Көбүрөөк кызмат кылуу максатында жаңы жерге көчүп баруу үчүн ишеним талап кылынат (Ев 11:8—10). Жарчыларга муктаждык бар жерге көчүүнү ойлонуштуруп жүрсөң, аксакалдар менен сүйлөшүп көр. Чыгымдарды эсептеп чыгыш үчүн жана кайсы жакка барарыңды чечиш үчүн кандай кадамдарды жасасаң болот? Мисалы, адабияттарыбызда жарчыларга муктаждык көбүрөөк жерде кызмат кылуу жөнүндө эмне делгенин изилдеп көр. Жардам көрсөтүш үчүн башка жыйналышка которулгандар менен да кеңешип көрсөң болот (Нкл 15:22). Жахабадан тиленип, андан жетекчилик изде (Жкп 1:5). Көчүп баргың келип жаткан аймак тууралуу көбүрөөк бил. Чечим чыгарганга чейин ал жакка, мүмкүн болсо, бир нече убакытка барып кел.

«„ЭШИК КЕНЕН АЧЫЛГАНДА“, ИШЕНИМ МЕНЕН ИШ КЫЛГЫЛА. ЖАРЧЫЛАР КӨБҮРӨӨК КЕРЕК ЖЕРЛЕРГЕ КӨЧҮП БАРГЫЛА» ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Габриел Жахабага көбүрөөк кызмат кылышы үчүн эмнелерди өзгөртүшү керек болгон? Ага эмне жардам берген?