Эмне үчүн Жахабаны сүйгөндөр менен убакыт өткөрүшүбүз керек? Анткени чөйрөбүз бизге оң же терс таасир тийгизет (Нкл 13:20). Мисалы, Жааш падыша «дин кызматчы Жоят тирүү кезде» аны менен көп убакыт өткөргөндүктөн «Жахабанын көз алдында туура иштерди кылган» (2Жл 24:2). Ал эми Жоят өлгөндөн кийин, Жааш жаман чөйрөнүн терс таасиринен улам Жахабаны таштап кеткен (2Жл 24:17—19).

Элчи Пабыл б.з. 1-кылымында Иса Машаяктын жолдоочуларынын жыйналышын «чоң үйгө», ал эми жыйналыштын мүчөлөрүн «идиштерге» салыштырган. Эгерде жаман чөйрөдөн, атүгүл Жахабага жакпаган иштерди кылган үй-бүлөбүздөгү же жыйналыштагы кимдир бирөө менен ынак мамиле түзүүдөн качсак, «сыйга урунулган» идиш боло алабыз (2Тм 2:20, 21). Андыктан мындан ары да Жахабаны сүйгөндөр жана бизди ага кызмат кылууга үндөгөндөр менен достошууга умтула берели.

«ЖАМАН ЧӨЙРӨДӨН АЛЫС БОЛ» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Жаман таасир эте турган адамдар менен өзүбүз байкабай эле кантип убакыт өткөрүп калышыбыз мүмкүн?

• Видеодогу үч бир тууганыбызга жаман чөйрөдөн алыс болууга эмне жардам берди?

• Чөйрөнү акылдуулук менен тандоого кайсы принциптер көмөк кылат?