Ышая 8:1—22
8 Жахаба мага: «Бир чоң такта ал да,+ бетине калем* менен: „Махер-Шелал-Хаш-Баз*“,— деп жаз.
2 Андан кийин эки ишенимдүү күбө: дин кызматчы Урий+ менен Жеберехия уулу Закарыя муну жазуу түрүндө тастыктасын*»,— деди.
3 Анан мен пайгамбар аялым менен жатып, ал кош бойлуу болуп, уул төрөдү.+ Ошондо Жахаба мага: «Атын Махер-Шелал-Хаш-Баз деп кой.
4 Баланын „ата“, „апа“ дегенге тили келе электе эле, Дамасктын байлыгын, Самариядагы олжону Ашурдун падышасына ташып кетишет»,— деди.+
5 Анан Жахаба мага:
6 «Бул эл Шилоахтын* жай аккан сууларын жерип,+Резин менен Ремалиянын уулун+ колдоп, кубанганы үчүн,
7 Жахаба аларга кол салгангаАшурдун падышасы+ менен бүт аскерин жиберет.
Ал Эфрат дарыясынын албууттанган чоң сууларындай,Нугунан ашып-ташып, жээктерин каптаган сууларындай болот.
8 Ал бүт Жүйүт жерине агып кирип,Аны каптап, моюнга чейин жеткен чоң суудай болот.+
Оо, Эмануел,+ ал канаттуу сымал бүт жериңдин үстүнө канатын жаят!» — деди.
9 Элдер, зыян келтиргиле, бирок өзүңөрдүн таш-талканыңар чыгат!
Жердин учу-кыйырында жашагандар, кулак каккыла!
Согушка даярдангыла*, бирок өзүңөрдүн таш-талканыңар чыгат!+
Согушка даярдангыла, бирок өзүңөрдүн таш-талканыңар чыгат!
10 Амал ойлоп тапкыла, бирок аныңар ишке ашпайт!
Эмне айтпагыла, аныңар аткарылбайт,Анткени Кудай биз менен*!+
11 Жахаба мага кудуреттүү күчү менен таасир этип, бул элдин жолуна түшпөшүм керектигин эскертип:
12 «Бул эл: „Бизге каршы жең ичинен сүйлөшүп алышты“ — десе эле, силер да ошентип ойлобогула!
Алар корккон нерседен коркпогула,Калтырап-титиребегиле.
13 Асман аскерлеринин Кудайы Жахабаны гана ыйык туткула,+Андан корккула,Анын алдында титирегиле»,— деди.+
14 Ал өзү ыйык жай болот,Бирок Ысрайылдын эки падышалыгы үчүн чалына турган таш,Алар уруна турган аска таш болот,+Иерусалимдин тургундарына тузак, кылтак болот.
15 Алардын көптөрү чалынып жыгылып, жабыркайт;Кылтакка илинип, колго түшөт.
16 Жазуу түрүндөгү күбөлүктү* ороп кой;Мыйзамга* мөөр басып, шакирттериме тапшыр!
17 Мен Жакыптын урпактарынан жүзүн буруп кеткен+ Жахабаны мындан ары да күтөм*,+ ага үмүт артам.
18 Мен өзүм да, Жахаба берген балдарым+ да асман аскерлеринин Кудайы Жахабанын, Сион тоосунда жашаган Кудайдын, Ысрайылдагы жышаандары+ менен кереметтерибиз.
19 Силерге: «Күбүрөнүп-шыбыранып өлгөндөрдү чакыргандарга же көзү ачыктарга кайрылгыла»,— дешсе, ошенткениңер туура болобу? Адамдар жардам сурап Кудайына кайрылышы керек эмеспи? Тирүүлөр үчүн жардам сурап өлгөндөргө кайрылмак беле?+
20 Мыйзамга, жазуу түрүндөгү күбөлүккө кайрылышы керек!
Эгер алар Кудайдын сөзүнө ылайык сүйлөбөсө, аларда жарык жок.+
21 Алардын ар бири өлкөсүндө кыйналып, ачка тентип жүрүшөт.+ Ачка болгондуктан, ачууга ууккандыктан падышасын каргашат, жогору карап, Кудайын каргашат.
22 Анан тегерегин карап, кырсык-каргашадан, караңгылыктан, күңүрттүктөн, кыйынчылыктан, көзгө сайса көрүнгүс караңгылыктан башканы көрүшпөйт.
Шилтемелер
^ Сөзмө-сөз: «ажалдуу адамдын калеми».
^ Сыягы, «олжого шашылуу, талап-тонош үчүн заматта келүү» дегенди билдирет.
^ Же: «муну ырастасын».
^ Суу өткөргөн куурдун аталышы.
^ Же: «Белиңерди буугула».
^ «Кудай биз менен» дегендин еврейчеси Эмануел. Кара: Ышая 7:14; 8:8.
^ Же: «тастыктаманы».
^ Же: «Көрсөтмөгө».
^ Же: «эңсеп күтөм».
