2-СУРОО
Кудай жөнүндө кантип билсе болот?
«Ал Мыйзам китебиндеги сөздөр оозуңдан түшпөсүн. Анда жазылгандарды так аткарыш үчүн аны күнү-түнү ой жүгүртүп оку. Ошондо ийгиликке жетесиң, акылмандык менен иш кыласың»
«Алар чыныгы Кудайдын Мыйзам китебинен окуп берип, маанисин чечмелеп, түшүндүрүп жатышты. Ошентип, элге окулгандарды түшүнгөнгө жардам берип жатышты»
«Ыймансыздардын кеңеши боюнча жүрбөгөн... киши бактылуу. Ал Жахабанын мыйзамынан рахат алат, анын мыйзамын күнү-түнү ой жүгүртүп окуйт... Эмне иш кылбасын, ийгиликке жетет»
«Филип арабаны кууп жетти да, ага катарлаш чуркап, төрөнүн Ышая пайгамбардын китебин окуп жатканын угуп: „Окуганыңызды түшүнүп жатасызбы?“ — деп сурады. Төрө: „Бирөө түшүндүрүп бербесе, кантип түшүнмөк элем?“ — деди»
«Кудайды бир да адам көрбөсө да, алар анын түбөлүктүү күчүн, касиет-сапаттарын жараткан нерселеринен көрө алышат. Себеби мунун баары дүйнө жаратылгандан бери эле жаратылыштан айкын көрүнүп турат. Ошондуктан алардын эч кимиси актана албайт»
«Ушулар тууралуу ой жүгүрт; ийгиликтериң баарына айкын көрүнгүдөй болушу үчүн, өзүңдү ушуларга арна»
«Бири-бирибизге көңүл бөлүп, сүйүүгө, жакшы иштерге үндөйлү, жыйналыштарыбызды калтырбайлы»
«Эгер кимдир бирөөңөргө акылмандык жетишпей жатса, баарына берешендик менен, жемелебей берген Кудайдан кайра-кайра сурай берсин, ошондо ага берилет»
