Эзра 6:1—22
6 Ошондо Дарий падышанын буйругу менен Бабылдагы казыналарда сакталган кол жазмаларды кылдат карап чыгып,
2 Мадай дубанынан Экбатанадагы сепилдүү сарайдан бир түрмөк табышты. Ал түрмөктөгү буйруктун негизинде мындай кат жазылды:
3 «Кореш падыша башкаруусунун биринчи жылында Кудайдын Иерусалимдеги ибадатканасы жөнүндө мындай буйрук берди:+ „Курмандыктарды чалыш үчүн жүйүттөр ибадаткананы кайра курушсун, пайдубалын бекемдешсин. Анын бийиктиги да, туурасы да 27 метр* болсун.+
4 Дубалына чоң-чоң таштардан үч катар, устундардан бир катар коюлсун.+ Кеткен чыгымдын баары падышанын казынасынын эсебинен төлөнсүн.+
5 Небухаданасар Иерусалимдеги Кудайдын ибадатканасынан Бабылга алып кеткен алтын-күмүш идиштерди+ кайра ордуна, Кудайдын ибадатканасына, алып барышсын“.+
6 Ошон үчүн мен мындай буйрук берем: дарыянын аркы өйүзүндөгү башкаруучу Татнай, Шетар-Бознай жана силердин таламдаштарыңар, дарыянын аркы өйүзүндөгү башкаруучулардын орун басарлары,+ ал жакка жолобогула.
7 Кудайдын ибадатканасын курганга тоскоолдук кылбагыла. Жүйүттүн башкаруучусу менен аксакалдары Кудайдын ибадатканасын мурунку ордуна кайра кура беришсин.
8 Жүйүт аксакалдары Кудайдын ибадатканасын курушу үчүн, силерге мындай буйрук берем: иш токтобош үчүн, кеткен чыгым падышанын казынасынан,+ тактап айтканда, дарыянын аркы өйүзүнөн чогултулган салыктардын эсебинен кечиктирилбей төлөнсүн.+
9 Ошондой эле керектүүнүн баарын, Иерусалимдеги дин кызматчылар эмне сураса, ошонун баарын: асмандын Эгедери болгон Кудайга арнап бүтүндөй өрттөлчү курмандык чалганга букачар+ болобу, кочкор+ же козу+ болобу, буудай,+ туз,+ шарап+ же май+ болобу, күн сайын берип тургула.
10 Алар асмандын Эгедери болгон Кудайга жаккан курмандыктарды дайыма чалып, падыша менен анын уулдарына өмүр тилешсин.+
11 Булардан тышкары, дагы мындай буйрук берем: эгер кимдир бирөө бул буйрукту буза турган болсо, анын үйүнөн устун сууруп, өзүн ошол устунга илип* коюшсун, үйүн болсо эл колдонгон даараткана* кылып салышсын.
12 Буйругумду бузуп, Иерусалимдеги Кудайдын ибадатканасын талкалагысы келген падышаны же элди ал ибадаткананы өзүнүн ысмы үчүн тандап алган+ Кудай өзү жазаласын. Мен, Дарий, ушундай буйрук берем. Муну тезинен аткаргыла!»
13 Дарыянын аркы өйүзүндөгү башкаруучу Татнай, Шетар-Бознай+ жана алардын таламдаштары, Дарий падыша эмнени буйрук кылса, ошонун баарын дароо аткарышты.
14 Акай+ пайгамбар менен Идонун небереси Закарыя+ пайгамбардын сөздөрү түрткү бергендиктен, жүйүт аксакалдары курулушту улантып, иш илгерилей берди.+ Ысрайылдын Кудайы буйрук кылгандай,+ ошондой эле Кореш,+ Дарий+ жана Персия падышасы Артакшашта*+ буйрук кылгандай, алар курулушту аягына чыгарышты.
15 Ал ибадаткана адар* айынын үчүнчү күнү, Дарий падышанын башкаруусунун алтынчы жылында курулуп бүттү.
16 Ысрайылдыктар: дин кызматчылар, лебилер+ жана туткундан кайтып келген калган элдин баары кубанып-шаттанып, Кудайдын ибадатканасынын ачылыш аземин* өткөрүштү.
17 Кудайдын ибадатканасынын ачылыш аземинде курмандыкка 100 бука, 200 кочкор, 400 козу чалышты. Ошондой эле уруулардын санына жараша бүт ысрайыл элинин күнөөсү үчүн курмандыкка 12 теке чалышты.+
18 Анан, Мусанын китебинде жазылгандай, дин кызматчылар менен лебилерди тобу боюнча+ Иерусалимдеги Кудайдын ибадатканасында кызмат кылганга дайындашты.+
19 Туткундан кайтып келгендер биринчи айдын он төртүнчү күнү Куткарылуу майрамын* белгилешти.+
20 Дин кызматчылар менен лебилер бири калбай тазалануу расмисин кылгандыктан,+ алардын баары таза болчу. Алар туткундан кайтып келгендердин баары үчүн, ошондой эле башка дин кызматчылар менен өздөрү үчүн Куткарылуу майрамына арналган курмандыкты чалышты.
21 Ал курмандыктан туткундан кайтып келген ысрайылдыктардан сырткары аларга кошулгандардын баары жеди. Алар Ысрайылдын Кудайы Жахабага сыйыныш үчүн ошол жердеги элдер кылган ыпылас иштерди кылганын токтотуп, тазаланышкан эле.+
22 Андан кийин баары 7 күн кубанып-шаттанып Калама майрамын+ өткөрүштү, анткени Жахаба аларды кубанычка бөлөдү, ошондой эле ал Ашур падышасы чыныгы Кудайдын, Ысрайылдын Кудайынын, ибадатканасынын курулушуна колдоо көрсөтүшү үчүн, анын жүрөгүн жибитти.+
Шилтемелер
^ Сөзмө-сөз: «60 чыканак». Б14 тиркемесин кара.
^ Же: «кадап».
^ Же балким: «таштанды ыргытылчу жер; кык төгүлчү жер».
^ Артаксеркс I. Эзра 4:7деги Артаксеркс Гаумата бөлөк.
^ Б15 тиркемесин кара.
^ Же: «ага арноо аземин».
