Кичине болобу, чоң болобу, чечим чыгарарда: «Жахаба буга кандай карайт?» — деп ойлонобузбу? Анын ой жүгүртүүсүн толук биле албасак да, «ар кандай жакшы ишке толугу менен даяр болушубуз» үчүн Ыйык Китепке зарыл нерсенин баарын жаздырып койгон (2Тм 3:16, 17; Рм 11:33, 34). Иса Машаяк Жахабанын эркин таанып-билип, аны аткарууну жашоосунда биринчи орунга койгон (Жн 4:34). Андан үлгү алып, биз да Жахабага жаккандай чечим чыгарууга бүт күчүбүздү жумшайлы (Жн 8:28, 29; Эф 5:15—17).

«ЖАХАБАНЫН ЭРКИН ТААНЫП-БИЛЕ БЕРГИЛЕ» (ЛБ 19:18) ДЕГЕН ВИДЕОНУ КӨРҮП, БУЛ СУРООЛОРГО ЖООП БЕРГИЛЕ:

• Эмне үчүн Ыйык Китептеги принциптерди жашообузда колдонушубуз керек?

• Музыканы тандоодо Ыйык Китептеги кайсы принциптерге жетектелишибиз зарыл?

• Кийимге, сырткы көрүнүшкө байланыштуу чечим чыгарарда Ыйык Китептеги кайсы принциптерди эске алышыбыз кажет?

• Жашообуздун дагы кайсы тармактарында Ыйык Китептеги принциптерди колдонушубуз керек?

• Канткенде Жахабанын эркин жакшыраак таанып-биле беребиз?