Эзра 5:1—17
5 Акай+ пайгамбар менен Идонун+ небереси Закарыя пайгамбар+ Жүйүт жериндеги жана Иерусалимдеги жүйүттөргө аларды жетектеп жүргөн Кудайдын, Ысрайылдын Кудайынын, атынан пайгамбарлык сөз айта башташты.
2 Ошондо Шалтиелдин уулу Зоробабыл+ менен Жеосадактын уулу Жешуя+ Кудайдын Иерусалимдеги ибадатканасын кайра курганга киришишти.+ Кудайдын пайгамбарлары алар менен бирге болуп, дем-күч берип турушту.+
3 Ошол убакта дарыянын берки өйүзүндөгү башкаруучу Татнай менен Шетар-Бознай таламдаштары менен келип, алардан: «Бул үйдү куруп, курулушту бүтүргөнгө* силерге ким уруксат берди?» — деп сурашты.
4 Анан: «Муну куруп жаткан кишилердин аттарын айткыла»,— дешти.
5 Бирок Кудай жүйүт аксакалдарына көз кырын салып тургандыктан,+ Татнай менен жанындагылар курулушту токтотушкан жок, себеби алар Дарийге кат жөнөтүп, жооп келгенге чейин күтмөй болушту.
6 Дарыянын берки өйүзүндөгү башкаруучу Татнай, Шетар-Бознай жана алардын таламдаштары, тактап айтканда, дарыянын берки өйүзүндөгү башкаруучунун орун басарлары Дарийге кат жөнөтүштү.
7 Алар ага мындай деп жазышты:
«Дарий падышага.
Сизге амандык тилейбиз!
8 Падышага биздин Жүйүт дубанына, улуу Кудайдын үйүнө барганыбыз маалым болсун. Ал үйдү чоң-чоң таштардан куруп, дубалдарына устун коюп жатышат. Эл баш көтөрбөй иштеп, иши тез арбып жатат.
9 Биз алардын аксакалдары менен сүйлөшүп: „Бул үйдү куруп, курулушту бүтүргөнгө силерге ким уруксат берди?“ — деп сурадык.+
10 Ошондой эле жетекчилеринин аттарын сизге жазып жибериш үчүн аттарын сурадык.
11 Алар болсо бизге: „Биз асман-жердин Кудайынын кызматчыларыбыз. Биз мындан көп жыл мурда Ысрайылдын улуу падышасы курган ибадаткананы кайра тургузуп жатабыз.+
12 Себеби ата-бабаларыбыз асмандын Эгедери болгон Кудайды каарданткандыктан,+ ал аларды Бабыл падышасы каздимдик Небухаданасардын+ колуна салып берген. Ал болсо бул ибадаткананы талкалап,+ элди Бабылга туткундап кеткен.+
13 Бирок Бабылдын падышасы Кореш өзүнүн башкаруусунун биринчи жылында Кудайдын ибадатканасын кайра курганга буйрук берген.+
14 Ошондой эле Кореш падыша Небухаданасар Иерусалимдеги ибадатканадан, Кудайдын үйүнөн, алып кетип, Бабылдагы ибадатканага коюп койгон алтын-күмүш идиштерди Бабылдагы ибадатканадан алдыртып,+ өзү башкаруучу кылып дайындаган+ Шешпасар*+ аттуу кишиге бердирткен.
15 Кореш ага: “Бул идиштерди Иерусалимдеги ибадатканага алып бар. Кудайдын ибадатканасын мурунку ордуна кайра курушсун”,— деген.+
16 Шешпасар Иерусалимге келип, Кудайдын ибадатканасынын пайдубалын тургузган.+ Бул ибадаткана ошол убактан бери курулуп жатат, бирок бүтө элек“,— деп жооп беришти.+
17 Ошондуктан падыша туура көрсө, падышанын баалуу нерселер менен кол жазмалар сакталган Бабылдагы казынасынан издеп көрүп, Кореш падышанын Иерусалимдеги Кудайдын ибадатканасын курганга буйрук берген-бербегенин такташсын.+ Анан падышанын бул иш боюнча чыгарган чечимин бизге билдирип коюшсун».
