Иса бизге көп жагынан үлгү калтырган. Бирок андан, өзгөчө, сыноого жана куугунтукка кабылганда үлгү алсак болот (1Пт 2:21—23). Сөз менен кордошкондо да, атүгүл азап чектиришкенде да ал эч качан өч алган эмес (Мр 15:29—32). Ошонун баарына ал эмненин аркасында чыдай алган? Иса пайгамбар Жахабанын эркин аткарууну бек чечип алган (Жн 6:38). Ошондой эле бүт көңүлүн «алдыда күтүп турган кубанычка» топтогон (Ев 12:2).

Жахабага ишенгенибиз үчүн бизге да жаман мамиле кылышканда эмне кылабыз? Исанын чыныгы жолдоочулары «жамандыкка жамандык менен жооп бербейт» (Рм 12:14, 17). Азап чеккенде Иса Машаяктын үлгүсүнө кармансак, Кудайдын бизди көрүп ыраазы болгонун ойлоп сүйүнөбүз (Мт 5:10—12; 1Пт 4:12—14).

«БААРЫНАН ДА ЖАХАБАНЫН ЫСМЫ МААНИЛҮҮ» ДЕГЕН ТАСМАНЫ КӨРГӨНДӨН КИЙИН ТӨМӨНКҮ СУРООЛОРГО ЖООП БЕРГИЛЕ:

• Гертруд Пётцингер бир тууганыбыз бир кишилик камерада отурганда убакытты кантип акылдуулук менен колдонгон?

• Эки башка концлагерде жаткан Гертруд бир тууган жана анын жолдошу кандай азапты көрүшкөн?

• Аларга баарына чыдаганга эмне жардам берген?