Аюп пайгамбар бар байлыгынан, бала-чакасынан айрылып, жан чыдагыс ооруга чалдыкса да, Кудайга ишенимдүү бойдон калган. Ошондуктан Шайтан аны кынтыксыздыгынан тайдырыш үчүн ындынын өчүрүп, биротоло мүңкүрөтүп салууну көздөгөн. Аюп пайгамбарга үч «досу» келет. Адегенде алар ага боор ооруп жаткандай түр көрсөтүшөт. Анан бир да жубатарлык сөз айтпай жанында жети күн бою үн катпай отурушат. Андан соң жүрөктү жаралаган сөздөрдү айтып, анын өзүн күнөөлөп киришет.