.+
19 Биз көптөн бери өзүң эч качан башкарбаган,Эч качан сенин атың менен аталбаган элдей болуп калдык.
Шилтемелер
^ Же балким: «Ачык кызыл».
^ Же: «жеңдим».
^ Же: «туруктуу сүйүүсүнөн».
^ Же: «мага берилген бойдон кала турган».
^ Же: «алдында турган периштесин».
^ Же: «Даңктуу колу менен Мусаны оң колунан кармап».
^ Же: «Ээн талаада».
^ Же: «терең».
^ Же: «көрктүү».
^ Же: «себепкер болуп».
